2 Kɔliìŋ 13:11 - WƆŊ FƐ̀Ì EBÒ SÌÀŊ DAYÀA

¹¹ E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

2 Kɔliìŋ 13:11 ပူးပေါင်းရင်းမြစ်များ

Maafiù 1:23

Wò naŋ woò wààŋ, “Wo jɔ̀ùŋ jɔ̀à bɛ̀ɛ̀ do nàŋ nɔ̀ŋ le sùà yèè wò do nàŋ kòmò wo jɔ̀àfelaa, yèè àŋ douŋ nàŋ jàà e dèèɛ Ìmaanuɛ̀.” (E fàsàì e dèèɛ Ìmaanuɛ̀ nàŋ yaà kɛ̀, “Wo Dayà yaà wì e tɛɛ.”)

Maafiù 5:48

Nìŋ kuwa naŋ nɔ̀ŋ anyùùŋ tɔ̀ɔ̀nyaàŋ, màànààŋ nɔŋ wo Dèdaiŋ nɔɔ̀ŋ ko àìjɛnɛ̀ŋ yaà lɛ.

Luù 9:61

Wo nyùùŋ bà naŋ ɓɛìŋ woò wààŋ, “Kanaà, mìŋ doum nàŋ dè maŋjɛ̀wɛ, kɛɛ tɔ̀ weè miŋ ka miŋ diamàŋ ke kpoo miɛ̀ŋ.”

Jɔ̀ɔŋ 17:23

Mìŋ yaà nyiìŋ ko sùà, yèè mùŋ yààìm ko sùà, wèè kɛ̀ aŋ gbiŋ aŋ nɔ̀ŋ anyùùŋ guùŋ aŋ dàwi nyiŋ nyàŋ sùà, wèè kɛ̀ anyùùŋ nyaŋ e ɗuunyaàŋ aŋ nyìmàŋ kɛ̀ muàŋ naim tùɔ̀ŋ yèè kɛ̀ mùŋ mànàŋ nyiìŋ màànààŋ nɔŋ mùŋ mànàìm lɛ.

Nyɛ̀nɛ̀ŋ 15:29

kɛ̀ ɓɔ̀ nìŋ jè mànɛ̀ŋ jè saaà gbiŋ è yèɛ àŋ naŋ gììyè saaà koɓɛ̀ àŋ dayà joo lɛ̀, yèè ɓɔ̀ nìŋ gbìlà màŋ sɛ̀ìŋ. Ɓɔ̀ nìŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, e kìlà nìŋ kuwa naŋ gbààì e kèè e hmɔŋtu nyɛ̀nɛŋ. Sèè nìŋ kuwo maŋ sàwà mɛɛ̀ŋ, kɛ̀ nàŋ nyɛ̀nɛ̀ŋ tɛ̀ɛ̀. È naiŋ tùɔ̀ŋ e zùùmo siaŋ, enììsìàiŋ.”

Nyɛ̀nɛ̀ŋ 18:21

Wèè paŋ wo jòà nyiŋ wa wo ka, wò naŋ nyiŋ woò wààŋ, “Sèè wo Dayà nyimààŋ, mìŋ do nàŋ kɛ̀ɛ̀ ko nɛ̀ɛ̀iŋ niìŋ.” Yèè wò naŋ sɛ̀ɛ̀ wɔŋ meeèɔ sùà wò naŋ yèwè ko Ɛfesɔ̀ yèè wò naŋ kɔ̀ ko Sesèlià.

Nyɛ̀nɛ̀ŋ 23:30

Nààŋ mìŋ naŋ kòmò kɛ̀ àŋ naŋ jàà ke gbùnu weèuŋ wèè auŋ jìwà, mìŋ nauŋ tùɔ̀ŋ ko nɛ̀ɛ̀ŋ muìŋ yèè mìŋ naŋ wòò aŋ sìèfeìŋ nyiŋ nyàŋ kɛ̀ aŋ hiàŋ maŋ keì maŋ àŋ nauŋ gbùwò ɗì maŋ ko nɛ̀ɛ̀ŋ muìŋ wèè maŋ niŋ yɛ̀mɛ̀ dììò sùà.”

Luùm 12:16

Nɔ̀ŋ wo nyuùŋ mɔ̀ɔ̀nɔŋ koɓɛ̀ anyùùŋ nyaŋ gbiŋ. Ɓɔ̀ mùŋ ɓemè muàŋ bi gbee yèè ɓɔ̀ mùŋ gongò kɛ̀ màŋ nyìmàŋ e nɛ̀ŋ e nìàŋ anyuùŋ gbànaŋ nyàŋ. Dèèyeè muàŋ bi koɓɛ̀ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

Luùm 12:18

Nyɛnɛ̀ŋ e tɛ̀ɛ̀tɛ̀ɛ̀ɛ gbiŋ mùŋ kuwa maŋ nyɛ̀nɛ̀ŋ lɛ, wèè anyùùŋ nyaŋ gbiŋ aŋ nɔ̀ŋ ke jii fàa sùà weèum.

