2 Kɔliìŋ 3:1 - WƆŊ FƐ̀Ì EBÒ SÌÀŊ DAYÀA

¹ Tɛɛ̀ yaà ɓɛìŋ mààŋ è yaà ko kìlìè maŋ nyongà wèè yàwi bi? È ɓɛ̀nɛ̀ŋ nɔ̀ɔŋ kɛ̀, màànààŋ anyùuŋ bà àŋ nyɛnɛŋ lɛ̀, wèè eiŋ gè maŋ fɛ̀ì nyaàŋ gè diɛŋ eiŋ hiàŋ ɔ̀ɔ̀ e yìwìà nyɛ̀iŋ sìwè?

2 Kɔliìŋ 3:1 ပူးပေါင်းရင်းမြစ်များ

Nyɛ̀nɛ̀ŋ 18:27

Kpeiŋ wo Àpolò naŋ ɗewè wèè wo ka wɔŋ fùɔ̀ŋ Àkaayàa sùà. Yèè anyuùŋ hààwe nyàŋ ko Ɛfesɔ̀ nauŋ nyììnè jii, yèè àŋ naŋ sìngè wɔŋ fɛi koɓɛ̀ anyuùŋ hààwe nyàŋ ko jawa bi wèè aŋ jààuŋ kùàŋ dìì. Nààŋ wo Àpolò naŋ wa hàì ko Àkaayà, wò naŋ wa nɔ̀ŋ wo nyuùŋ kpùùmaŋ gbee koɓɛ̀ anyùùŋ nyaŋ gbiŋ naŋ wa hààwè wo Kanaà Jisɛ̀ sùà nyaŋ, esàɓù ke kpèè sìàŋ Dayàa àŋ naŋ nɔ̀ŋ anyuùŋ hààwe.

Luùm 16:1

Mìŋ kuwa e keì sìàŋ wèè ka wòò wo jaa miɔ̀ŋ Foɓɛ̀, wo yèɔ yaà wo ɓɔìjɔ̀à wèè ke gbòò anyuùŋ hààwe nyàŋ ko Sìŋkulià wɔ.

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

1 Kɔliìŋ 16:3

Sèè mìŋ hnàŋ, mìŋ do nàŋ fè wɔŋ fɛ̀ì ke jii gbài koɓɛ̀ anyùùŋ nyaŋ nìŋ tùɔ̀ŋ maŋ nɔnɔŋ nyàŋ, kpeiŋ kɛ̀ kà nyiŋ tùàŋ àŋ kòà e kìɛiŋ nɛ̀ ko Jùlusɛ̀làm.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

1 Kɔliìŋ 4:15

Sèè weè pɛɛ naŋ kùwìè anyuùŋ yɛ̀mɛ̀ e kiiŋ dììo sùà e sɔ̀ngɔ̀ tààsùùŋ zììyà maŋ nyììŋ gè anyuùŋ hààwe nyàŋ sùà, nìŋ kuwa nɔ̀ŋ wo dèda guùŋ. Maŋ nyiiŋ gèeiŋ màŋ e nɔ̀iŋ aŋ bàiŋbà Jisɛ̀ Kulaì sùà, mìŋ naŋ nɔ̀ŋ wo dèdaiŋ esaɓù kɛ̀ miàŋ naŋ hìɛ̀ŋ ke mìè gbìàŋ Ebò Siaàŋ ko nɛ̀ɛ̀ŋ niìŋ.

2 Kɔliìŋ 10:12

E fèiŋ gbɛ̀ɛ̀nɛ̀ŋ yàwi bi kòɓɛ̀ ànyùùŋ nyaŋ yè nyaŋ gongà tiwìtiwì wèè nyiŋ bi nyàŋ. Kɛɛ àŋ naŋ zuwò wèè aŋ gbɛ̀ɛ̀nɛ̀ŋ nyiŋ bi koɓɛ̀ nyiŋ biì.

2 Kɔliìŋ 10:18

Wo nyùnɔ̀ɔŋ tɛnɛ̀ŋ wuŋ bi wɔ̀ wuŋ nààŋ wo Kanaà fè jàà kùàŋ dìì, sɔɔ̀ wo yèɔ wuŋ Kanaà tɛnɛ̀ŋ wɔ.

2 Kɔliìŋ 10:8

Sèè weè pɛɛ eiŋ kɛ̀ɛ̀ maŋ nyòngà e mààŋ nyààŋ tòloò e nyaàiŋ dè e gààaŋ wo Kanaà naŋ wi kiɛ̀ŋ wèè eiŋ nyɛ̀nɛ̀ŋ naŋ nyìngà sùà lɛ, e yèɛ e fè wèè eiŋ pɔɔpɔ̀ɔ̀ gbiŋ lɛ̀, e sàngè fèiŋ nyɛ̀nɛ̀ŋ.

2 Kɔliìŋ 12:11

Mìŋ yaà guùŋ nyinie mààŋ wo nyuùŋ zùwo, kɛɛ nyɛ̀iŋ naŋ nɔ̀ŋ saɓù wèè ka niŋ nyɛ̀nɛ̀ŋ. È yaà weè e kpàŋ è kɔɔiŋ wèè naŋ nɔ̀ŋ ko gbuuye weèim. Sèè pɛɛ miŋ gò nɔ̀ŋ è nɛ̀ŋ gbiŋ sùà, mìŋ yaà nɔ̀ŋ tɛ̀ɛ̀ mààŋ aŋ keela nyàŋ nìŋ nyaaŋ aŋ keela tàeɗùù titiiŋ nyàŋ lɛ.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 5:12

E fèìŋ fɛ̀ɛ sùà wèè eiŋ ɓɛìŋ tɔ̀ɔ̀ yàwi bi kò nɛ̀ɛ̀iŋ niìŋ, kɛɛ è manaŋ wèè eiŋ tɔ̀ɔ̀ esaɓù sìàŋ wèè naŋ kɛ̀ɛ̀ maŋ nyòngà ko ɓài weè wi, naŋ nyìmàŋ kɛ̀ kiìŋ nìŋ woà sèè nìŋ nɔ̀ŋ anyuùŋ kɛ̀ɛ̀ maŋ nyòngà nyaŋ e tɛɛ aŋ yè nyaŋ gò jilɛ̀ŋ yèè àŋ kɛɛ maŋ nyòngà wèè e ɗeweɛ̀ anyùuŋ bà gongà wèè e nyaàiŋ eiŋ dè lɛ.