2 Kɔliìŋ 13:5 - WƆŊ FƐ̀Ì EBÒ SÌÀŊ DAYÀA

⁵ Tùaìŋ nyɛ̀iŋ bi maŋ nɔnɔŋ niŋ yɛmɛ̀ sèè mààŋ nìŋ kuwa kai e hààweɛ̀ màŋ nyiiŋ gèeiŋ màŋ sùà. Tɔɔɓaa nàŋ nyìmàŋ kɛ̀ wo Jisɛ̀ Kulaì yaà maŋ nyiiŋ màŋ sùà? Sɔɔ̀ nɔŋ naŋ nɔŋ soò kpɛlɛmɛɛŋ.

2 Kɔliìŋ 13:5 ပူးပေါင်းရင်းမြစ်များ

Jɔ̀ɔŋ 14:23

Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 15:4

Jèeìŋ e jààneiŋ ko nɛ̀ɛ̀ŋ miìŋ, yèè miàŋ pɛɛ mìŋ do nàŋ jèè e jààneim ko nɛ̀ɛ̀iŋ niìŋ. Màànààŋ nɔŋ ke kuù kpee fè ɓɛ̀nɛ̀ŋ kòmaŋ kùàŋ kiìŋ bi sɔɔ̀ nɔŋ ke jèè e jààne nyiŋ koɓɛ̀ ke kuùkpù gbeeɛ̀ lɛ, e ɗèwè guùŋ lɛɛ̀ sùà, nyɛ̀iŋ nààŋ nyùùŋ màŋjɛ̀wɛ̀im nyàŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùùŋ maiŋ sɔɔ̀ naŋ jèè aŋ bàiŋbà nɔ̀ɔŋ ko nɛ̀ɛ̀ŋ miìŋ.”

Jɔ̀ɔŋ 17:23

Mìŋ yaà nyiìŋ ko sùà, yèè mùŋ yààìm ko sùà, wèè kɛ̀ aŋ gbiŋ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, wèè kɛ̀ anyùùŋ nyaŋ e ɗuunyaàŋ aŋ nyìmàŋ kɛ̀ muàŋ naim tùɔ̀ŋ yèè kɛ̀ mùŋ mànàŋ nyiìŋ màànààŋ nɔŋ mùŋ mànàìm lɛ.

Jɔ̀ɔŋ 17:26

Kà nyiŋ woò kɛ̀ ɓòò nàŋ yààùm, yèè mìŋ do nyiŋ niŋ ɓɛìŋ nàŋ woò. Kpeiŋ kɛ̀ e mànaàŋ mùŋ kuwa weèim lɛ̀ è do nàŋ nɔ̀ŋ e je nyiŋ, wèè nyiiŋ pɛɛ aŋ kɛɛnɛ̀ŋ e mànaŋ bi wèè aŋ dàwi nyiŋ nyàŋ, yèè yàwi nyiŋ do nàŋ nɔ̀ŋ anyùùŋ guùŋ aŋ dàwio sùà.”

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Jɔ̀ɔŋ 6:6

Wo Jisɛ̀ nauŋ wa tɛɛ̀ dawè wèè wo kòmàŋ kɛ̀ kiɛ̀ŋ wo Felè kuwa wa wèè wo woò. Kɛɛ wo Jisɛ̀ wuŋ bi wò wa nyìmàŋ kɛ̀ kiɛ̀ŋ wò do wa nàŋ nyɛ̀nɛ̀ŋ.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 8:10

Kɛɛ sèè wo Jisɛ̀ Kulaì wò nɔ̀ùm sùà, mùŋ do nàŋ wɔŋ nyiiŋ gèe sùà esaɓù kɛ̀ wo Dayà wòum jàà kùàŋ dìì wèè maŋ nɔ̀ŋ wo nyùùŋ tɔ̀ɔ̀nyaàŋ, jòòpɛɛ maŋ kpùnaiŋ màŋ do nàŋ fɔ̀ esàɓù maŋ jùumù.

1 Kɔliìŋ 11:28

Wèètii, sɔɔ̀ maŋ yɛ̀mɛ̀ yɛ̀mɛ̀ muàŋ bi tɛ̀ɛ̀ kaiŋ jiɛ̀, yèèngàà mùŋ gbile ke gbɔ̀uɛ̀, e kìlà maŋ tììyà wɔŋ kpòòɔ sùà.

1 Kɔliìŋ 11:31

Sèè eiŋ weè tùàŋ yàwi bi maŋ nɔnɔŋ tɛ̀ɛ̀ kaiŋ jiɛ̀, wo Dayà fè wi weè gbaaì.

1 Kɔliìŋ 3:16

Tɔɔɓaa nàŋ nyìmàŋ kɛ̀ nyɛ̀iŋ nàŋ yaà ke saaŋ zòòlò Dayàa, yèè wo Jìnàŋ Dayàa yààìŋ sùà.

