2 Kɔliìŋ 13:7 - WƆŊ FƐ̀Ì EBÒ SÌÀŊ DAYÀA

⁷ È zoolà Dayà wèè ɓɔ̀ nìŋ nyɛ̀nɛ̀ŋ keì naanààŋ. E fè yɛi zoolò wèè e tɔ̀ɔ̀ yàwi bi kɛ̀ è nyɛ̀nɛ̀ŋ tɛ̀ɛ̀, kɛɛ è yaà wèè naŋ nyɛ̀nɛ̀ŋ e keì tɔ̀ɔ̀nyaàaŋ àŋ jaa kùàŋ dìì lɛ jòòpɛɛ è yaà guùŋ mààŋ èiŋ soòò.

2 Kɔliìŋ 13:7 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Jɔ̀ɔŋ 17:15

Dèda, miŋ gòum dawè wèè maŋ gè anyùùŋ màŋjɛ̀wɛ̀im nyàŋ è ɗuunyaŋ lɛɛ̀ sùà, kɛɛ muŋ yɛmɛ̀ nyiŋ diɛŋ e yìwìà wo Sɛ̀tanàaŋ sìwè.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 12:17

Sèè wo nyùùŋ wò jààùm e nànàŋ, ɓɔ̀ mùŋ giiyàuŋ è kpàŋ keì naanààŋ. Kàmè ɗewe wèè muŋ nyɛ̀nɛ̀ŋ e yèɛ anyùùŋ nyaŋ gbiŋ naŋ gongò kɛ̀ è yaà tɛ̀ɛ̀ lɛ.

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Luùm 16:10

Mìŋ zuumàŋ wo Àpɛlè, wo yèɔ naŋ jàà kùàŋ dìì janjai kɛ̀ wò kuwa e hààwe wo Jisɛ̀ Kulaì sùà wɔ. Mìŋ zuumàŋ anyùùŋ nyaŋ ke kpòò Àlèsoɓulɔ̀ɛ sùà.

1 Kɔliìŋ 11:19

E keì dììyè nyùùŋ jii gbiŋ fòo, e fèemàŋ gòòno kòò è yààìŋ wɛ̀i naàŋ e tɛɛ, wèè aŋ yɛmɛ̀ aŋ yè nyaŋ yaà e tɔ̀ɔ̀nyaàaŋ sùà àŋ naŋ jàà kùàŋ dìì nyaŋ janjai.

2 Kɔliìŋ 10:10

Wo nyùuŋ bà do nàŋ woò wààŋ, “Maŋ fɛ̀ì sìngà Pɔɔ̀ maŋ màŋ yaà ke haaŋ, yèè màŋ naŋ nyìngè sùà, kɛɛ sèè e kpùnuŋ nɛ̀ wuŋ bi wò nɔ̀ŋ wì e tɛɛ, wò naŋ yɔkpɔ̀, yèè maŋ mìè gbòauŋ màŋ fè nɛ̀ŋ bà gbiŋ sùà.”

2 Kɔliìŋ 10:18

Wo nyùnɔ̀ɔŋ tɛnɛ̀ŋ wuŋ bi wɔ̀ wuŋ nààŋ wo Kanaà fè jàà kùàŋ dìì, sɔɔ̀ wo yèɔ wuŋ Kanaà tɛnɛ̀ŋ wɔ.

2 Kɔliìŋ 13:6

Mìŋ kuwa ke jii tùlia kɛ̀ nìŋ do nàŋ nyìmè kɛ̀ e fèìŋ ànyuùŋ sòòo.

2 Kɔliìŋ 13:8

E nɛ̀ɛŋ gbiŋ è naiŋ ɓɛ̀nɛ̀ŋ nyɛ̀nɛŋ lɛ̀ nàŋ yaà wèè eiŋ dè e tɔ̀ɔ̀nyaàŋ maŋjɛ̀wɛ, kɛɛ e fè wèè eiŋ niŋ sumìàŋ.

2 Kɔliìŋ 13:9

È gèìŋ zɔlɔ̀ sèè è yɔkpɔ̀ìŋ, kɛɛ nyɛ̀iŋ e gààŋ yààìŋ . Yèè e wèètii è zoolàìŋ ɓɛìŋ wèè naŋ zɛ̀nɛ̀ŋ.

2 Kɔliìŋ 6:4

Kɛɛ, e nɛ̀ŋ gbiŋ è naŋ nyɛ̀nɛ̀ŋ, è tɔɔ̀ kɛ̀ è yààìŋ aŋ ɓɔ̀ìjɔ̀à Dayà esàɓù maŋ keì nyìnga kà dìì ke jii jùa diɛŋ, maŋ mɔ̀ɔ̀nɛŋ, yèè maŋ nimilà.

2 Kɔliìŋ 8:21

Esaɓù wilɛ̀ nàŋ yaà wèè eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè e fè nɔ̀ŋ wèè kò fɛ̀ɛ̀fèìŋ Kanaà wuŋ guùŋ, sɔɔ̀ ko fɛ̀ɛ̀fèìŋ nyuùŋkpùuŋ nyàŋ nyiŋ pɛɛ.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

1Time 2:2

Zòòloìŋ wèè aŋ kana nyàŋ, yèè aŋ yè nyaŋ yaà e gààŋ sùà nyaŋ aŋ nɔ̀ŋ dìì tɔ̀ùŋ, yèè aŋ kuwiè maŋ jii fàa maŋ nyiiŋ gèe nyiŋ màŋ sùà, nààŋ è zoolàìŋ wo Dayà e tɔ̀ɔ̀nyaàaŋ sùà lɛ.

2Time 2:15

Nyɛnɛ̀ŋ e tɛ̀ɛ̀tɛ̀ɛ̀ɛ gbiŋ mùŋ naŋ ɓɛ̀nɛ̀ŋ nyɛ̀nɛŋ lɛ̀ wèè wo Dayà jààum kùàŋ dìì, mààŋ wo nyuùŋ tòmoɔ̀ e sàngè fè wèè è tòmouŋ nɛ̀ wɔ, wo yèɔ kaà ke mìè gbìàŋ Dayàa e tɔ̀ɔ̀nyaàŋ sùà wɔ̀.

2Time 4:18

Wo Kanaà doim nàŋ joeyè woim gè maŋ keì naanààŋ sùà, e kìlà woim kɔ̀à e Kànà àìjɛnɛ̀uŋ nɛ̀ sùà. Tɔ̀ e jòòwo nɔ̀ŋ e weèuŋ wèè julɔfɔ yèè jùlɔ̀fɔ̀! Àmiinàŋ.

Jìiiŋ 1:12

E zɔlɔ̀ yaà anyùùŋ nyaŋ jeeyà tɔ̀ɔ̀nyaàŋ sùà aŋ kɔ̀ɛ̀ e wàà e keì nyìnga dìì aŋ fè sɔ̀à nyaŋ. Sèè àŋ kɔɛ̀ e wàa bi dìì àŋ maaŋ, wo Dayà do nyiŋ nàŋ jàà kùàŋ dìì aŋ yɛ̀mɛ̀ e pààwà ke ɓɔ̀ɗì wɔŋ nyiiŋ gèe gò jùàa wò naŋ wa ɓèmè e ɗààhiì wèè wo fè anyùùŋ nyaŋ mànaùŋ nyaŋ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.