2 Kɔliìŋ 3:6 - WƆŊ FƐ̀Ì EBÒ SÌÀŊ DAYÀA

⁶ Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 3:6 ပူးပေါင်းရင်းမြစ်များ

Maafiù 13:52

Kpeiŋ wo Jisɛ̀ naŋ nyiŋ woò wààŋ, “Tɛɛ̀ naŋ tɔɔ̀ kɛ̀, wo kààmɔ̀ɔ̀ŋ maŋ Sàwà Dayàa bà gbiŋ wo yèɔ kile wo nɔ̀ŋ wo nyùùŋ màŋjɛ̀wɛ̀im wɔ̀ e Kànà àìjɛnɛ̀ɛŋ sùà wò yaà mààŋ wo kɛ̀ɛ̀nɛ̀ŋ ko gboo wo yèɔ fulià manɛ̀ŋ jɛi yèè manɛ̀ŋ gɔu e yìwìà ko saaŋ bàànè manɛ̀ŋ hàauŋ niìŋ.”

Maafiù 26:28

Maŋ sɛnìim màŋ mɛɛ̀ŋ, maŋ yè maŋ naŋ hèè e fèè e ɗààhìì e mìèsùàguùŋ, maŋ yè maŋ naŋ nɔ̀ŋ wùaŋ miŋ wèè wo Dayà juuyà maŋ jùumùiŋ màŋ hakɛ̀.

Luù 22:20

E ɗèwè guùŋ nɛɛ̀ sùà, nààŋ àŋ naŋ kpɛ̀ɛ̀yɛ̀ e nɛ̀ŋjè koyaà jèe, wò naŋ ɓèmè wɔŋ kpòò wààŋ, “Wɔŋ kpòò wɛɛ̀ŋ naŋ yaà maŋ sɛnìim màŋ yè maŋ naŋ hèè le fèè e mìèsùàgùùŋ jɛ̀ì Dayàa. E teenga gbiŋ nìŋ tìè miìŋ, nyɛ̀nɛìŋ niŋ ke jii jàa sùà weèim.”

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

Luùm 7:6

E ɗewe gbio sùà, wo Dayà wò wi naàŋ gè e gààŋ ke sàwàa diɛŋ, esaɓù kɛ̀ è yààìŋ mààŋ anyùùŋ naŋ fɔ̀, e fèìŋ ɓɛìŋ è gààŋ màŋ kpèè miiŋ naŋ wi yɛi wa kùwò kpaŋ maŋ keì dìì. Kɛɛ e fèiŋ naàŋ ɓɛ̀nɛ̀ŋ zòòlò Dayà e ɗewe gɔuɛ̀ sùà nààŋ è yaà sìnga niŋ ke sàwà sùà lɛ̀, kɛɛ wo Jinàaŋ do nàŋ nyɛ̀nɛ̀ŋ eiŋ niŋ nyɛ̀nɛ̀ŋ e ɗewe kii jɛi sùà.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

1 Kɔliìŋ 11:25

E ɗèwè guùŋ nɛɛ̀ sùà, nààŋ àŋ naŋ kpɛ̀ɛ̀yɛ̀ e nɛ̀ŋjè koyaà jèe, wò naŋ ɓèmè wɔŋ kpòò wààŋ, “Wɔŋ kpòò wɛɛ̀ŋ naŋ yaà maŋ sɛnìim màŋ yè maŋ naŋ hèè le fèè e mìèsùàgùùŋ jɛ̀ì Dayàa. E teenga gbiŋ nìŋ tìè miìŋ, nyɛ̀nɛìŋ niŋ ke jii jàa sùà weèim.”

1 Kɔliìŋ 12:28

Wo Dayà naŋ tà anyùùŋ maŋ ɗùù, ke gbòò anyuùŋ hààwe nyàŋ sùà. Aŋ jiɛ̀jiɛ̀ nyaŋ, naŋ yaà aŋ keela tàeɗùù nyaŋ. Aŋ dìà tìyèei nyàŋ, aŋ wɛ̀ijì nyaŋ. Aŋ dìà taai nyàŋ, aŋ kààmɔɔŋ. Aŋ yè nyaŋ nyɛnɛŋ maŋ tòmò gaàŋ gbeegbèè nyaàiŋ dè maŋ kèì mèè nyɛ̀nɛŋ. Aŋ gbànaŋ nyàŋ nàŋ yaà, aŋ yè nyaŋ wò naŋ kìɛ̀ŋ e gààŋ wèè aŋ sùngà anyùùŋ, ɔ̀ɔ̀ aŋ kpùùmàŋ anyùùŋ ɔ̀ɔ̀ aŋ nyiŋ dè ke dòmaŋ siaŋ diɛŋ, ɔ̀ɔ̀ wèè aŋ gbùùyà maŋ kaìŋ joo sùà.

