2 Kɔliìŋ 4:8 - WƆŊ FƐ̀Ì EBÒ SÌÀŊ DAYÀA

⁸ È kùwòìŋ keì nyìnga kɛɛ aŋ fè wì hike hìkè. E teenga bà è nɔ̀ìŋ jii die sùà kɛɛ e fè niŋ gè ɗì dìì.

2 Kɔliìŋ 4:8 ပူးပေါင်းရင်းမြစ်များ

Jɔ̀ɔŋ 14:18

Sèè mìŋ jòòìŋ, niŋ naàŋ nɔ̀ŋ mààŋ àŋ jɔ̀à è dàà. Mìŋ do ɓɛìŋ nàŋ kɛ̀ɛ̀ ko nɛ̀ɛ̀iŋ niìŋ.

1 Kɔliìŋ 10:13

E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

2 Kɔliìŋ 12:10

Hɛ̀ɛɛ̀ŋ, ke jii maim fɔ̀ wèè ka yɔkpɔ̀ ɔ̀ɔ̀ aim pɔ̀ɔ̀ɓɛ̀ɛ ɔ̀ɔ̀ aim kùwà naanààŋ ɔ̀ɔ̀ ka kùwìè maŋ keì nyìnga yèè ka mɔɔnɛ̀ŋ, sèè è nɔ̀ŋ nɔŋ e wèè Jisɛ̀ Kulaì. E fèfoo sèè mìŋ yɔkpɔ̀ kpeiŋ, kɛ̀ kà kùwìè e gààŋ.

2 Kɔliìŋ 6:12

Yàwi nààŋ gò wa yìlà màŋ jii wi màŋ kò nɛ̀ɛ̀iŋ niìŋ, nyɛ̀iŋ naŋ wa yìlè maŋ jiiiŋ màŋ gbàùŋ ko nɛ̀ɛ̀ŋ wiì.

2 Kɔliìŋ 6:4

Kɛɛ, e nɛ̀ŋ gbiŋ è naŋ nyɛ̀nɛ̀ŋ, è tɔɔ̀ kɛ̀ è yààìŋ aŋ ɓɔ̀ìjɔ̀à Dayà esàɓù maŋ keì nyìnga kà dìì ke jii jùa diɛŋ, maŋ mɔ̀ɔ̀nɛŋ, yèè maŋ nimilà.

2 Kɔliìŋ 7:5

E teengaà pɛɛ è naiŋ hàì ko Mɛ̀sèdonià lɛ, e gòiŋ gè nyiiŋ. È naŋ mɛ̀ɛ̀ŋ maŋ keì nyìnga ko nɛ̀nɛ̀ŋ gbiŋ, maŋ nyaàŋ tàaŋ anyùùŋ fèemàŋ, yèè e jùù naŋ wi sɛ̀ɛ̀ kɔɔ sùà.

Gàla 4:20

Mìŋ manaŋ weè kai wèè ka nɔ̀ŋ ko nɛ̀iŋ niìŋ sààmɛ lɛɛ̀ sùà, e wèè kaiŋ weè ɓèèmè ke kpèè joo bà diɛŋ. Mìŋ yaà kai e gòngo nyìnga sùà e weèiŋ.