2 Kɔliìŋ 2:10 - WƆŊ FƐ̀Ì EBÒ SÌÀŊ DAYÀA

¹⁰ Sèè nìŋ juuyà anyùùŋ hakɛ̀ wèè e nɛ̀ɛŋ àŋ naŋ nyɛ̀nɛ̀ŋ lɛ, miàŋ pɛɛ mìŋ juuyà nyiìŋ hakɛ̀. Sèè mìŋ juuyà nyùùŋ hakɛ̀, sèè tɔɔɓaa mìŋ kuwa wèè ka jùùyà nɛ̀ŋ gbiŋ hakɛ̀, mìŋ nyɛ̀nɛìŋ ko fɛ̀ɛ̀fèìŋ Jisɛ̀ Kulaì esàɓù nyɛ̀iŋ sùà,

2 Kɔliìŋ 2:10 ပူးပေါင်းရင်းမြစ်များ

Maafiù 18:18

“Yèè miŋ woòiŋ e tɔɔɓaaà kɛ̀, e yèɛ nìŋ naŋ gè maŋhɛɛ e ɗuunyaŋ lɛɛ̀ wèè naŋ niŋ jàà kùàŋ dìì lɛ, e naàŋ nɔ̀ŋ kuàŋ jàà dìì niŋ kò àìjɛnɛ̀ŋ, yèè e yèɛ nìŋ do nàŋ jàà kùàŋ dìì e ɗuunyaŋ lɛɛ̀ lɛ, è do nàŋ nɔ̀ŋ kuàŋ jàà dìì niŋ ko àìjɛnɛ̀ŋ.

Jɔ̀ɔŋ 20:23

Sèè nìŋ juuyà anyùùŋ hakɛ̀ wèè maŋ jùumù nyiŋ màŋ, wo Dayà do nyiŋ nàŋ jùùyè hakɛ̀ nyiŋ pɛɛ. Yèè sèè nìŋ go nyiŋ jùùyà hakɛ̀ wèè maŋ jùumù nyiŋ màŋ, kɛ̀ wo Dayà naàŋ nyiŋ jùùyè hakɛ̀.”

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

2 Kɔliìŋ 6:6

E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.