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

2 Kɔliìŋ 11:23

Àŋ yaà aŋ ɓɔ̀ìjɔ̀à Jisɛ̀ Kulaì? Mìŋ yaà gbuuyè mààŋ wo nyuùŋ zùwo, kɛɛ mìŋ yaà wo ɓɔìjɔ̀à kɛnɛ e nyiŋ nìàŋ! Mìŋ naŋ tomo nyìnga, àim gbìàŋ ko sààŋ nyìwì e teenga zimgbe sùà, àim vuwò nyìnga yèè kà gbɛ̀ɛ̀ ko nyɛ̀mgbɛ̀ fàa e teenga zimgbe sùà.

2 Kɔliìŋ 3:14

Anyùùŋ nyaŋ naŋ wa nyìngè e ɗì nyaŋ, maŋ jii nyiŋ màŋ naŋ wa gbɔumgbɔ̀ɔ̀. E dìì màànàaŋ sèè àŋ nɔ̀ŋ wa ko kpìnìè wɔŋ fɛ̀ì e mìèsùàguùŋ gɔuɔ̀, wɔŋ dèè guùŋ wiiŋ àŋ ɓuwo wa ɗì wɔŋ, kòò wɔ̀ŋ ɓùùwà nyiìŋ nɔŋ maŋ jii komaŋ diɛ̀ŋ, nààŋ àŋ nɔ̀ŋ kpìnìè maŋ fɛ̀ì mìèsùàguùŋ gɔu màŋ. Sɔɔ̀ nɔŋ wo nyùùŋ sɛ̀ɛ̀ kè gbòò Jisɛ̀ Kulaìɛ sùà pangàà wɔŋ dèè bi fòloùŋ ɗì.

2 Kɔliìŋ 3:3

È yaà sengei kɛ̀ wo Jisɛ̀ Kulaì wuŋ bi naŋ sìngè wɔŋ fɛi wɛɛ̀ŋ, yèè wò naŋ wi wuŋ fè wèè e wuŋ hiàŋ. Wo gò wuŋ sìngìà kè kuù sìngìà fɛi, wò naŋ wuŋ sìngìè wo Jìnàŋ Dayàa, wo yèɔ yaà wɔŋ nyiiŋ gèeɔ̀ sùà wɔ, yèè wo gò wuŋ sìngìà wɔ̀ŋ duò fàà diɛŋ, wò naŋ wuŋ sìngìè maŋ jìì kòmàŋ nyuùŋkpùuŋ màŋ diɛŋ.

2 Kɔliìŋ 3:7

Àŋ naŋ wa sìngìè ke sàwàa wɔŋ duò tàà fàà diɛŋ, yèè e jòòwò Dayàa nao hnè e teengaà àŋ yaà nyiìŋ kìɛŋ sùà lɛ. Jòòpɛɛ e gbolòùŋ nɛ yaà wa wɔŋ dèwà Mòòzeɔ̀ lɛ è yaà wa naàŋ fàa sùà e fɛ̀ɛ̀, kɛɛ è kuwa wa e gààŋ e jèèsùà anyùùŋ fùɔ̀ŋ Ezɔ̀ɛ̀ɔ nyaŋ fòuŋ wa ɓɛ̀nɛ̀ŋ yɛ̀mɛ̀ dewà. Sèè ke sàwàa, ke yèɛ hiàŋ e fàa sèè àŋ toomàŋ nyiìŋ sùà nɛ, ke hìàŋ e jòòwo mààŋ tii,

2 Kɔliìŋ 3:9

Sèè ke nyɛ̀nɛɛ̀ŋ hiàŋ e nìmìlà fàa lɛ̀ naŋ kùwìè e jòòwo, kɛ̀ ke nyɛ̀nɛɛ̀ŋ hiàŋ e jòèye lɛ̀ do nàŋ kùwìè e jòòwo gbee!

