2 Kɔliìŋ 4:7 - WƆŊ FƐ̀Ì EBÒ SÌÀŊ DAYÀA

⁷ E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

2 Kɔliìŋ 4:7 ပူးပေါင်းရင်းမြစ်များ

Maafiù 13:44

Wo Jisɛ̀ naŋ ɓɛìŋ woò wààŋ, “E Kànà àìjɛnɛ̀ɛŋ è yaà mààŋ, wo felaa bà naŋ mɛ̀ɛ̀ŋ e sùlò è yaà ko nyɛɛnɛŋ ko ɓù bà. Wò tomo ɓɛìŋ e dììɛ wo niŋ nyɛɛnɛ̀ŋ. Yèè e zɔlɔ̀ douŋ nàŋ nɔ̀ŋ, kɛ̀ wò ka wò mààŋ manɛ̀ŋ maŋ gbiŋ wò kuwa màŋ, kpeiŋ kɛ̀ wò kɛ̀ɛ̀ maŋjɛ̀wɛ̀ wò dènàŋ wɔŋ ɓùɔ ko yèi wò naŋ mɛ̀ɛ̀ŋ e sùlòɛ lɛ̀.

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

1 Kɔliìŋ 1:28

Wo Dayà naŋ ɓèmè e nɛ̀ɛŋ e ɗuunyaàŋ naŋ kɔ̀ɔ̀yɛ̀ fɛ̀ɛ̀ sùà àŋ gongà kɛ̀ e fè nɛ̀ŋ bà gbiŋ sùà lɛ, wèè wo pɔ̀ɔ̀pɔ̀ɔ̀ e nɛ̀ɛŋ e ɗuunyaàŋ gongà kɛ̀ e gbììŋ gbììŋ yaà sùà lɛ.

2 Kɔliìŋ 10:10

Wo nyùuŋ bà do nàŋ woò wààŋ, “Maŋ fɛ̀ì sìngà Pɔɔ̀ maŋ màŋ yaà ke haaŋ, yèè màŋ naŋ nyìngè sùà, kɛɛ sèè e kpùnuŋ nɛ̀ wuŋ bi wò nɔ̀ŋ wì e tɛɛ, wò naŋ yɔkpɔ̀, yèè maŋ mìè gbòauŋ màŋ fè nɛ̀ŋ bà gbiŋ sùà.”

2 Kɔliìŋ 13:4

Jòòpɛɛ wò yaà wa yɔ̀kpɔuŋ e teengaà àŋ nauŋ jìwè wɔŋ vànèkpaàa diɛŋ lɛ̀, kɛɛ esàɓù e gààŋ Dayàa sùà wò yaà wɔŋ nyiiŋ gèeɔ̀ sùà. È naiŋ yɔkpɔ̀ màànààŋ nɔŋ wo Jisɛ̀ Kulaì yaà wa lɛ̀, kɛɛ sèè è hnàìŋ nèè tɛɛ, è doiŋ nàŋ nɔ̀ŋ wɔŋ nyiiŋ gèeɔ̀ sùà esàɓù e gààŋ Dayàa sùà, nààŋ nɔŋ wo Jisɛ̀ Kulaì yaà lɛ.

2 Kɔliìŋ 4:1

E yìwìà ke nyòwò Dayàa sùà wò naŋ wi fè e tòmo lɛɛ̀ wèè e niŋ nyɛ̀nɛ̀ŋ, yèè wèètii e ɓɔ̀mɔ̀ fè wi wùìyà.

2 Kɔliìŋ 5:1

Èiŋ nyìmàŋ kɛ̀ ke saaŋ yɛɛ̀ è yààìŋ yɛi dìì le tèènè mààŋ kè kpùnaŋ wiɛ̀, sèè kè gɔɛ gɔ̀ɛ̀, è kùwàìŋ ke saaŋ e yìwìà Dayà sìwè. Ke saaŋ gò nyìlìà lè sìwè kè yaà ke saaŋ wèè julɔfɔ ko àìjɛnɛ̀ŋ.

2 Kɔliìŋ 6:10

Jòòpɛɛ ke nyowo nyɛ̀nɛ̀ŋ wì, kɛɛ e teenga gbiŋ è yààìŋ e zɔlɔ̀ sùà. È yaà mààŋ è naiŋ kɛ̀ɛ̀ sìwè, kɛɛ è nyɛ̀nɛ̀ìŋ anyuùŋ zimgbe aŋ banè. È yaà guùŋ mààŋ e kuwàìŋ è nɛ̀ŋ gbiŋ, kɛɛ tɔɔɓaa è kùwàìŋ manɛ̀ŋ maŋ gbiŋ.

Ɛfesɔ̀ 2:5

E teengaà è yààìŋ wa aŋ fà wi wo jinàaŋ sùà esàɓù maŋ keì naanààŋ wi màŋ lɛ, wò naŋ wi kɛ̀lɛ̀ɛ̀ wɔŋ nyiiŋ gèeɔ̀ sùà yàwi nààŋ Jisɛ̀ Kulaì. È naiŋ yɛ̀mɛ̀ e jòèye esàɓù e tɛ̀ɛ̀tɛ̀ɛ̀ Dayàa sùà.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 2:12

Nààŋ àŋ naiŋ wa gùò, è yaà wa mààŋ àŋ naiŋ sììyè nyɛ̀iŋ wo Jisɛ̀ Kulaì koɓɛ̀ guùŋ. E yìwìà e gùa lɛɛ̀ sùà, wo Dayà naiŋ wa gè e fàaà dìì nyɛ̀iŋ Jisɛ̀ Kulaì koɓɛ̀ guùŋ, esaɓù e hààweɛ̀ nìŋ kuwa e gààŋ Dayàa dìì lɛ, wo yèɔ naŋ wa gè wo Jisɛ̀ Kulaì e fàa dìì wɔŋ nyiiŋ gèeɔ̀ sùà wɔ.

Kòlo 2:3

Wuŋ nàŋ yaà e jìiìŋ nɛ yilà e sùlò Dayàa è yaà ko nyɛɛnɛŋ e nyaàiŋ dè e jiikɛ̀ɛɛ̀ yaà e keì nyìmàŋ fèemàuŋ nɛ̀.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

1Tɛsè 4:4

Nyɛ̀iŋ nyɛɛ̀ŋ bà gbiŋ nìŋ kuwa naŋ yɛ̀mɛ̀ ke kpùnaŋ mɔɛ̀ŋ diɛŋ e nɛɛmaŋ yaà e ɓɛ̀ɛ̀jàa sùà.

2Time 2:20

Ke saaŋ gbee dìì kuŋ maŋ nɛ̀ŋfoo yèè maŋ jàgbà gɛ̀wɛɛ̀ màŋ nɔ̀ŋ. Àŋ naŋ bàànè maŋ bà miŋ e kaiŋ fua yèè e gòoò, aŋ bàànè maŋ bà miŋ maŋ kuù gɛ̀i yèè e ɓoo, maŋ bà miŋ màŋ yaà wèè maŋ keì titi, yèè maŋ gbànaŋ mɛɛ̀ŋ màŋ yaà wèè maŋ saɓù joo.