2 Kɔliìŋ 3:12 - WƆŊ FƐ̀Ì EBÒ SÌÀŊ DAYÀA

¹² Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

2 Kɔliìŋ 3:12 ပူးပေါင်းရင်းမြစ်များ

Jɔ̀ɔŋ 10:24

Aŋ Juùù nyaŋ bà nyiŋ nauŋ gbònò kɔɔ yèè àŋ nauŋ dawè nyààŋ, “Kiìŋ è teenga mùŋ do wi nàŋ gè e gòngo maŋ jii wi màŋ sùà? Wòò wi e tɔɔɓaaà sèè mààŋ muàŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ!”

Jɔ̀ɔŋ 16:25

Wo Jisɛ̀ naŋ ɓɛìŋ woò wààŋ, “Mìŋ naŋ gbòò ko nɛ̀ɛ̀iŋ niìŋ maŋ sai sùà wèè kaiŋ wòò maŋ keì mɛɛ̀ŋ. Kɛɛ e teengaà do nàŋ hnè wèè ka gbòà ko nɛ̀ɛ̀iŋ niìŋ janyai wèè kaiŋ wòò e kèè Dèda miɔ̀ŋ, yèè miŋ naàŋ wa nàwèè ɓɛìŋ gbòò kò nɛ̀ɛ̀iŋ niìŋ maŋ sàì e keì wòo sùà.

Jɔ̀ɔŋ 16:29

Kpeiŋ anyùùŋ màŋjɛ̀wɛ̀uŋ nyàŋ naŋ woò nyààŋ, “Mùŋ yaà ngàà naàŋ gbùùyè ko nɛ̀ɛ̀ŋ wiì janyai, muŋ fè ɓɛìŋ gbùùyè màŋ sai sùà.

Nyɛ̀nɛ̀ŋ 14:3

Wo Pɔɔ̀ yaà wo Bànaŋɓà naŋ wa nɔ̀ŋ aŋ seì e hààwe nyiŋ nɛ̀ wo Kanaà Jisɛ̀ sùà, yèè àŋ nao nɔ̀ŋ wèè e teenga kpàa bà, àŋ yaà gbùùyè ke mìè Dayàa ke jii nyingèò sùà koɓɛ̀ anyùùŋ nyaŋ. Wo Kanaà Jisɛ̀ naŋ nyiŋ wa kìɛ̀ŋ e gààŋ wèè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì. Wo Kanaà naŋ wa tɔɔ̀ kɛ̀ ke miè gbìaŋ nyiŋ nɛɛ̀ŋ e nyaàiŋ dè ke kpèè siauŋ nɛɛ̀ŋ kè yaà wa tɔ̀ɔ̀nyaàŋ.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 9:27

Kɛɛ wo Bànaŋɓà nauŋ wa ɓemè, yèè wò nauŋ hìɛ̀ŋ koɓɛ̀ aŋ keela tàeɗùù nyaŋ. Wò naŋ nyiŋ kìɛ̀ŋ ke jii gbài e nyaàiŋ dè e ɗeweɛ̀ wo Sɔɔ̀, ke dòmàŋ kààìuŋ nɛɛ̀ŋ diɛŋ wò naŋ yɛ̀mɛ̀ wo Kanaà Jisɛ̀, yèè wo Kanaà nauŋ gbòò kɔɔ. Yèè wo Bànaŋɓà naŋ nyiŋ ɓɛìŋ woò kɛ̀ e teengaà wo Sɔɔ̀ yaà ko Dàmakɔ̀ lɛ, wò naŋ gbòò janyai e dèè Jisɛ̀ɛ diɛŋ.

Nyɛ̀nɛ̀ŋ 9:29

Wo Sɔɔ̀ hewa gbòà janyai e dèè Kanaà sùà. Wuŋ yèè aŋ Juùù gbòà Guliì mie nyàŋ hewa kpaane kpàànè, yèè àŋ naŋ kàmè ɗewe wèè auŋ jìwà.

1 Kɔliìŋ 14:19

Kɛɛ ke gbòò anyuùŋ hààwe nyàŋ sùà, kà mànàŋ wèè ka gbòà maŋ mìè nɔɔnɔŋ maŋ yè maŋ wo nyùùŋ naŋ ɓɛ̀nɛ̀ŋ jàà jii màŋ, e wèè ka kàà anyùùŋ bà, wèè ka gbòà maŋ miè tààsùùŋ guùŋ maŋ kaìŋ joo sùà.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 3:11

Sèè e nɛ̀ŋ gò kòlà kuwìà e jòòwo, e yèɛ yaà wèè julɔfɔ lɛ̀ kuwìè è jòòwo gbee gàtò.

2 Kɔliìŋ 4:13

Wɔŋ fɛ̀ì Dayàa wààŋ, “mìŋ naŋ gbòò esaɓù kɛ̀ mìŋ kuwa e hààwe.” E hààwè guùŋ bi yàwi pɛɛ è kuwa nyiiŋ wi màŋ sùà wèètii è gboo.

2 Kɔliìŋ 7:4

Mìŋ kùwàìŋ ke jii tùlia gbee sùà, yèè mìŋ kuwa e ɓɛ̀ɛ̀jàa gbee weèiŋ. E kìlà ke di naim diè, yèè kpùlìà maŋ keì nyìnga wi màŋ gbiŋ sùà, mìŋ naŋ dìè, ke jii nyingè yèè e zɔlɔ̀ zimgbe yaà jii miɛ̀ŋ.

Fèle 1:14

E nɔ̀ɔŋ mɛ̀ ko sààŋ nyìwìi, naŋ nyɛ̀nɛ̀ŋ anyuùŋ hààwe nyàŋ zimgbe nyiŋ naŋ kɛ̀ɛ̀nɛ̀ŋ jii tùlia wo Kanaà sùà, yèè e jùù naŋ nyiŋ ɓàà kɔɔ wèè aŋ gbòà ke mìè Dayàa janjai e teenga gbiŋ koɓɛ̀ gbiŋ.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Kòlo 4:4

Kɔ̀nɛɛ̀ŋ, zòòloìŋ wèè miŋ woò ke miè gbìaàŋ ke nɔ̀ŋ janjai koɓɛ̀ anyùùŋ nyaŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

1Time 3:13

Aŋ ɓɔìjɔ̀à kpùùmàŋ aŋ sìèfèìŋ anyuùŋ hààwe nyàŋ nyɛnɛŋ e tòmo nyiŋ nɛ̀ tɛ̀ɛ̀ nyaŋ, àŋ kɛɛnɛ̀ŋ ko sìè siaŋ wèè nyiiŋ bi, yèè aŋ fè gbùùyà è jùù wèè è hààwe nyiŋ nɛ̀ wò Jisɛ̀ Kulaì sùà.

Felemɔ̀ŋ - PHM 1:8

Wo Jisɛ̀ Kulaì naim kìɛ̀ŋ ke jii nyingè, wèè kaìŋ woò kɛ̀ kiìŋ nìŋ nyɛnɛŋ.