2 Kɔliìŋ 3:2 - WƆŊ FƐ̀Ì EBÒ SÌÀŊ DAYÀA

² Nyɛ̀iŋ bi nàŋ yaà wɔŋ fɛiɔ̀ è kuwa wɔ̀ŋ, wɔ̀ŋ yaà e sìnga wuŋ maŋ jii wi màŋ diɛ̀ŋ wèè anyùùŋ nyaŋ gbiŋ aŋ wuŋ nyìmàŋ e kìlà aŋ wuŋ kpɛ̀nɛ̀ŋ.

2 Kɔliìŋ 3:2 ပူးပေါင်းရင်းမြစ်များ

Luùm 1:8

E jiɛ̀jiɛ̀ɛ nàŋ yaà, mìŋ naŋ gè wo Dayà miɔ̀ŋ ke sɛ̀ e yìwìà wo Jisɛ̀ Kulaì sùà wèè nyɛ̀iŋ nààŋ gbiŋ, e fèfoo kɛ̀ anyùùŋ nyaŋ gbiŋ e ɗuunyaàŋ kòò àŋ yaà kùmìè e kèè e hààweɛ̀ nìŋ kuwa wo Jisɛ̀ Kulaì sùà lɛ.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

2 Kɔliìŋ 11:11

Mìŋ yaà tɛɛ̀ woo esaɓù kɛ̀ miŋ kuwà è mànaŋ weèiŋ? Wo Dayà nyìmàŋ kɛ̀ mìŋ mànàìŋ!

2 Kɔliìŋ 12:15

Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

2 Kɔliìŋ 3:1

Tɛɛ̀ yaà ɓɛìŋ mààŋ è yaà ko kìlìè maŋ nyongà wèè yàwi bi? È ɓɛ̀nɛ̀ŋ nɔ̀ɔŋ kɛ̀, màànààŋ anyùuŋ bà àŋ nyɛnɛŋ lɛ̀, wèè eiŋ gè maŋ fɛ̀ì nyaàŋ gè diɛŋ eiŋ hiàŋ ɔ̀ɔ̀ e yìwìà nyɛ̀iŋ sìwè?

2 Kɔliìŋ 7:3

Miŋ gò tɛɛ̀ woò wèè kaiŋ jèè keì, màànààŋ nɔŋ mìŋ naŋ woò lɛ, nìŋ yaà maŋ jii wi màŋ diɛŋ è doiŋ nàŋ nɔ̀ŋ wɔŋ nyiiŋ gèeɔ̀ sùà koɓɛ̀ guùŋ, yèè eiŋ fɔ̀ɔ̀yɛ̀ koɓɛ̀ guùŋ.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

1Tɛsè 1:8

Ke miè gbìaàŋ nyaàiŋ de wo Kanaà ke gòiŋ nɔŋ yèwà sìwè wèè ke ɓààyè maŋ kpàlàùŋ kpàlàùŋ ko Mɛ̀sèdonià maŋ yèè kò Àkaayà, kɛɛ ebò e hààweiŋ nɛ̀ wo Dayà sùà è naŋ ɓààyè koɓɛ̀ gbiŋ. E keì bà nààŋ fè ɓɛìŋ wèè e nɔ̀ŋ wòo niŋ.