2 Kɔliìŋ 4:1 - WƆŊ FƐ̀Ì EBÒ SÌÀŊ DAYÀA

¹ E yìwìà ke nyòwò Dayàa sùà wò naŋ wi fè e tòmo lɛɛ̀ wèè e niŋ nyɛ̀nɛ̀ŋ, yèè wèètii e ɓɔ̀mɔ̀ fè wi wùìyà.

2 Kɔliìŋ 4:1 ပူးပေါင်းရင်းမြစ်များ

Luù 18:1

Wo Jisɛ̀ naŋ gììyè anyùùŋ màŋjɛ̀wɛ̀uŋ nyàŋ ke kàɓanè kɛ̀ aŋ zoolò e teenga gbiŋ e kìlà e bɔ̀mɔ̀ŋ ɓɔ̀ è wùìyà nyiŋ julɔfɔ.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

1 Kɔliìŋ 7:25

E yèɛ nìŋ naŋ sìngè nyaàiŋ dè anyuùŋ gò kùwìè àŋ jɔùŋ ɔ̀ɔ̀ felaa nyàŋ lɛ, miŋ kuwà kè sàwà è yìwìà wò Kanaà sìwè, kɛɛ mìŋ yaà tɔ̀ɔ sùà e yèɛ yaà e gòngo mɛ̀ sùà mààŋ wo yèɔ esàɓù ke nyòwò Kanaà sùà wò naŋ banè e bànè ke jii tùlia wɔ̀.

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 4:16

E wèè esaɓù lɛɛ̀, e ɓɔ̀mɔ̀ŋ fè wi wùìyà, jòòpɛɛ e kɔɔ wilɛ̀ yaà yɔ̀kpɔ sùà, kɛɛ wo Dayà sie wo jinàŋ wiɔ̀ e gààŋ niìsìa gbiŋ.

2 Kɔliìŋ 5:18

Tɛɛ̀ gbiŋ wo Dayà naŋ niŋ nyɛ̀nɛ̀ŋ, wo yèɔ esàɓù Jisɛ̀ Kulaì sùà wò naŋ wi vɔɔnɔ̀ŋ e yìwìà koɓɛ̀ aŋ joo wèè koɓɛ̀ anyuùŋ mɔ̀ɔ̀nɔuŋ, yèè wò naŋ wi kìɛ̀ŋ e tòmo wèè eiŋ hìàŋ anyuùŋ mɔ̀ɔ̀nɔŋ ko nɛ̀ɛ̀ŋ wuŋ Dayài.

Gàla 6:9

E bɔ̀mɔ̀ŋ ɓɔ̀ è nyɛ̀nɛ̀ìŋ wèè è tɛ̀ɛ̀tɛ̀ɛ̀ nyɛ̀nɛŋ, sèè e bɔ̀mɔ̀ŋ goiŋ nyɛ̀nɛ̀ŋ, nìŋ do nàŋ yɛ̀mɛ̀ e jìwààjɛ̀wɛ̀ siaŋ sèè e teenga kɛnɛɛ̀ haì wa nàwèè.

Ɛfesɔ̀ 3:13

E wèètii kɔ̀nɛɛ̀ŋ maŋ jiiiŋ màŋ ɓɔ̀ màŋ mɔɔnɛ̀ŋ esaɓù kɛ̀ mìŋ yaà kò mɔɔnɛŋ è weèiŋ, e gbiŋ yaà nɔŋ e jòòwo wèè nyɛ̀iŋ bi.

Fèle 4:13

Kà ɓɛnɛ̀ŋ wèè ka kɔ̀ɛ̀ e keì ɗewe gbiŋ sùà, esaɓù kɛ̀ wo Jisɛ̀ Kulaì nyɛnɛŋ kà kɛ̀ɛ̀nɛ̀ŋ e gààaŋ wèè ka tii nyɛ̀nɛ̀ŋ.

2Tɛsè 3:13

Kɛɛ nyɛ̀iŋ nààŋ wùìya wi nyàŋ, ɓɔ̀ nìŋ yɔkpɔ̀ wèè è keì sìàŋ nyɛ̀nɛŋ.

1Time 1:13

jòòpɛɛ mìŋ naŋ wa gbòò naanààŋ e nyaàìŋ euŋ dè, yèè mìŋ nauŋ ngainɓù e kìlà kauŋ wòò maŋ mìè ɓɛ̀ɛ̀pɔ̀ɔ. Kɛɛ wo Dayà naŋ wa tɔ̀ɔ̀ ke nyowo esaɓù è hààwe gò kɛɛnɛ̀ŋ mɛ̀, yèè miŋ nyimààŋ wa kɛ̀ kiìŋ mìŋ yaà nyinie.

Hiɓu 12:3

Weètii jàaìŋ maŋ jiiŋ màŋ wo Jisɛ̀ maŋjɛ̀wɛ, wo yèɔ naŋ jàà maŋ mìè ɓɛ̀ɛ̀pɔ̀ɔ zimgbe kùàŋ dìì e yìwìà anyùùŋ maŋ jùumù sìwè. Tɛɛ̀ do nàŋ nyɛ̀nɛ̀ŋ e zɔ̀kpɔ̀ naàiŋ nɔ̀ŋ wèè naŋ fè è hààweiŋ nɛ̀ jɛwɛ.

1Pììlɛ 2:10

E teenga bà sùà niŋ fè wa ànyùùŋ Dayà, kɛɛ e teenga lɛɛ̀ sùà nàŋ naàŋ nɔ̀ŋ anyunùuŋ. E teenga bà sùà, niŋ nyimààŋ wa kè nyòwoɛ̀ Dayà kuwa lɛ̀, kɛɛ e teenga lɛɛ̀ sùà wòiŋ tɔ̀ɔ̀ ke nyowouŋ nɛɛ̀ŋ.

Maŋ kèì nyɛɛnɛŋ 2:3

Nìŋ kuwa maŋ jii tɔumtɔ̀ùm, nàŋ kùwà e keì nyìnga wèè esaɓù e deè mɛ̀, kɛɛ e bɔ̀mɔ̀ŋ kòò è wùiyèìŋ wèè naŋ dàngè è hààwiŋ nɛ̀.