2 Kɔliìŋ 4:4 - WƆŊ FƐ̀Ì EBÒ SÌÀŊ DAYÀA

⁴ E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

2 Kɔliìŋ 4:4 ပူးပေါင်းရင်းမြစ်များ

Maafiù 13:22

Aŋ bà nyiŋ zà yaà mààŋ manɛ̀ŋ koei màŋ naŋ sɔ̀ɔ̀ maŋ dɛiŋ màŋ sùà lɛ, nyɛɛ̀ŋ nàŋ yaà aŋ yè nyaŋ àŋ komo ke mìè Dayàa. Kɛɛ maŋ haamiŋ màŋ wɔŋ nyiiŋ gèe wɛɛ̀ŋ sùà, yaà manɛ̀ŋ maŋ zuwà nyùùŋ e nyaàiŋ dè e kèì maŋ bàne màŋ, e kpùlìà e wànàŋ manɛ̀ŋ gɛ̀wɛɛ̀ maŋ gbiŋ nɔ̀ŋ maŋ jii nyiŋ màŋ diɛŋ, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà nàaŋ ɔ̀ɔ̀ julɔfɔ.

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 1:18

Wo nyuùŋkpùuŋ bà gbiŋ kòò wò yɛ̀mɛ̀ wa wò Dayà. Wo nyùnɔ̀ɔŋ nɔŋ nauŋ yɛmɛ̀ wɔ wuŋ nàŋ yaà wo Jɔ̀àfèlàà gunɔ̀ɔŋ wo yèɔ nauŋ gbɛ̀ɛ̀ e kɔɔ fɔ̀ɔ̀ yèè wò naŋ wi tɔ̀ɔ̀ e ɗeweɛ̀ wo Dayà yaà lɛ.

Jɔ̀ɔŋ 12:31

Kpeiŋ kɛ̀ e teengaà lɛɛ̀ naàŋ wèè wo Dayà wo gbàì anyùùŋ nyaŋ e ɗuunyaàŋ, yèè wo Dayà kòò wò jaa naàŋ wo sìèfèìŋ e ɗuunyaŋ lɛɛ̀ diɛŋ tɛ.

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 12:40

“Wo Dayà naŋ wa nyɛ̀nɛ̀ŋ le fɛ̀ɛ̀ anyùùŋ e ziilè, yèè wò naŋ nyɛ̀nɛ̀ŋ maŋ jii nyiŋ màŋ maŋ nɔ̀ŋ gbɔ̀mgbɔɔ. Wo Dayà naŋ wa tɛɛ̀ nyɛ̀nɛ̀ŋ wèè kɛ̀ anyùùŋ nyaŋ go wa nàŋ yɛ̀mɛ̀ dìì, ɔ̀ɔ̀ wèè kɛ̀ aŋ go wa nàŋ nyìmè e keì gbiŋ e fèemàŋ, yèè wo Dayà wààŋ wèè aŋ go wa nàŋ kìlè ko nɛ̀ɛ̀uŋ niìŋ, wèè wo nyiŋ jùùyà hakɛ̀.”

Jɔ̀ɔŋ 12:45

Yèè wo nyùnɔ̀ɔŋ gbiŋ naim yɛmɛ̀ wɔ, wò yɛ̀mɛ̀ wo nyùnɔ̀ɔŋ naim tùɔ̀ŋ wɔ.

Jɔ̀ɔŋ 14:30

Miŋ naàŋ ɓɛìŋ gbòò kò nɛ̀ɛ̀iŋ niìŋ wèè è teenga mùnlaŋ, esaɓù kɛ̀ wo ɓɛ̀màŋɗì e kànà ɗuunyaŋ lɛɛ̀ kòò wò yaà hinie. Kɛɛ wo kuwà è gààŋ kò diɛim.

Jɔ̀ɔŋ 15:24

Kà nyɛ̀nɛ̀ŋ maŋ kèè mèè maŋ yè maŋ wo nyùùŋ bà gbiŋ e ɗuunyaàŋ kòò wò nyɛ̀nɛ̀ŋ wa màŋ. Yèè sèè àŋ goim weè yɛmɛ̀ mìŋ do miŋ nyɛ̀nɛ̀ŋ, e keì naàŋ nyiŋ weè jeè wèè màŋ jùumù nyiŋ màŋ. Kɛɛ àim yɛmɛ̀ kà nyɛ̀nɛ̀ŋ maŋ kèè mèè mɛɛ̀ŋ, yɛi nɔŋ è yaà àŋ naim wùɔ̀ŋ yèè wo Dèda miɔ̀ŋ.