1 Kɔliìŋ 6:15

Nàŋ nyìmàŋ kɛ̀ maŋ kpùnaiŋ màŋ, màŋ yaà maŋ bà miŋ bà koɓɛ̀ ke kpùnàŋ Jisɛ̀ Kulaìɛ. Miŋ ɓemè ke kpùnàŋ Jisɛ̀ Kulaìɛ bà miŋ nyinìàŋ nyiŋ ke kpùnàŋ jɔùŋ nyɛ̀nɛ̀ŋ e hmɔ̀ŋtù ke dòmaŋ diɛɔ̀ŋ bà? Tɛɛ̀ fè hɛɛnɛ̀ŋ.

1 Kɔliìŋ 6:19

Niŋ nyimààŋ kɛ̀ kè kpùnaiŋ nɛɛ̀ŋ nàŋ yaà kè sààŋ zòòlò Dayàa wèè wò Jìnàŋ Dayàa, yààìŋ sùà wɔ, wo yèɔ wo Dayà naiŋ kiɛ̀ŋ wɔ? Niŋ fè wèè nyɛ̀iŋ bi, nìŋ yaà wèè Dayà.

1 Kɔliìŋ 6:2

Niŋ nyimààŋ kɛ̀ ànyùùŋ nɛɛmaŋ nyàŋ nàŋ do wa nàwèè nàŋ gbààì e ɗuunyaàŋ? Sèè nyɛ̀iŋ nìŋ nɔ̀ŋ anyuùŋ gbààì e ɗuunyaàŋ maŋ sàwà, kɛ̀ niŋ fè ɓɛnɛ̀ŋ wèè naŋ gbàì màŋ sàwà nyɛɛnyɛ̀ɛ̀ mààŋ mɛɛ̀ŋ?

1 Kɔliìŋ 9:24

Nàŋ nyìmàŋ kɛ̀ sèè anyùùŋ nɔ̀ŋ duunyɛŋ koɓɛ̀ guùŋ wo bà guùŋ nɔŋ nàŋ yɛmɛ̀ e jìwà jɛ̀wɛ̀ɛ e dùaàŋ sùà. Wèètii dùaìŋ wèè niŋ koà niŋ.

1 Kɔliìŋ 9:27

Mìŋ banaŋ bànàŋ ke kpùnaŋ miɛ̀ŋ yèè ka nyiŋ yɛ̀mɛ̀ diɛŋ wèè miŋ go nàŋ go sèè mìŋ kpɛɛyɛ̀ gbòà kè mìè gbìàŋ Ebò Siaàŋ kòɓɛ̀ ànyùùŋ nyaŋ.

2 Kɔliìŋ 6:16

Kiìŋ ke saaŋ zòòlò Dayàa kuwa wèè ke nyìnìàŋ aŋ dayà joo? Yàwi nàŋ yaà ke saaŋ zòòlò Dayàa wo yèɔ yaà wɔŋ nyiiŋ gèeɔ̀ sùà wɔ, mààŋ wo Dayà wuŋ bi naŋ woò lɛ, “Ko gboo miìŋ nàŋ do nàŋ nɔ̀ŋ anyunùim nyàŋ yèè ka nyiŋ nɔ̀ŋ e tɛɛ. Mìŋ do nàŋ nɔŋ wo Dayà nyiŋ nɔɔ̀ŋ, yèè àŋ do nàŋ nɔ̀ŋ anyunùim nyàŋ.”

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Gàla 4:19

Jɔ̀àim nyàŋ, kaiŋ ɓɛìŋ woò kɛ̀, mìŋ yaà e gòngo nyìnga sùà e weèiŋ màànààŋ nɔŋ wo jɔùŋ nɔ̀ŋ yɛi e suà hɛ̀ɛ kòmaŋ sùà le, e jèèsùà naŋ dè ke kpèè sìàŋ Jisɛ̀ Kulaìɛ maŋjɛ̀wɛ.

Gàla 6:4

Nyɛ̀iŋ nyɛɛ̀ŋ bà gbiŋ tuàŋ e tòmò muàŋ biɛ̀ maŋ nɔnɔŋ tɛ̀ɛ̀ kaiŋ. Sèè e tòmo bi naŋ nɔ̀ŋ tɛ̀ɛ̀, kɛ̀ màŋ ɓɛ̀nɛ̀ŋ kɛ̀ɛ̀ maŋ yòngà nyààìŋ dè e tòmoɛ̀ mùŋ naŋ nyɛ̀nɛ̀ŋ lɛ, kɛɛ muŋ naàŋ niìŋ ɓɛ̀nɛ̀ŋ gbɛ̀ɛ̀nɛ̀ŋ è tòmò nyùùŋ joo bà gbiŋ.

Ɛfesɔ̀ 3:17

Mìŋ humo Dayà wèè wo Jisɛ̀ Kulaì nɔ̀ŋ maŋ jiiiŋ màŋ sùà esàɓù e hààweiŋ nɛ̀. E kìlà mìŋ humo Dayà wèè naŋ kɛ̀ɛ̀nɛ̀ŋ e gulòiŋ nɛ̀ yèè ko tɔɔtuiŋ niìŋ e mànaŋ sùà.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 2:19

Aŋ fè ɓɛìŋ àŋ bà nyiŋ bà wò Jisɛ̀ Kulaì sùà, wo yèɔ yaà ɓɛ̀màŋɗì ke kpùnaàŋ wɔ. Wo Jisɛ̀ Kulaì nàŋ kiɛ̀ŋ ke kpùnaàŋ gààŋ, yèè wò toomàŋ maŋ suono suono màŋ yèè maŋ kèìŋ maŋ wèè maŋ kùwà koɓɛ̀ guùŋ kpaŋ, e kìlà kè dɛkɛ̀ màànààŋ wo Dayà manaŋ lɛ̀.

