2 Kɔliìŋ 4:11 - WƆŊ FƐ̀Ì EBÒ SÌÀŊ DAYÀA

¹¹ Wɔŋ nyiiŋ gè wiɔ̀ gbiŋ sùà è sìàìŋ e kèì nyìngà fàa fɛɛ̀feìŋ esàɓù Jisɛ̀ɛ sùà e wèè kɛ̀ aŋ yɛmɛ̀ wɔŋ nyiiuŋ nɔɔ̀ŋ maŋ kpùnaŋ wi màŋ sùà.

2 Kɔliìŋ 4:11 ပူးပေါင်းရင်းမြစ်များ

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

Luùm 8:36

Wɔŋ fɛ̀ì Dayàa naŋ woò wààŋ, “Wèè esaɓù mɔ̀ɛ̀ è yààìŋ e kèì nyìngà e fàa fɛɛ̀feìŋ ke ɗɔɔ gbiŋ. È yààìŋ mààŋ aŋ ɓaawaa àŋ yaà kòasùà wèè aŋ nyiŋ jìwà.”

1 Kɔliìŋ 15:31

Nyɛ̀iŋ nààŋ wùìyaim nyàŋ, mìŋ sia e fàa fɛɛ̀feìŋ ke ɗɔɔ gbiŋ. E zɔlɔ̀ɛ mìŋ kuwa e nyaàiŋ eiŋ dè wɔŋ nyiiŋ gèe wiɔ̀ sùà, nààŋ è yààìŋ aŋ bàwibà Jisɛ̀ Kulaì wo Kana wiɔ̀ sùà lɛ, naim nyɛ̀nɛ̀ŋ mìŋ naŋ tɛɛ̀ woò.

1 Kɔliìŋ 15:49

Nààŋ nɔŋ è naiŋ tèènè wo nyùnɔ̀ɔŋ àŋ naŋ bàànè e dìì wɔ, yɛi è doiŋ nàŋ tèènè wo nyùnɔ̀ɔŋ naŋ fòlò ko àìjɛnɛ̀uŋ wɔ.

2 Kɔliìŋ 4:10

E teenga gbiŋ è koàìŋ e fà Jisɛ̀ɛ maŋ kpùnaŋ wi màŋ sùà, wèè kɛ̀ aŋ yɛ̀mɛ̀ wɔŋ nyiiuŋ nɔɔ̀ŋ wuŋ pɛɛ maŋ kpùnaŋ wi màŋ sùà.

2 Kɔliìŋ 4:12

Tɛɛ̀ naŋ tɔɔ̀ kɛ̀ e fàa yaà wì sùà è yaà toomo, kɛɛ wɔŋ nyiiŋ yààìŋ sùà wɔ̀ŋ yaà toomo.

2 Kɔliìŋ 5:4

È yaà tɔɔɓaa maŋ kpùnaŋ màŋ è yààìŋ sùà maŋ, maŋ fè wèè julɔfɔ, esaɓù kɛ̀ è gulìàìŋ ɗìòsùà e kìlà è yààìŋ e wùànàŋ sùà wèè eiŋ miŋ fòlà dìì, eiŋ kɛ̀ɛ̀nɛ̀ŋ maŋ kpùnaŋ jɛi ko àìjɛnɛ̀ŋ.

2 Kɔliìŋ 6:9

Mààŋ anyùùŋ nyimààŋ wì, kɛɛ anyùùŋ nyaŋ gbiŋ àŋ wi nyìmàŋ. È yaà mààŋ èiŋ fà, kɛɛ nààŋ nìŋ yɛmɛ̀ lɛ è yààìŋ wɔŋ nyiiŋ gèeɔ̀ sùà. Jòòpɛɛ àŋ ngainɓù wì, kɛɛ aŋ fè wi jìwà.