2 Kɔliìŋ 12:20 - WƆŊ FƐ̀Ì EBÒ SÌÀŊ DAYÀA

²⁰ E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

2 Kɔliìŋ 12:20 ပူးပေါင်းရင်းမြစ်များ

Luùm 1:29

Àŋ naŋ dìè maŋ jùumù, maŋ kpèè naanààŋ, yèè àŋ yaà wùànàŋ manɛ̀ŋ maŋ gbiŋ, àŋ naŋ kɛ̀ɛ̀fɛ̀ɛ̀ maŋ dòmaŋ nyaaŋ màŋ gbiŋ. Àŋ naŋ dìè le kòò, àŋ yaà anyuùŋ jìwà nyùùŋ, àŋ sumiàŋ aŋ dàwi, àŋ nyɛnɛŋ kàaɓì, yèè àŋ kuwa maŋ jii naanààŋ. Àŋ fiafìà nyùùŋ,

Luùm 1:30

àŋ woà maŋ keì naanààŋ wèè aŋ dàwi nyiŋ nyàŋ. Àŋ naŋ wùɔ̀ŋ Dayà, aŋ kuwà ɓɛ̀ɛ̀jàa màŋ mìè gbòa nyiŋ màŋ sùà, àŋ ɓemàŋ nyiŋ bi gbee, àŋ kɛɛ maŋ nyòngà. Àŋ gongà tutùtuuŋ wèè aŋ yɛmɛ̀ e ɗewe jɛi wèè aŋ nyɛ̀nɛ̀ŋ e keì naanààŋ. Anyùùŋ nyɛɛ̀ŋ kuwà ɓɛ̀ɛ̀jàa wèè ànyuùŋ kòmaŋ nyiŋ nyàŋ.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

1 Kɔliìŋ 1:11

Anyùùŋ bà e yìwìà ke kpòò Chilìòɛ sùà àim woò kpɛlɛmɛɛŋ nyɛ̀iŋ nààŋ wùìyaim nyàŋ, kɛ̀ e nyaàŋ tàaŋ èiŋ sɛ̀ɛ̀ e tɛɛ.

1 Kɔliìŋ 14:33

esaɓù kɛ̀ wo Dayà manàŋ wèè è doiŋ nyɛ̀nɛ̀ŋ nyaàtàaŋ kɛɛ e mɔɔnɔ̀iŋ yèè e nɔ̀iŋ jii fàa sùà. Màànààŋ è yaà maŋ gbòò anyùùŋ hààwè nɛɛmaŋ nyàŋ gbiŋ sùà lɛ,

1 Kɔliìŋ 5:2

Diè nìŋ naŋ naàŋ ɓɛ̀nɛ̀ŋ ɓèmè nyiŋ bi gbee? Kɛɛ ke nyowo heiŋ nàŋ diè, yèè wo felaaà naŋ nyɛ̀nɛ̀ŋ e keì mààŋ tii wɔ̀, nauŋ gè ke gboòiŋ nɛɛ̀ŋ sùà.

2 Kɔliìŋ 1:23

Wo Dayà nàŋ yaà seì miɔ̀ŋ, wò nyìmàŋ ke jii miɛ̀ŋ! Mìŋ naŋ ɗewè wèè ɓɔ̀ mìŋ ka kò Kɔliìŋ esaɓù kɛ̀ mìŋ manaŋ wèè kaiŋ gè fɛ̀ɛ̀ diɛŋ.

2 Kɔliìŋ 10:2

Mìŋ yààìŋ dàwe sùà wèè niŋ goim nàŋ jɛ̀ì è gbèìŋ wèè kaiŋ fè keì nyìnga sèè mìŋ hnàŋ, mìŋ kiɛ̀ŋ anyùùŋ keì nyìnga, aŋ yè nyaŋ woà nyààŋ è nyɛ̀nɛ̀ìŋ nɔŋ mààŋ anyùùŋ nyaŋ maŋ kèìŋ maŋ sùà nyaŋ.

