2 Kɔliìŋ 3:8 - WƆŊ FƐ̀Ì EBÒ SÌÀŊ DAYÀA

⁸ kɛ̀ e jòòwoɛ̀ yaà maŋ nyɛ̀nɛ̀ŋ Jinàaŋ sùà màŋ naŋ dɛɛ̀ gbee gàtò!

2 Kɔliìŋ 3:8 ပူးပေါင်းရင်းမြစ်များ

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 7:39

Wo Jisɛ̀ yaà wa wòò e kèè wo Jìnàŋ Dayàa, wo yèɔ wò hewa nàŋ kìɛ̀ŋ koɓɛ̀ wo nyùnɔ̀ɔŋ gbiŋ nauŋ haawè wɔ. Wo Jìnàŋ wo Kanaà Dayà kòò wò nɔ̀ŋ wa kìɛuŋ kòɓɛ̀ wò nyùùŋ gbiŋ, nààŋ wo Jisɛ̀ kòò wò nɔ̀ŋ wa jòòwouŋ wèè wò Dayà wouŋ kìɛ̀ŋ è dɛ̀ɛ̀kɛ.

1 Kɔliìŋ 3:16

Tɔɔɓaa nàŋ nyìmàŋ kɛ̀ nyɛ̀iŋ nàŋ yaà ke saaŋ zòòlò Dayàa, yèè wo Jìnàŋ Dayàa yààìŋ sùà.

2 Kɔliìŋ 11:4

È naiŋ wòò e kèè Jisɛ̀ Kulaì, yèè nìŋ naŋ jàà wo Jìnàŋ Dayàa yaà ke miè gbìaŋ Ebò Siaŋ wiɛ̀ kùàŋ dìì. Kɛɛ aŋ anyùùŋ bà àiŋ wòò e kèè wo Jisɛ̀ joo. Nàŋ naàŋ banebànè wèè naŋ jàà wo jinàŋ joo yèè ke mìè gbìaŋ joo kùàŋ dìì.

2 Kɔliìŋ 3:17

Ke mìè gbòa yɛɛ̀ sùà, “Wo Kanaà” nàŋ yaà wo Jinàaŋ Dayàa. Koɓɛ̀i wo Jìnàŋ Kanaà yaà fɛɛ̀feìŋ lɛ, kuŋ e nyaàŋ gè diɛŋ è nɔ̀ŋ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 3:7

Àŋ naŋ wa sìngìè ke sàwàa wɔŋ duò tàà fàà diɛŋ, yèè e jòòwò Dayàa nao hnè e teengaà àŋ yaà nyiìŋ kìɛŋ sùà lɛ. Jòòpɛɛ e gbolòùŋ nɛ yaà wa wɔŋ dèwà Mòòzeɔ̀ lɛ è yaà wa naàŋ fàa sùà e fɛ̀ɛ̀, kɛɛ è kuwa wa e gààŋ e jèèsùà anyùùŋ fùɔ̀ŋ Ezɔ̀ɛ̀ɔ nyaŋ fòuŋ wa ɓɛ̀nɛ̀ŋ yɛ̀mɛ̀ dewà. Sèè ke sàwàa, ke yèɛ hiàŋ e fàa sèè àŋ toomàŋ nyiìŋ sùà nɛ, ke hìàŋ e jòòwo mààŋ tii,

2 Kɔliìŋ 3:9

Sèè ke nyɛ̀nɛɛ̀ŋ hiàŋ e nìmìlà fàa lɛ̀ naŋ kùwìè e jòòwo, kɛ̀ ke nyɛ̀nɛɛ̀ŋ hiàŋ e jòèye lɛ̀ do nàŋ kùwìè e jòòwo gbee!

Gàla 3:14

Wo Jisɛ̀ Kulaì naŋ wa tɛɛ̀ nyɛ̀nɛ̀ŋ wèè wo kiɛ̀ŋ e ɗààhìì kpùùmaàŋ wo Dayà naŋ ɓèmè Eɓulɔhɛɛ̀ŋ diɛŋ koɓɛ̀ anyùùŋ nyaŋ fè àŋ Juùù nyaŋ lɛ̀, esàɓù Jisɛ̀ Kulaìɛ sùà wèè e yìwìà e hààwe sùà kɛ̀ wo Dayà do wi nàŋ kìɛ̀ŋ wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Gàla 5:5

Ke jii tùliaà è kùwàìŋ lɛ̀ nàŋ yaà kɛ̀, wo Dayà do wi nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè tɛɛ̀ è yiwìà gààŋ Jìnàŋ Nɛɛmaàŋ, e wi toomò e yìwìà e hààwe wi lɛ sùà.

Ɛfesɔ̀ 2:18

Esàɓù Jisɛ̀ Kulaì sùà, aŋ Juùù nyaŋ yèè anyùùŋ nyaŋ fè àŋ Juùù nyaŋ, yàwi nààŋ gbiŋ è naiŋ ɓɛnɛ̀ŋ wèè eiŋ hnàŋ wo Jìnàŋ gunɔ̀ɔŋ sùà ko fɛ̀ɛ̀fèìŋ Dèdaì.

2Tɛsè 2:13

È kuwa eiŋ gè wo Dayà ke sɛ̀ e teenga gbiŋ e weèiŋ, nyɛ̀iŋ nààŋ wùìya wi nyàŋ, nyɛ̀iŋ nyàŋ wo Kanaà Jisɛ̀ manaŋ nyàŋ. Wo Dayà naiŋ tàeɗùù e yìwìà ko tɔɔtuì wèè naŋ nɔ̀ŋ anyuùŋ jiɛ̀jiɛ̀ naŋ yɛ̀mɛ̀ e jòèye e yìwìà e gààŋ Jinàaŋ Nɛɛmaàŋ sùà wèè woiŋ mììnè anyùùŋ nɛɛmauŋ nyàŋ e gààŋ Jinàaŋ sùà, yèè wèè e hààweiŋ nɛ̀ e tɔ̀ɔ̀nyaàaŋ sùà.

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.