2 Kɔliìŋ 3:7 - WƆŊ FƐ̀Ì EBÒ SÌÀŊ DAYÀA

⁷ Àŋ naŋ wa sìngìè ke sàwàa wɔŋ duò tàà fàà diɛŋ, yèè e jòòwò Dayàa nao hnè e teengaà àŋ yaà nyiìŋ kìɛŋ sùà lɛ. Jòòpɛɛ e gbolòùŋ nɛ yaà wa wɔŋ dèwà Mòòzeɔ̀ lɛ è yaà wa naàŋ fàa sùà e fɛ̀ɛ̀, kɛɛ è kuwa wa e gààŋ e jèèsùà anyùùŋ fùɔ̀ŋ Ezɔ̀ɛ̀ɔ nyaŋ fòuŋ wa ɓɛ̀nɛ̀ŋ yɛ̀mɛ̀ dewà. Sèè ke sàwàa, ke yèɛ hiàŋ e fàa sèè àŋ toomàŋ nyiìŋ sùà nɛ, ke hìàŋ e jòòwo mààŋ tii,

2 Kɔliìŋ 3:7 ပူးပေါင်းရင်းမြစ်များ

Nyɛ̀nɛ̀ŋ 6:15

Anyùùŋ gbèègbèè fuɔɔ̀ŋ kinɛiŋ jaao wa nyàŋ naŋ gɔ̀àì wo Siiwììŋ le fɛ̀ɛ̀ yèè àŋ naŋ weè yɛmɛ̀ kɛ̀ wɔŋ dewàuŋ nɔɔ̀ŋ yaà mààŋ wɔŋ fèìŋ wo màikà.

Luùm 10:4

Wo Jisɛ̀ Kulaì naŋ wa hìɛ̀ŋ maŋ Sàwà maŋ ko dìa, wèè kɛ̀ anyùùŋ nyaŋ gbiŋ kɛɛnɛ̀ŋ hààwe nyàŋ, àŋ do nàŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

Luùm 7:10

yèè wo Dayà naim hèè e kìtì fàa diɛŋ. Kè sàwàa mìŋ yaà wa weè yɛ̀ɛ̀mɛ̀ dòmaŋ wèè keim nyɛ̀nɛ̀ŋ ka nɔ̀ŋ wɔŋ nyiiŋ gèe sùà lɛ, naim hèè e kìtì fàa diɛŋ.

Luùm 7:22

Mìŋ naŋ jàà ke Sàwà Dayàa kùàŋ dìì ke jii miɛ̀ŋ gbiŋ sùà.

Luùm 7:5

Sèè è nɔ̀ìŋ nɔŋ maŋ nyiiŋ gèe wi màŋ sùà màànààŋ yàwi bi manaŋ wèè eiŋ nɔ̀ŋ lɛ, ke sàwàa nyɛ̀nɛ̀ŋ wì eiŋ jɔ̀ɔ̀lɔ̀ e ɗèweɛ̀ è kùwàìŋ lɛ dìì wèè eiŋ nyɛ̀nɛ̀ŋ maŋ kpèè naanààŋ maŋ kpùnaŋ wi màŋ sùà, yèè maŋ kpèè naanààŋ wi bi zà nàŋ do wi nàŋ nyɛ̀nɛ̀ŋ eiŋ fà.

1 Kɔliìŋ 13:10

kɛɛ sèè e yèɛ naŋ dìò sùà lɛ è hnàŋ, e yèɛ gò dìà sùà lɛ do nàŋ jɔɔnɔ̀ŋ.

2 Kɔliìŋ 3:3

È yaà sengei kɛ̀ wo Jisɛ̀ Kulaì wuŋ bi naŋ sìngè wɔŋ fɛi wɛɛ̀ŋ, yèè wò naŋ wi wuŋ fè wèè e wuŋ hiàŋ. Wo gò wuŋ sìngìà kè kuù sìngìà fɛi, wò naŋ wuŋ sìngìè wo Jìnàŋ Dayàa, wo yèɔ yaà wɔŋ nyiiŋ gèeɔ̀ sùà wɔ, yèè wo gò wuŋ sìngìà wɔ̀ŋ duò fàà diɛŋ, wò naŋ wuŋ sìngìè maŋ jìì kòmàŋ nyuùŋkpùuŋ màŋ diɛŋ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 3:8

kɛ̀ e jòòwoɛ̀ yaà maŋ nyɛ̀nɛ̀ŋ Jinàaŋ sùà màŋ naŋ dɛɛ̀ gbee gàtò!

Gàla 3:10

Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”

Gàla 3:21

Kɛɛ tii naŋ tɔɔ̀ ke Sàwàa naŋ gììyè e ɗààhìì Dayàa maŋhɛɛ? Kpele, ke gò niŋ gììyà màŋhɛɛ! Sèè ke sàwà bà gbiŋ ke weè nɔ̀ŋ wèè ke wi kìɛ̀ŋ wɔŋ nyiiŋ gèe, wo Dayà do wi weè nàŋ jàà kùàŋ dìì e tɔ̀ɔ̀nyaàŋ sùà, sèè è jɔɔlɔ̀ìŋ ke sàwà bi dìì.

Hiɓu 12:18

Niŋ fè mààŋ ànyùùŋ Ezɔ̀ɛ̀ nyaŋ, esaɓù kɛ̀ kòò nìŋ hnè koɓɛ̀ wɔŋ Tòò Sanàa, ko yèi e mhɔɔ̀ŋ kùwa gbee yaà wa lɛ̀, ke nyìwì gènaŋ yèè wɔŋ dùfòì,

Hiɓu 3:3

Wo nyùnɔ̀ɔŋ nyɛlɛ ke saaŋ wɔ̀ yɛmɛ̀ e ɓɛ̀ɛ̀jàa e nìàŋ ke saaàŋ kiiŋ bi. Yɛi nɔŋ è yaà wo Jisɛ̀ kuwa wo yɛ̀mɛ̀ e ɓɛ̀ɛ̀jàa gbee e nìàŋ wo Mòòze.

Hiɓu 9:4

Ko Nɛ̀nɛ̀ŋ Nɛɛmaŋ Gbeeì wèè Dayà, kuŋ wɔŋ gbɛ̀gbɛ̀ zòòloɔ̀ àŋ suunyàŋ kùùkɔ̀ɔ̀ dò siaàŋ diɛŋ, wɔŋ yèɔ àŋ naŋ ɓùwìè e gòoò diɛŋ wɔŋ jaa wa, e kpùlìà wɔŋ Kààŋ e Ɗààhìì e Mìèsùàgùùŋ Dayàa àŋ naŋ wa ɓùwìè gòoò wuŋ pɛɛ wɔ̀ŋ yaà. Manɛ̀ŋ ɗì taai nàŋ yaà wa wɔŋ kàaŋ bi sùà. E nɛ̀ŋ jiɛ̀jiɛ̀ɛ nàŋ yaà wa, e gòoò sàiŋ, e yèɛ naŋ wa dìè e gbɔ̀uɛ̀ àŋ nyaaŋ maanàŋ lɛ, e nɛ̀ŋ ɗì tìyèeɛ̀ naŋ yaà wa ke kùù kààìŋ Èlɔuɛ̀ŋ, ke yèɛ naŋ wa wùìyè maŋ tùwa ɓou yɛ̀, yèè e nɛ̀ŋ ɗì taaà wɔŋ kàaàŋ sùà nàŋ yaà wa, maŋ dùòfàà tìyèe màŋ maŋ Sàwà Dayà maŋ singia wa diɛŋ màŋ.