Luùm 14:19

Weètii, sɔɔ̀ eiŋ kàmè ɗewe e teenga gbiŋ wèè eiŋ nɔ̀ŋ wɔŋ nyììŋ gè ke jii fàa sùà yèè eiŋ kpùùmàŋ aŋ dàwi wi nyàŋ, wèè e nyɛ̀nɛ̀ŋ e hààwe wilɛ̀ e nyìngàà sùà.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 15:33

Tɔɔɓaa mìŋ zoolà Dayà, wo yèɔ kiɛ̀ŋ ke jii fàa wɔ̀, wèè wo nɔ̀ŋ nyɛ̀iŋ gbiŋ maŋjɛ̀wɛ. Àmiinàŋ.

Luùm 16:20

Wo Dayà, wo yèɔ kiɛ̀ŋ ke jii fàa wɔ̀, do nàŋ jìwè wo Sɛ̀tanàŋ e teenga kpuu sùà, e kìlà woiŋ wuŋ hòà ko gòlòò dìì. Mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

2 Kɔliìŋ 1:4

Wò naŋ wi kpuumò maŋ keì nyìnga wi màŋ gbiŋ sùà, wèè kɛ̀ yàwi pɛɛ eiŋ kpùùmàŋ anyùùŋ nyaŋ nyiŋ pɛɛ àŋ yaà maŋ keì nyìnga gɛ̀wɛɛ̀ gbiŋ sùà nyaŋ. È yààìŋ tòòmò e kpùùmàŋ guùŋ nɛ yàwi bi è naŋ yɛmɛ̀ e yìwìà Dayà sìwè lɛ.

2 Kɔliìŋ 13:9

È gèìŋ zɔlɔ̀ sèè è yɔkpɔ̀ìŋ, kɛɛ nyɛ̀iŋ e gààŋ yààìŋ . Yèè e wèètii è zoolàìŋ ɓɛìŋ wèè naŋ zɛ̀nɛ̀ŋ.

Ɛfesɔ̀ 4:12

Wò naŋ tɛɛ̀ nyɛ̀nɛ̀ŋ wèè wo bànèbànè anyùùŋ nɛɛmaŋ nyàŋ gbiŋ wèè e tòmò Dayàa nyɛ̀nɛŋ, e wèè aŋ nyɛ̀nɛ̀ŋ anyùùŋ màŋjɛ̀wɛ̀ Jisɛ̀ Kulaì nyaŋ aŋ kɛɛnɛ̀ŋ gààŋ ke kpùnàŋ guùŋ sùà.

Ɛfesɔ̀ 4:3

Fɛ̀ɛìŋ, wèè wo Jìnàŋ Nɛɛmaàŋ gbìàŋ maŋ jiiiŋ màŋ koɓɛ̀ guùŋ. Nyɛ̀nɛìŋ tɛɛ̀ esàɓù ke jii fàaà naiŋ jàànè koɓɛ̀ guùŋ nɛ.

Ɛfesɔ̀ 6:23

Mìŋ zoolà wèè wo Dayà wo Dèdaà yaà wo Kanaà Jisɛ̀ Kulaì kiɛ̀ŋ aŋ wùìya kùwìè e hààwe nyàŋ gbiŋ ke jii fàa yèè e mànaŋ yaà e hààwe.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Fèle 3:16

E ɗewe gbiŋ è do nàŋ nɔ̀ŋ, kùùnò wiìŋ kà ko feìŋ e nyaàiŋ dè maŋ kpèè guùŋ miiŋ è naiŋ wa gbeè maŋ e jèèsùà e hàì nàaŋ.

Fèle 4:2

Mìŋ yààìŋ daawe, Ɛwudià yèè Santekà, wèè naŋ kɛ̀ɛ̀nɛ̀ŋ e gòngò guùŋ nɛ wo Kanaà sùà.

Fèle 4:4

Nɔ̀iŋ e zɔlɔ̀ sùà e teenga gbiŋ nààŋ nìŋ yaà aŋ bàiŋbà wo Kanaà Jisɛ̀ sùà. Tɔ̀ miŋ woò niŋ ɓɛìŋ, nɔ̀iŋ e zɔlɔ̀ sùà.