Kòlo 2:7

Nyùaìŋ e gulòiŋ nɛ̀ wo Jisɛ̀ Kulaì ko sùà, e kìlà niŋ kɛɛnɛ̀ŋ gààŋ e hààweiŋ nɛ̀ sùà, màànààŋ àŋ naiŋ wa kaà lɛ. Kɛ̀ɛ̀nɛìŋ ke sɛ̀ gèe e teenga gbiŋ koɓɛ̀ Dayài.

1Time 2:15

Kɛɛ wo jɔùŋ do nàŋ yɛ̀mɛ̀ e jòèye esàɓù aŋ jɔ̀à nyaŋ wò naŋ kòmò nyaŋ. E kìlà sèè wo jèè e hààwe yaà e mànaŋ sùà, yèè wo nɔ̀ŋ nyùùŋ nɛɛmaŋ ko fɛ̀ɛ̀fèìŋ Dayài.

2Time 3:8

Màànààŋ nɔŋ wo Janìŋ yèè wo Jamɓùlù naŋ wa gììyè wo Mòòze maŋhɛɛ lɛ̀, yɛi nɔŋ anyùùŋ nyɛɛ̀ŋ gììyà e tɔ̀ɔ̀nyaàaŋ maŋhɛɛ, anyùùŋ nyaŋ maŋ jii nyiŋ màŋ fè toomo tɛ̀ɛ̀ yèè àŋ naŋ sooò e hààweɛ̀ sùà.

Taitɔ̀ 1:13

Ke mìè seì yɛɛ̀ kè yaà e tɔɔɓaa, sɔɔ̀ naŋ gbùùyà aŋ kààmɔ̀ɔ̀ŋ kàaɓì nyaŋ nyìnga, wèè naŋ nyiŋ kpuumàŋ aŋ nyìngà e hààweɛ̀ sùà,

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

Taitɔ̀ 2:2

Wòò anyuùŋ gɔu nyàŋ aŋ nyìmàŋ e ɗèwè nyiŋ bi yɛ̀mɛ̀ diɛŋ, aŋ kuwiè jiikɛ̀ɛ yèè aŋ sìà ke di. E hààwe nyiŋ nɛ̀, e mànaŋ nyiŋ nɛ̀, yèè ke jii kùwa nyiŋ nɛɛ̀ŋ ɓɔ̀ è kɛɛ̀ màŋjɛ̀wɛ.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

Hiɓu 4:1

Nààŋ wo Dayà naŋ woò wààŋ wò do wi nàŋ kìɛ̀ŋ e nyiiŋ gèe, e yèɛ wò naŋ jɔ̀ɔ̀ ɗààhiì wèè wo wi kiɛ̀ŋ lɛ, è kuwa eiŋ yɛ̀mɛ̀ yàwi bi diɛŋ, wèè yàwi nààŋ bà guùŋ gbiŋ go niŋ nàŋ sòò yɛ̀mɛ.

Hiɓu 6:8

Kɛɛ sèè e dììɛ è nɔ̀ŋ e ɓìè maŋ dɛiŋ, kɛ̀ e fè è diì kɛnɛ. Wo Dayà ɓɛ̀nɛ̀ŋ gbòò e dìì mààŋ tii, yèè ko diemeì wo niŋ gbìàŋ e hmɔ̀ɔ̀ŋ e hèwà.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.

1Pììlɛ 5:9

Nyìngaìŋ e hààweiŋ nɛ̀ sùà niŋ giiyàuŋ maŋhɛɛ, esaɓù nàŋ nyìmàŋ kɛ̀ ke gbòò aŋ wùìya nyàŋ e ɗuunyaàŋ gbiŋ sùà, àŋ yaà kɔ̀ɔ̀yɛ̀ maŋ kèì nyìngà guùŋ mɛɛ̀ŋ dìì.

Maŋ kèì nyɛɛnɛŋ 2:5

Gòngoìŋ e kèè koɓɛ̀i nìŋ yaà wa paŋgàà nìŋ naŋ sɔ̀ɔ̀ lɛ. Kìlaìŋ koɓɛ̀ Dayài niŋ nyɛ̀nɛ̀ŋ e yèɛ nìŋ naŋ wa nyɛ̀nɛ̀ŋ jiɛ̀ lɛ. Sèè nìŋ go kìlà, mìŋ do nàŋ hnè ko nɛ̀ɛ̀iŋ niìŋ ka ɓèmè maŋ kuù sɛ̀ɛ̀ laumpòiŋ màŋ e yìwìà koɓɛ̀i màŋ jaa lɛ̀.