2 Kɔliìŋ 2:7 - WƆŊ FƐ̀Ì EBÒ SÌÀŊ DAYÀA

⁷ E ɗewe gbiŋ sùà, nìŋ kuwa nauŋ jùùyà hakɛ̀ yèè nauŋ fè ke jii nyingè, e wèè ke nyowo gouŋ nàŋ mààŋ nyiiŋ zimgbe wo dàà kùàŋ kpɛlɛmɛɛŋ.

2 Kɔliìŋ 2:7 ပူးပေါင်းရင်းမြစ်များ

1 Kɔliìŋ 15:54

Sèè tii kaaàŋ, maŋ kpùnaŋ wi màŋ è kuwa màŋ naŋ yɔkpɔ̀ yèè màŋ fà lɛ, màŋ do nàŋ vɔɔnɔ̀ŋ koɓɛ̀ maŋ kpùnaŋ gò fà wèè julɔfɔ. Kpeiŋ kɛ̀ e mìè sùà fɛ̀ì Dayàa è nɔ̀ŋ tɔ̀ɔ̀nyaàŋ, “E fàa è nɔ̀ŋ pɔ̀ɔ̀pɔɔ niŋ, wo Dayà ɓùlà ke gùnɛɛ̀ŋ è jùà jɛ̀wɛ̀ kpɔ̀.”

2 Kɔliìŋ 2:8

Wèètii, mìŋ yààìŋ dàwe sùà wèè nauŋ nyɛ̀nɛ̀ŋ wo nyìmàŋ tɔɔɓaa kɛ̀ nìŋ mànaŋ wo nyùùŋ bi.

2 Kɔliìŋ 5:4

È yaà tɔɔɓaa maŋ kpùnaŋ màŋ è yààìŋ sùà maŋ, maŋ fè wèè julɔfɔ, esaɓù kɛ̀ è gulìàìŋ ɗìòsùà e kìlà è yààìŋ e wùànàŋ sùà wèè eiŋ miŋ fòlà dìì, eiŋ kɛ̀ɛ̀nɛ̀ŋ maŋ kpùnaŋ jɛi ko àìjɛnɛ̀ŋ.

2 Kɔliìŋ 7:10

Ke jii mɔ̀ɔ̀nɛɛ̀ŋ wo Dayà naiŋ tòòmò diɛŋ yɛ̀ kè naŋ hìɛ̀ŋ e vɔ̀ɔ̀nɔŋ e yèɛ joeyàìŋ nɛ, yèè ke jii mɔ̀ɔ̀nɛŋ bà gbiŋ fè kìlà kè jiiuŋ nɛɛ̀ŋ. Kɛɛ ke jìì mɔ̀ɔ̀nɛ̀ŋ ɗuunyaàŋ kè hiàŋ e fàa.

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Fèle 2:27

E tɔɔɓaaà ngèè nàŋ yaà, wò naŋ mɛ̀iŋ sààŋ ebɛ̀ŋ fàa. Kɛɛ wo Dayà nauŋ yɛ̀mɛ̀ ke nyowo, e kpùlìà miàŋ bi pɛɛ, yèè wò naim gè ke nyòwò jii mɔ̀ɔ̀nɛŋ bi diɛŋ.

Kòlo 3:13

Jàaìŋ aŋ dàwiiŋ nyàŋ kùàŋ dìì, e kìlà niŋ juuyà wo nyùùŋ gbiŋ hakɛ̀ sèè wò jààùm è nànàŋ. Nìŋ kuwa naŋ jùùyà aŋ dàwi hakɛ̀ màànààŋ nɔŋ wo Kanaà Jisɛ̀ Kulaì naiŋ jùùyè hakɛ̀ lɛ.

1Tɛsè 4:13

Nyɛ̀iŋ nààŋ wùìya wi nyàŋ, è manaŋ wèè naŋ nyìmàŋ e tɔɔɓaà nyaàiŋ dè anyùùŋ nyaŋ naŋ fɔ̀ nyaŋ, wèè ke nyowo goiŋ nàŋ nɔ̀ŋ nyinie mààŋ ànyuùŋ gò kùwìè kè jii tùlia.

2Tɛsè 3:6

Nyɛ̀iŋ nààŋ wùìya wi nyàŋ, è naiŋ naaà e dèè Kana wiɔ̀ Jisɛ̀ Kulaì sùà e wèè ɓɔ̀ nìŋ gbɛ̀ɛ̀ anyuùŋ hààwe nyàŋ gbiŋ àŋ yè nyaŋ yaà wɔ̀ŋ nyiiŋ gèe fà lè kɔɔ sùà, yèè aŋ fè nyɛ̀nɛ̀ŋ mànɛ̀ŋ maŋ è naŋ nyiŋ kiɛ̀ŋ wèè nyɛ̀nɛŋ maŋ.