2 Kɔliìŋ 2:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

2 Kɔliìŋ 2:14 ပူးပေါင်းရင်းမြစ်များ

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Luùm 1:8

E jiɛ̀jiɛ̀ɛ nàŋ yaà, mìŋ naŋ gè wo Dayà miɔ̀ŋ ke sɛ̀ e yìwìà wo Jisɛ̀ Kulaì sùà wèè nyɛ̀iŋ nààŋ gbiŋ, e fèfoo kɛ̀ anyùùŋ nyaŋ gbiŋ e ɗuunyaàŋ kòò àŋ yaà kùmìè e kèè e hààweɛ̀ nìŋ kuwa wo Jisɛ̀ Kulaì sùà lɛ.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

Luùm 6:17

Kɛɛ gè wììŋ wo Dayà ke sɛ̀! Esaɓù kɛ̀ nìŋ yaà wa mààŋ aŋ ɗo e kìlà nìŋ yaà jɔ̀ɔ̀lɔ̀ e ɗèweɛ̀ nìŋ kuwa lɛ̀ koɓɛ̀ maŋ jùumù, kɛɛ nàŋ kìlà yèè nàŋ kɛ̀ɛ̀nɛ̀ŋ e ɓɛ̀ɛ̀jàa maŋ jiiiŋ màŋ sùà wèè naŋ jɔ̀ɔ̀lɔ̀ e tɔ̀ɔ̀nyaàaŋ àŋ naiŋ wa kaà lɛ dìì.

Luùm 8:37

E yìwìà maŋ keì nyìnga wi màŋ gbiŋ sùà, èiŋ ɓùlà, esàɓù Jisɛ̀ɛ sùà wo yèɔ mànàŋ wì wɔ.

1 Kɔliìŋ 12:8

Wo Jinàaŋ kiɛ̀ŋ wo nyùùŋ guùŋ ke miè gbìàŋ e gòngo sengèì, wo Jìnàŋ gunɔ̀ɔŋ wo kìɛ̀ŋ wo nyùnɔ̀ɔŋ bàa ke miè gbìaŋ dìà e jììkɛ̀ɛ̀ nyìmaŋ.

1 Kɔliìŋ 15:37

Ke kòmàaŋ mùŋ naŋ nyùɔ̀ŋ lɛ kè yaà ke komàŋ kpùnaŋ, e teenga bà ke kpàli komaŋ ɔ̀ɔ̀ ke komàŋ joo bà, e fè kè kuù wùìyèɛ naŋ wùìyè tɛ yɛ̀.

1 Kɔliìŋ 15:57

Kɛɛ Dayà esɛ̀ wèè mùŋ naŋ dàngè wo Kana wiɔ̀ Jisɛ̀ Kulaì wò naŋ wi nyɛ̀nɛ̀ŋ è naiŋ ɓùlò ke gùnɛɛ̀ŋ.

2 Kɔliìŋ 1:11

Nyɛ̀iŋ pɛɛ kpùùmaìŋ niŋ zoolò weè wi, wèè anyuùŋ zimgbe aŋ gè Dayà ɓaikà wèè wi, wèè e kìɛɛ̀ŋ wò naŋ wi fè e yìwìà maŋ zòòlo zimgbe màŋ wò naŋ jàà kùàŋ dìì maŋ.

2 Kɔliìŋ 8:16

È naiŋ gè Dayà ke sɛ̀ wèè wò naŋ gbìɛ̀ŋ e wùànàŋ kpùùmaŋ wo Taitɔ̀ jiio sùà màànààŋ è yàà wì jiio sùà wèè eiŋ kpuumàŋ lɛ.

2 Kɔliìŋ 9:15

Gè wiìŋ wo Dayà ke sɛ̀ wèè e kìɛŋ siaŋ gbeeuŋ nɛ̀ e fèiŋ ɓɛ̀nɛ̀ŋ gbɛ̀ɛ̀nɛ̀ŋ è nɛ̀ŋ gbiŋ lɛ̀!

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Ɛfesɔ̀ 5:20

Tòòmoìŋ e dèè Kanaà Jisɛ̀ Kulaìɛ e teenga gbiŋ niŋ gèe wo Dayà, wo Dèda wiɔ̀ sɛ̀ wèè e nɛ̀ŋ gbiŋ.

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

Kòlo 1:6

Ebò Siaàŋ kòò è yaà nɔŋ hìàŋ sùà e kpùùmaŋ e kìlà kòò è yaà ɓààye sùà e ɗuunyaàŋ gbiŋ sùà, màànààŋ nɔŋ è naiŋ ɓààyè e tɛɛ e teenga gɔu, e yìwìà ke ɗɔɔ jiɛ̀jiɛ̀ɛ nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa, yèè nìŋ naŋ nyìmè e tɔ̀ɔ̀nyaàaŋ e nyaàiŋ e niŋ dè lɛ.

Kòlo 2:15

Wo Jisɛ̀ Kulaì wɔŋ vànèkpaa wiiŋ diɛŋ, naŋ wa bìlɛ̀ŋ wuŋ bi e yìwìà e gààŋ aŋ sìèfèìŋ aŋ jìnàŋ nyaŋ yaà e gààaŋ anyùùŋ gbeegbèè nyiŋ nyàŋ sìwè. Wò naŋ nyɛ̀nɛ̀ŋ anyùùŋ aŋ nyiŋ yɛmɛ̀ nààŋ àŋ yaà nyiŋ wa kòasùà mààŋ aŋ ɗò ɗùà e ɓùlauŋ nɛ̀ sùà.

1Tɛsè 1:8

Ke miè gbìaàŋ nyaàiŋ de wo Kanaà ke gòiŋ nɔŋ yèwà sìwè wèè ke ɓààyè maŋ kpàlàùŋ kpàlàùŋ ko Mɛ̀sèdonià maŋ yèè kò Àkaayà, kɛɛ ebò e hààweiŋ nɛ̀ wo Dayà sùà è naŋ ɓààyè koɓɛ̀ gbiŋ. E keì bà nààŋ fè ɓɛìŋ wèè e nɔ̀ŋ wòo niŋ.

1Tɛsè 3:9

Èiŋ naàŋ ngàà ɓɛ̀nɛ̀ŋ gè wo Dayà ke sɛ̀ e weèiŋ. È gèìŋ wo Dayà ke sɛ̀ wèè e zɔlɔ̀ɛ è kuwa ko fɛɛ̀ fenìuŋ esaɓùiŋ nɛ̀ sùà lɛ.

1Time 2:8

E zòòlò anyùùŋ hààwe gbiŋ sùà mìŋ manaŋ aŋ felaa nyàŋ aŋ zoolò, aŋ felaa nyàŋ naŋ sìè e hààwe nyiŋ nɛ̀ wo Dayà nɛɛmaàŋ sùà nyaŋ yèè àŋ joowà maŋ kùàŋ zòòlo gò kùwìè màŋ jii bìya e kìlà aŋ fè nyɛ̀nɛ̀ŋ nyaàŋ tàaŋ nyàŋ.

2Time 2:2

E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

Maŋ kèì nyɛɛnɛŋ 7:12

Àŋ yaà wa woo nyààŋ, “Àmiinàŋ! E tɛ̀nɛŋ, e jòòwo, e jiikɛ̀ɛ, ke sɛ̀ gèe, e ɓɛ̀ɛ̀jàa, e gààŋ, yaà e gaàŋ gbee nɔ̀ŋ koɓɛ̀ wo Dayà wiɔ̀ julɔfɔ yèè julɔfɔ! Àmiinàŋ!”