Jɔ̀ɔŋ 16:11

È yaà e keì jèèe nyiŋ esaɓù kɛ̀ wo Dayà wò naàŋ hàà e kìtì tɔ̀ɔ̀nyaàŋ wo ɓɛ̀màŋɗì e kànà ɗuunyaŋ lɛɛ̀ diɛŋ.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Nyɛ̀nɛ̀ŋ 26:23

Mìŋ naŋ nyiŋ woò mìàŋ wo yèɔ wo Dayà naŋ tàeɗùù wèè wo jòèyè e ɗuunyaàŋ wɔ do naŋ kɔ̀ e mɔ̀ɔ̀nɛŋ dìì, e kìlà wuŋ jiɛ̀ nàŋ do nàŋ yèwè e fàaà dìì, wèè kɛ̀ wo hiàŋ e gbolòùŋ koɓɛ̀ aŋ Juùù nyaŋ yèè koɓɛ̀ anyùùŋ nyaŋ fè àŋ Juùù nyaŋ.”

1 Kɔliìŋ 10:20

Kpele, e nɛ̀ɛŋ mìŋ yaà woo lɛ̀ nàŋ yaà kɛ̀ e nɛ̀ɛŋ anyuùŋ gò nyìmàŋ Dayà nyaŋ giiyà saàà lɛ, aŋ jinàŋ naanààŋ nyaŋ àŋ fè niìŋ, aŋ fè niŋ kìɛ̀ŋ Dayà. Miŋ manàŋ wèè naŋ nɔ̀ŋ àŋ bàiŋbà kòɓɛ̀ àŋ jinàŋ naanààŋ.

2 Kɔliìŋ 2:11

e wèè wo Sɛ̀tanàaŋ go nàŋ kùwìè wɔŋ kùàŋ gààŋ ko diɛŋ wi, esaɓù kɛ̀ èiŋ nyìmàŋ maŋ ɗèweuŋ màŋ.

2 Kɔliìŋ 2:12

E teengaà mìŋ naŋ hàì ko Toà wèè ka wòò ke mìè gbìàŋ Ebò Siaàŋ nyaàiŋ dè wo Jisɛ̀ Kulaì lɛ, mìŋ naŋ yɛmɛ̀ kɛ̀ wo Kanaà yìlè wɔŋ gbemgbee wèè e tòmo ka feìŋ koɓɛ̀ bi.

2 Kɔliìŋ 3:11

Sèè e nɛ̀ŋ gò kòlà kuwìà e jòòwo, e yèɛ yaà wèè julɔfɔ lɛ̀ kuwìè è jòòwo gbee gàtò.

2 Kɔliìŋ 3:14

Anyùùŋ nyaŋ naŋ wa nyìngè e ɗì nyaŋ, maŋ jii nyiŋ màŋ naŋ wa gbɔumgbɔ̀ɔ̀. E dìì màànàaŋ sèè àŋ nɔ̀ŋ wa ko kpìnìè wɔŋ fɛ̀ì e mìèsùàguùŋ gɔuɔ̀, wɔŋ dèè guùŋ wiiŋ àŋ ɓuwo wa ɗì wɔŋ, kòò wɔ̀ŋ ɓùùwà nyiìŋ nɔŋ maŋ jii komaŋ diɛ̀ŋ, nààŋ àŋ nɔ̀ŋ kpìnìè maŋ fɛ̀ì mìèsùàguùŋ gɔu màŋ. Sɔɔ̀ nɔŋ wo nyùùŋ sɛ̀ɛ̀ kè gbòò Jisɛ̀ Kulaìɛ sùà pangàà wɔŋ dèè bi fòloùŋ ɗì.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Ɛfesɔ̀ 2:2

E teenga lii sùà nìŋ naŋ wa dè maŋ kpèè nàànààŋ ɗuunyaàŋ màŋ maŋjɛ̀wɛ, yèè nìŋ naŋ jɔ̀ɔ̀lɔ̀ wo nyuùŋ gbeeɔ̀ wèè maŋ gààŋ aŋ jìnàŋ nyaŋ ke nyiliɛ̀ sùà wo jinàaŋ sia anyùùŋ nyaŋ gbiŋ feìŋ, aŋ yè nyaŋ fè jɔ̀ɔ̀lɔ̀ Dayà dìì nyaŋ.

