2 Kɔliìŋ 12:2 - WƆŊ FƐ̀Ì EBÒ SÌÀŊ DAYÀA

² Mìŋ naŋ nyìmè wo nyuùŋ hààwè Jisɛ̀ Kulaìɔ bà guùŋ, maŋ dòà zììyà jɛ̀wɛ̀ tiinàŋ naàŋ mààŋ. Wò naŋ wa jòwò ko àìjɛnɛ̀ŋ dìà taaiì, kɛ̀ɛ̀ ɓàà tɔɔɓaa tɛɛ̀ naŋ wa kààìŋ kè kpùnaàŋ sùà ɔ̀ɔ̀ wò fè wa kè kpùnaàŋ sùà, tɛɛ̀ nààŋ miŋ nyimààŋ, wo Dayà naŋ tii nyìmè.

2 Kɔliìŋ 12:2 ပူးပေါင်းရင်းမြစ်များ

Luù 24:51

Nààŋ wò yà nyiìŋ wa gbìàŋ sùà e zòòlo maŋjɛ̀wɛ, wò naŋ nyiŋ jòò wo jòwà ko àìjɛnɛ̀ŋ.

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Nyɛ̀nɛ̀ŋ 14:6

Nààŋ aŋ kèèlà tìyèe nyàŋ naŋ wa tɛɛ̀ kòmò, àŋ naŋ yèwè ko jawa wii maŋ dùaŋ dùaŋ yèè àŋ naŋ kɔ̀ maŋ jawa gbeegbèè nyiŋ màŋ sùà àŋ nyaaŋ ko Lesità yèè ko Dɛɓì, maŋ kpàlàùŋ kpàlàùŋ Làkanià maŋ sùà.

Nyɛ̀nɛ̀ŋ 22:17

Wo Pɔɔ̀ naŋ wa ɓɛìŋ woò wààŋ, “Nààŋ tɛɛ̀ naŋ mààŋ, mìŋ naŋ kɛ̀ɛ̀ ko Jùlusɛ̀làm yèè mìŋ naŋ kɔ̀ ko Saaŋ Zòòlò Dayài wèè ka zoolò. Kuŋ mìŋ naŋ gò e gɔ̀à gò e jɛ̀ì,

Luùm 16:10

Mìŋ zuumàŋ wo Àpɛlè, wo yèɔ naŋ jàà kùàŋ dìì janjai kɛ̀ wò kuwa e hààwe wo Jisɛ̀ Kulaì sùà wɔ. Mìŋ zuumàŋ anyùùŋ nyaŋ ke kpòò Àlèsoɓulɔ̀ɛ sùà.

Luùm 16:3

Mìŋ naŋ tùɔ̀ŋ maŋ mìè gbìàŋ zùùmo titi mɛɛ̀ŋ koɓɛ̀ wo nìeɔ̀ Pikà yaà wo fanuuŋ nɔɔ̀ŋ Àkuilà, anyuùŋ tòmo dàwiim nyàŋ wo Jisɛ̀ Kulaì sùà.

Luùm 16:7

Mìŋ zuumàŋ ɓɛìŋ wo Andònikà yèè wo Junià, aŋ Juùù nyuuŋ dàwiim nyàŋ yàwi nyiŋ yààìŋ wa ko sààŋ nyìwìi koɓɛ̀ guùŋ nyaŋ. Aŋ felaa nyɛɛ̀ŋ yaà wa aŋ keela tàeɗùù, e kìlà anyùùŋ nyaŋ kiɛ̀ŋ nyiìŋ wa e ɓɛ̀ɛ̀jàa gbee, yèè nyiŋ jiɛ̀ naŋ wa nɔ̀ŋ anyùùŋ màŋjɛ̀wɛ̀ Kanaà Jisɛ̀ Kulaì nyaŋ paŋgàà miŋ naŋ nɔ̀ŋ wo bà.

Luùm 16:9

Mìŋ zuumàŋ ɓɛìŋ wo Ɔbanɔ̀, wo nyuùŋ tòmo dàwi wiɔ̀ wo Jisɛ̀ Kulaì sùà, yaà wo Sitachè, wo dàwi mɔ̀ɔ̀nɔŋ siaŋ miɔ̀ŋ.

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

2 Kɔliìŋ 11:11

Mìŋ yaà tɛɛ̀ woo esaɓù kɛ̀ miŋ kuwà è mànaŋ weèiŋ? Wo Dayà nyìmàŋ kɛ̀ mìŋ mànàìŋ!

