2 Kɔliìŋ 5:1 - WƆŊ FƐ̀Ì EBÒ SÌÀŊ DAYÀA

¹ Èiŋ nyìmàŋ kɛ̀ ke saaŋ yɛɛ̀ è yààìŋ yɛi dìì le tèènè mààŋ kè kpùnaŋ wiɛ̀, sèè kè gɔɛ gɔ̀ɛ̀, è kùwàìŋ ke saaŋ e yìwìà Dayà sìwè. Ke saaŋ gò nyìlìà lè sìwè kè yaà ke saaŋ wèè julɔfɔ ko àìjɛnɛ̀ŋ.

2 Kɔliìŋ 5:1 ပူးပေါင်းရင်းမြစ်များ

Nyɛ̀nɛ̀ŋ 7:48

“Kɛɛ wo Dàyà Gaàŋ Gbeeɔ̀ fè jàwà màŋ saaŋ màŋ ànyuùŋ kpùuŋ naŋ nyɛ̀lɛ̀ maŋ dìì. Màànààŋ wo kèèlà Dayàa naŋ wa woò lɛ,

1 Kɔliìŋ 3:9

Yàwi Àpolò è yaà anyuùŋ tòmo dàwi, yèè è yaà tòòmò koɓɛ̀ guùŋ wèè Dayà, yèè nìŋ yaà mààŋ wɔŋ ɓù wèè Dayàa. E kìlà nìŋ yaà mààŋ maŋ saaŋ wèè Dayà.

2 Kɔliìŋ 4:7

E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

2 Kɔliìŋ 5:4

È yaà tɔɔɓaa maŋ kpùnaŋ màŋ è yààìŋ sùà maŋ, maŋ fè wèè julɔfɔ, esaɓù kɛ̀ è gulìàìŋ ɗìòsùà e kìlà è yààìŋ e wùànàŋ sùà wèè eiŋ miŋ fòlà dìì, eiŋ kɛ̀ɛ̀nɛ̀ŋ maŋ kpùnaŋ jɛi ko àìjɛnɛ̀ŋ.

Kòlo 2:11

Nààŋ nìŋ yaà wa aŋ bàiŋbà wo Jisɛ̀ Kulaì sùà e teengaà àŋ naiŋ jàà kpùa lɛ̀, miŋ fè wòò è kèè kè kpùà jàà nyuùŋkpùuŋ wèè wɔ̀ŋ kɔɔiŋ nɔɔ̀ŋ, kɛɛ ke kpùa jàaà wo Jisɛ̀ Kulaì naŋ wa kɔ̀ɔ̀ feìŋ lɛ, e yèɛ e nyaàiŋ naŋ dè e ɗeweɛ̀ wò naiŋ wa bilɛ̀ŋ e yìwìà e gààŋ ke kpèè maŋ jùumù dìì lɛ.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Hiɓu 11:10

Wo Eɓulɔhɛɛ̀ŋ yaà wa fùlìè e jawa gbeeɛ̀ wo Dayà naŋ wa ɗèwè kii niŋ yèè wò naŋ nyɛ̀lɛ̀ lɛ, e jawa kùwìè ko tɔɔtu nyìngàà sùà.

Hiɓu 9:11

Kɛɛ wo Jisɛ̀ Kulaì wò naàŋ hnàŋ tɛ wèè wo nɔ̀ŋ wo Kànà Sìèfèìŋ Zòòlo Gbeeɔ̀ wèè manɛ̀ŋ siaŋ maŋ yaà kià tɛ màŋ. Ke vààyàa wò zoolà dìì yɛ kuwa sɛmɛmaŋ e nìàŋ e nɛ̀ŋ gbiŋ e kìlà kè kuwa jii tùlia gbee. Maŋ kùàŋ nyuùŋkpùuŋ nàŋ gò nyiŋ nyɛ̀lɛ̀, e kìlà ke fè bà nyiŋ bà wèè è ɗuunyaŋ lɛɛ̀.

Hiɓu 9:24

Wo Jisɛ̀ Kulaì gò wa jɔ̀à ko Nɛ̀nɛ̀ŋ Nɛɛmaìŋ àŋ nyuùŋkpùuŋ naŋ wa nyɛ̀lɛ̀ yɛ, ke yèɛ yaà wa wɔŋ mììmììŋ ke vààyà kɛnɛɛ̀ e yìwìà ko àìjɛnɛ̀ŋ. Wò naŋ wa kɔ̀ ko àìjɛnɛ̀ŋ kuŋ bi, ko yèi wò yaà naàŋ ko fɛ̀ɛ̀fèìŋ Dayài wèè wo wi kpuumàŋ.

1Pììlɛ 1:4

weètii è yɛmɛ̀ìŋ ko dòmàŋfeìŋ wèè eiŋ kɛ̀ɛ̀nɛ̀ŋ maŋ kpùùmaŋ bàne màŋ wo Dayà naŋ bànè ko hàa wèè anyunùuŋ nyàŋ maŋ. Wò naŋ miŋ bànè hàa weèiŋ ko àìjɛnɛ̀ŋ, ko yèi maŋ fè hèwà ɔ̀ɔ̀ maŋ pɔɔ̀ ɔ̀ɔ̀ maŋ kùwìè è tɔ̀mɛ.

2Pììlɛ 3:11

Nààŋ manɛ̀ŋ mɛɛ̀ŋ gbiŋ do nàŋ yɛ̀mɛ̀ e pɔ̀ɔ̀pɔɔ e ɗewe mààŋ tɛɛ̀ sùà lɛ, kiìŋ ànyuùŋ kpùuŋ ziì nìŋ kuwa wèè naŋ nɔ̀ŋ? Maŋ nyiiŋ màŋ nɔ̀ŋ nɛɛmaŋ sùà, yèè niŋ tulìà miŋ wo Dayà.

1Jɔ̀ɔŋ 3:14

Sèè e weè nɔ̀ŋ e keì wòo, èiŋ nyìmàŋ kɛ̀ e fèiŋ ɓɛìŋ è fàa dìì. È yààìŋ naàŋ wɔŋ nyiiŋ gèe sùà. Esaɓù kɛ̀, è mànàìŋ anyuùŋ hààwe dàwi wi nyàŋ. Wo nyùnɔ̀ɔŋ gbiŋ manàŋ wo dàwiuŋ nɔɔ̀ŋ wɔ, wò yaà e gààŋ fàa dìì.

1Jɔ̀ɔŋ 3:19

Sèè è mɔ̀nɔ̀ìŋ aŋ dàwi, kɛ̀ èiŋ nyìmàŋ è yààìŋ anyùùŋ tɔ̀ɔ̀nyaàŋ, yèè è doiŋ nàŋ kɛ̀ɛ̀nɛ̀ŋ jii tùlia ko fɛ̀ɛ̀fèìŋ Dayài.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.