Ɛfesɔ̀ 6:12

E fèìŋ sùmiaŋ sùà màŋ kèìŋ yaà màŋ sɛ̀ìŋ, sɔɔ̀ aŋ jinàŋ naanààŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ, yèè maŋ gaàŋ gò kùwìè kò dìa nyiŋ màŋ e ɗùùnyàŋ ke nyìwì lɛɛ̀ dìì.

Fèle 2:6

Wò naŋ tèènè Dayà e teenga gbiŋ, kɛɛ wo gò wa ɓèmè wuŋ bi màŋ gàaŋ gàaŋ wèè yaà wò Dayà aŋ seenè.

Kòlo 1:15

Wo Jisɛ̀ Kulaì nàŋ yaà wo yèɔ naŋ tèènè wo Dayàa e fèiŋ yɛmɛ̀ wɔ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ, wo yèɔ kuwa gààŋ manɛ̀ŋ bànè Dayà maŋ gbiŋ diɛŋ wɔ̀.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

1Time 1:11

Ebò Siaàŋ àŋ naim wa kaà yèè àŋ naim sìè ke jii tùlia yèè e zɔlɔ̀ sùà wèè ka woò lɛ, Ebò Siaŋ bi naŋ yèwè e jòòwo yèè e tɛ̀ɛ̀tɛ̀ɛ̀ wo Dàyà gaàŋ gbeeɔ̀ sìwè.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 6:4

Kɛɛ anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. Àŋ naŋ wa yɛ̀mɛ̀ e gbòlòùŋ Dayàa e tèèngà guùŋ, yèè aŋ naŋ yɛ̀mɛ̀ e nɛ̀ŋ kìɛ̀ŋ ko àìjɛnɛ̀ɛŋ, e kìlà àŋ naŋ nɔ̀ŋ aŋ bà nyiŋ bà e nyaàiŋ dè wo Jìnàŋ Nɛɛmaàŋ.

2Pììlɛ 1:19

Ke mìè gbòà aŋ wɛ̀ijì nyaŋ naŋ ngèè ɓɛìŋ tòòyè jii nyingè wi màŋ. Nìŋ do nàŋ nyɛ̀nɛ̀ŋ tɛ̀ɛ̀ wèè naŋ yɛ̀mɛ̀ e kèì ke mìè gbìaŋ bi dììo sùà, esaɓù kɛ̀ kè yaà mààŋ e laumpò mɛ̀ɛŋ ke nyìwì sùà e jèèsùà e nììɛ sìà, yèè e gbòlòùŋ wɔŋ ɗù màŋ nyiìŋ tɛ̀tɛ̀ɔ e mɛ̀ɛ̀ŋ maŋ jiiiŋ màŋ sùà.

1Jɔ̀ɔŋ 2:11

Wo nyùnɔ̀ɔŋ gbiŋ naŋ wùɔ̀ŋ wo wùìyauŋ nɔɔ̀ŋ wɔ, wò yaà ke nyìwi sùà e kìlà wò yaà kààìŋ ke nyìwì sùà, yèè wo nyimààŋ kɛ̀ kòò wò yaà kɔɔyɛ, e fèfoo ke nyìwìɛ kè nyɛ̀nɛ̀ŋ wò zììlè le fɛ̀ɛ̀.

1Jɔ̀ɔŋ 2:8

È gbio sùà, ke sàwàa mìŋ yaà nààŋ sengei yɛ̀ kè yaà ke jɛi nyiŋ, efèfoo è naŋ yɛ̀mɛ̀ e tɔ̀ɔ̀nyaàŋ kɛnɛ nyiŋ nɛ̀ wo Jisɛ̀ Kulaì sùà yèè nyɛ̀iŋ bi. Ke nyìwìɛ kè yaà màaŋ sùà yèè e gbòlòùŋ tɔ̀ɔ̀nyaàaŋ è yaà naàŋ mɛ̀ɛŋ sùà.

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.