2 Kɔliìŋ 10:6

Sèè mùŋ jɔɔlɔ̀ naàŋ è juo kpɛlɛmɛɛŋ, kɛ̀ è ngàìnɓù wo nyùùŋ gbiŋ wo yèɔ gangà wèè wo jɔɔlɔ̀ wɔ.

2 Kɔliìŋ 12:21

E jùù yààìm kɛ̀ sèè mìŋ hnàŋ ɓɛìŋ ko nɛ̀ɛ̀ŋ niìŋ wo Dayà miɔ̀ŋ doim nàŋ sìè sàngè ko fɛɛ̀fenìiŋ, mìŋ do nàŋ gòlò esaɓù kɛ̀ nyɛ̀iŋ nààŋ zimgbe nyiŋ kòò nìŋ kìlè wèè naŋ fè màŋ jùumù gɔugɔ̀ù maŋ nìŋ naŋ wa nyɛ̀ɛ̀nɛ̀ŋ maŋ kùàŋ sùà. Kòò nìŋ yaà nɔŋ nyìnìè maŋ hmɔŋtu naanààŋ, maŋ keì kùwà ninaŋ, yèè maŋ kèì sàngè.

2 Kɔliìŋ 13:2

Mìŋ manaŋ ka wòò nyɛ̀iŋ nyàŋ naŋ wa nyɛ̀nɛ̀ŋ maŋ jùumù e gɔuo sùà nyaŋ, yèè anyuùŋ gbànaŋ nyàŋ gbiŋ, kàiŋ woò è guùŋ e hnàaŋ dìà è tìyèe mɛ̀ sùà ko nɛ̀ɛ̀ŋ niìŋ, kɛɛ mìŋ yààìŋ ɓɛìŋ wòo sùà nààŋ miŋ fòò yɛi le, e hnàaàŋ mìŋ do nàŋ hnè lɛ wo nyùùŋ gbiŋ naàŋ fòlò è ngàìnɓuɛ̀ dìì.

2 Kɔliìŋ 2:1

Wèètii mìŋ naŋ ɗewè wèè ɓɔ̀ mìŋ hnàŋ ɓɛìŋ kò nɛ̀ɛ̀ŋ niìŋ wèè ka nyɛ̀nɛ̀ŋ màŋ jiiiŋ màŋ mɔɔnɛ̀ŋ.

Gàla 5:15

Kɛɛ sèè naŋ nɔ̀ŋ sùmiaŋ sùà e fèemàŋ mààŋ aŋ yìlì ɓìè, sɔɔ̀ naŋ yɛ̀mɛ̀ nyɛiŋ bi diɛŋ, sèè è go yɛi nɔ̀ŋ, nìŋ do nàŋ pɔ̀ɔ̀pɔ̀ɔ̀ nyɛ̀iŋ bi.

Gàla 5:26

Ɓɔ̀ è nɔ̀ìŋ ànyuùŋ ɓììne, ɔ̀ɔ̀ eiŋ nɔ̀ŋ gììyà sùà anyuùŋ joo e koo sèè è nɔ̀ìŋ wòò sùà wìàà è yààìŋ tɛ̀ɛ̀ e nyiŋ nìàŋ.

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

Juù 1:16

Anyùùŋ nyɛɛ̀ŋ gboo naanààŋ wèè nyùùŋ yèè àŋ sie nyùùŋ jii, àŋ kuwa nɔŋ e gòngò nàànààŋ nyiŋ bi lɛ̀ maŋjɛ̀wɛ, àŋ kɛɛ maŋ nyòngà nyaàiŋ dè nyiŋ bi, àŋ nyaaŋ nyààŋ aŋ bà wèè kàìsa aŋ yɛmɛ̀ ke dòmàŋ e wùmaŋ nyiŋ.