Gàla 3:21

Kɛɛ tii naŋ tɔɔ̀ ke Sàwàa naŋ gììyè e ɗààhìì Dayàa maŋhɛɛ? Kpele, ke gò niŋ gììyà màŋhɛɛ! Sèè ke sàwà bà gbiŋ ke weè nɔ̀ŋ wèè ke wi kìɛ̀ŋ wɔŋ nyiiŋ gèe, wo Dayà do wi weè nàŋ jàà kùàŋ dìì e tɔ̀ɔ̀nyaàŋ sùà, sèè è jɔɔlɔ̀ìŋ ke sàwà bi dìì.

Ɛfesɔ̀ 2:1

E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.

Ɛfesɔ̀ 2:5

E teengaà è yààìŋ wa aŋ fà wi wo jinàaŋ sùà esàɓù maŋ keì naanààŋ wi màŋ lɛ, wò naŋ wi kɛ̀lɛ̀ɛ̀ wɔŋ nyiiŋ gèeɔ̀ sùà yàwi nààŋ Jisɛ̀ Kulaì. È naiŋ yɛ̀mɛ̀ e jòèye esàɓù e tɛ̀ɛ̀tɛ̀ɛ̀ Dayàa sùà.

Ɛfesɔ̀ 3:7

Wo Dayà naŋ wa ɗewè wèè woim nyɛ̀nɛ̀ŋ ka nɔ̀ŋ wo ɓɔìjɔ̀à wèè ke mìè gbìàŋ Ebò Siaàŋ e yìwìà e tɛ̀ɛ̀tɛ̀ɛ̀uŋ nɛ̀ sùà e yèɛ wò naim kiɛ̀ŋ esàɓù e tòmò gaàuŋ nɛ̀ sùà lɛ.

1Time 4:6

Sèè maŋ kàà maŋ keì wòo mɛɛ̀ŋ koɓɛ̀ anyuùŋ hààwe nyàŋ, mùŋ do nàŋ nɔ̀ŋ wo ɓɔìjɔ̀à tòmo siaŋ wèè wo Jisɛ̀ Kulaì, mùŋ do naŋ dììyè muàŋ bi e nɛɛmaŋ e yìwìà ke mìè hààweɛ̀ yèè e kàà tɔ̀ɔ̀nyaàaŋ e yèɛ mùŋ naŋ dè maŋjɛ̀wɛ lɛ̀.

2Time 1:11

Wo Dayà naim nyɛ̀nɛ̀ŋ wo keela tàeɗùù, yèè wo kààmɔɔŋ wèè ka dàànè Ebò Siaàŋ.

Hiɓu 12:24

Nàŋ hnàŋ koɓɛ̀ Jisɛ̀i, wo yèɔ sia e fèèmàŋ e ɗààhìì e mìèsùàgùùŋ jɛ̀ì Dayàa ko nɛ̀ɛ̀ŋ wiì wɔ. Yèè maŋ sɛiŋ nùuŋ màŋ àŋ naŋ vaaì maŋ, naŋ jɔ̀ɔ̀ e ɗààhiì kɛnɛ ko nɛ̀ɛ̀ŋ wiì e nìàŋ maŋ sɛ̀ìŋ Eɓɛ̀ɛ̀ maŋ.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

Hiɓu 7:22

E fèèmàŋ keì wòo lɛɛ̀, è naŋ tɔɔ̀ kɛ̀ wo Jisɛ̀ naŋ wi kìɛ̀ŋ ke jii tùlia, kɛ̀ wò yaà e ɗààhìì e mìèsùàguùŋ kɛnɛɛ̀.

Hiɓu 8:13

Nààŋ wo Kanaà Dayà naŋ wòò e kèè e ɗààhìì mìèsùàguùŋ jɛ̀ì, è naŋ tɔɔ̀ kɛ̀ e jiɛ̀jiɛ̀ɛ è jùà gààŋ. E nɛ̀ɛŋ gbiŋ zà naŋ kìlè e gɔu niŋ e kìlà è naŋ kɔlì lɛ, è do nàŋ jɔɔnɔ̀ŋ e teenga kpuu sùà.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 1:1

Ke mìèɛ kiɛ̀ŋ wɔŋ nyiiŋ gèeɔ̀ lɛ, kè yaà wa ko tɔ̀ɔ̀tù e ɗùùnyaàŋ. È naiŋ nyiŋ kòmò kè naŋ gbòò, è naiŋ nyiŋ yɛ̀ɛ̀mɛ̀ le fɛɛ̀ kòmàŋ wilɛ̀, yèè è naiŋ nyiŋ mɛ̀lɛ̀ɛ̀ŋ maŋ kuàŋ wi màŋ.