2 Kɔliìŋ 5:13 - WƆŊ FƐ̀Ì EBÒ SÌÀŊ DAYÀA

¹³ Tɔɔɓaa sèè mààŋ è naiŋ zuwò kɛ̀ sàɓù Dayà sùà le. Kɛɛ sèè mààŋ e gòiŋ zuwò kɛ̀ è yaà esàɓù nyɛ̀iŋ biɛ̀ sùà.

2 Kɔliìŋ 5:13 ပူးပေါင်းရင်းမြစ်များ

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

2 Kɔliìŋ 11:1

Kɔ̀nɛɛ̀ŋ gèim fɛ̀ɛ̀ diɛŋ sèè pɛɛ mìŋ nyɛnɛŋ e zùwo jɔa!

2 Kɔliìŋ 12:11

Mìŋ yaà guùŋ nyinie mààŋ wo nyuùŋ zùwo, kɛɛ nyɛ̀iŋ naŋ nɔ̀ŋ saɓù wèè ka niŋ nyɛ̀nɛ̀ŋ. È yaà weè e kpàŋ è kɔɔiŋ wèè naŋ nɔ̀ŋ ko gbuuye weèim. Sèè pɛɛ miŋ gò nɔ̀ŋ è nɛ̀ŋ gbiŋ sùà, mìŋ yaà nɔ̀ŋ tɛ̀ɛ̀ mààŋ aŋ keela nyàŋ nìŋ nyaaŋ aŋ keela tàeɗùù titiiŋ nyàŋ lɛ.

2 Kɔliìŋ 12:6

Sèè ka weè mànàŋ wèè ka kɛ̀ɛ̀ maŋ nyòngà, miŋ naàŋ weè nɔ̀ŋ wò nyuùŋ zùwo, e fèfoo mìŋ henàŋ nɔ̀ŋ ko wòò e tɔɔɓaaà. Kɛɛ miŋ naàŋ kɛ̀ɛ̀ màŋ nyòngà, esaɓù kɛ̀ miŋ manàŋ wèè nyɛ̀iŋ nyɛɛ̀ŋ bà gbiŋ naŋ gongò zimgbe weèim, èsàɓù è yèɛ nìŋ naŋ yɛmɛ̀ mìŋ yaà sùà lɛ ɔ̀ɔ̀ nìŋ naŋ kòmò mìŋ naŋ woò lɛ.

2 Kɔliìŋ 7:12

E wèètii, jòòpɛɛ mìŋ naŋ sìngè wɔŋ fɛiɔ̀, kɛɛ e fè wèè wò nyùnùɔŋ naŋ nyɛ̀nɛ̀ŋ è nànàaŋ wɔ̀ ɔ̀ɔ̀ wò nyùnùɔŋ àŋ naŋ kaaɓì wɔ. Kɛɛ mìŋ naŋ sìngè wèè kaiŋ nyɛ̀nɛ̀ŋ sengei ko nɛ̀ɛ̀ŋ niìŋ, ko fɛ̀ɛ̀fèìŋ Dayà, wèè e ɗeweɛ̀ e wuanàŋ wi yààìŋ, yèè nìŋ naŋ kai kpɛɛ̀ŋ weè wilɛ̀.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.