Fèle 4:9

Nàŋ nyìmàŋ e nɛ̀ɛŋ mìŋ naiŋ wa kaà lɛ, yèè nàŋ nyìmàŋ e nɛ̀ɛŋ nìŋ naŋ kòmò mìŋ naŋ woò yèè nìŋ naŋ yɛmɛ̀ mìŋ naŋ nyɛ̀nɛ̀ŋ lɛ. Weètii, deìŋ e tɔ̀ɔ̀màŋsèì ke kpèè siaŋ miɛ̀ŋ maŋjɛ̀wɛ̀. Kpeiŋ wo Dayà, wo yèɔ kiɛ̀ŋ ke jii fàa wɔ̀, doiŋ nàŋ nɔ̀ŋ maŋjɛ̀wɛ.

1Tɛsè 3:10

E dùùm yaà maŋ gɔɛ è dawàìŋ Dayà maŋ jii wi màŋ gbiŋ wèè wo haà ke dòmaŋ e seenèiŋ, yèè wo fèiŋ e yèɛ gbiŋ nìŋ naŋ mɔ̀nɔ̀ŋ e hààweiŋ nɛ̀ sùà lɛ.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

1Tɛsè 4:18

Tòòmoìŋ maŋ mìè gbòa mɛɛ̀ŋ e fèemàŋ niŋ sìà nyɛ̀iŋ bi ke di.

1Tɛsè 5:13

Fèeìŋ nyiŋ e ɓɛ̀ɛ̀jàa gbee yèè e mànaŋ sàɓù e tòmoɛ̀ àŋ yaà nyinie lɛ̀. Nyɛ̀iŋ bi ke jii fàa nɔ̀iŋ fèemàŋ.

1Tɛsè 5:16

Nɔ̀ɔìŋ e zɔlɔ̀ sùà e teenga gbiŋ.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

2Tɛsè 3:1

Ko jèè e ɗìi nyɛ̀iŋ nààŋ wùìya wi nyàŋ, zòòloìŋ weè wi wèè ke mìè gbìàŋ Kanaà Jisɛ̀ ke kunò nɔŋ ɓààye keleiŋ, yèè ke yɛmɛ̀ kuàŋ jàà dìì e ɓɛ̀ɛ̀jàa sùà, màànààŋ nɔŋ è naŋ kaaìŋ e teengaà è yààìŋ e tɛɛ lɛ̀.

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

2Time 2:22

Duàŋ maŋ keì maŋ tawà wo nyuùŋ bɔwɔɔ̀ ke jii sùà maŋ, fɛɛ̀ wèè e tɔ̀ɔ̀nyaàaŋ, e hààwe e mànaŋ, yèè ke jii fàa, nyɛiŋ nààŋ nyùùŋ nyaŋ kuwa maŋ jii sengèì nyaŋ niŋ dawè wo Kanaà Jisɛ̀ Kulaì wèè e kpùùmaŋ.

Hiɓu 12:14

Kàmeìŋ ɗewe niŋ nyiniàŋ maŋ nyiiŋ gèeiŋ màŋ ke jii fàa sùà anyùùŋ nyaŋ gbiŋ e fèemàŋ, yèè niŋ nyiniàŋ maŋ nyiiŋ gèeiŋ màŋ nɛɛmaŋ sùà, esaɓù kɛ̀ wo nyùùŋ gbiŋ naàŋ yɛ̀mɛ̀ wò Kanaà sèè wò go niŋ nyɛ̀nɛ̀ŋ.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

Jìiiŋ 1:4

Nyɛ̀nɛìŋ niŋ e kpàŋ è kɔɔiŋ e gàaŋ niŋ kuwa e hààweiŋ nɛ̀ sùà lɛ e koàiŋ niŋ e haì ko dìaì niŋ fè sɔ̀à lɛ. Wèè kɛ̀ maŋ kpèèiŋ màŋ nɔ̀ŋ sengei e jùà jɛ̀wɛ̀ gbɛlɛiŋ e nɛ̀ŋ gbiŋ fè jòò jɛ̀wɛ̀. Weètii nyɛ̀iŋ gbiŋ ɓɔ̀ nìŋ soò màŋ kpèè siaŋ kɛ̀ɛ̀nɛŋ.

1Pììlɛ 3:11

Wo gèe keì naanààŋ nyɛ̀nɛŋ kùàŋ sùà, wo nyɛ̀nɛ̀ŋ keì siaŋ sìàŋ ɓèmè ke jii mɔɛ̀ŋ muŋ kamè ke jii fàa.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

Maŋ kèì nyɛɛnɛŋ 22:21

Mìŋ zoolà wèè e tɛ̀ɛ̀tɛ̀ɛ̀ wo Kanaà Jisɛ̀ Kulaìɛ nɔ̀ŋ koɓɛ̀ anyùùŋ nɛɛmaŋ nyàŋ gbiŋ.