2 Kɔliìŋ 13:5

Tùaìŋ nyɛ̀iŋ bi maŋ nɔnɔŋ niŋ yɛmɛ̀ sèè mààŋ nìŋ kuwa kai e hààweɛ̀ màŋ nyiiŋ gèeiŋ màŋ sùà. Tɔɔɓaa nàŋ nyìmàŋ kɛ̀ wo Jisɛ̀ Kulaì yaà maŋ nyiiŋ màŋ sùà? Sɔɔ̀ nɔŋ naŋ nɔŋ soò kpɛlɛmɛɛŋ.

2 Kɔliìŋ 5:17

Wo nyùnɔ̀ɔŋ gbiŋ naŋ dè wo Jisɛ̀ Kulaì maŋjɛ̀wɛ wɔ̀, wò yaà naàŋ wo nyuùŋ jɛ̀ì, wo gɔuɔ̀ wò ka, wo jɛ̀ìɔ wò hnàŋ.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Gàla 1:22

E teenga lii sùà aŋ yè nyaŋ yaà wa aŋ bà nyiŋ bà wèè ke gbòò anyuùŋ hààwe nyàŋ wo Jisɛ̀ Kulaì sùà ko Jùdià lɛ, aŋ nyimààìm wa sengei.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 4:10

Yèè è naŋ ɓɛìŋ fasàì kɛ̀ wo nyùnɔ̀ɔŋ nɔŋ naŋ wa dèyè wɔ, wo nyùùŋ guùŋ bi nɔŋ naŋ wa jòwò ke nyiliɛ̀ dìmɛ̀ wèè e fɛɛ̀uŋ kpɛ̀lɛ̀ manɛ̀ŋ bànè Dayà maŋ gbiŋ diɛŋ.

1Tɛsè 4:17

pangàà kɛ̀ yàwi nyàŋ kùwàìŋ nyiiŋ gèeɔ̀ e teenga lii sùà nyaŋ, èiŋ gbònògbònò koɓɛ̀ guùŋ ke nyili fuaà sùà wèè eiŋ mɛ̀ɛ̀ŋ wo Kanaà Jisɛ̀ ko fùùiŋ. Kpeiŋ kɛ̀ è doiŋ wa nàwèè naàŋ nàŋ nɔ̀ŋ koɓɛ̀ Kanaà Jisɛ̀i wèè julɔfɔ.

Hiɓu 4:14

È kùwàìŋ wo Kànà Sìèfèìŋ Zòòlo Gbee wo yèɔ naŋ kɔ̀ ko àìjɛnɛ̀ŋ wɔ, yèè wuŋ nàŋ yaà wo Jisɛ̀ wo Jɔ̀àfèlàà Dayàa. Esaɓùɛ lɛɛ̀ è kùwàìŋ eiŋ jèè e hààwe sùà e nyaàiŋ dè e yèɛ è naiŋ woò wèè wo Jisɛ̀ Kulaì lɛ.

Hiɓu 9:24

Wo Jisɛ̀ Kulaì gò wa jɔ̀à ko Nɛ̀nɛ̀ŋ Nɛɛmaìŋ àŋ nyuùŋkpùuŋ naŋ wa nyɛ̀lɛ̀ yɛ, ke yèɛ yaà wa wɔŋ mììmììŋ ke vààyà kɛnɛɛ̀ e yìwìà ko àìjɛnɛ̀ŋ. Wò naŋ wa kɔ̀ ko àìjɛnɛ̀ŋ kuŋ bi, ko yèi wò yaà naàŋ ko fɛ̀ɛ̀fèìŋ Dayài wèè wo wi kpuumàŋ.

Maŋ kèì nyɛɛnɛŋ 1:10

Ke ɗɔ̀ɔ̀ Dayà zòòloɛ̀ diɛŋ, wo Jìnàŋ Kanaà Dayà naim wa dèyè diɛŋ, yèè mìŋ naŋ kòmò ke mìè gbòa ko jɛ̀wɛ̀ miìŋ mààŋ e pòtanàŋ àŋ yaà fuunyɛŋ.

Maŋ kèì nyɛɛnɛŋ 12:5

Wo nìeɔ̀ naŋ wa kòmò wo jɔ̀àfelaa, wo yèɔ do nàŋ kìlìè e kànà wɔŋ kùàŋ gaàŋ gbee anyùùŋ nyaŋ gbiŋ diɛŋ maŋ fuɔŋ màŋ sùà wɔ. Kɛɛ wo màikà naŋ wa zòkpò wo jɔ̀àa yèè wò nauŋ kɔ̀ɔ̀ koɓɛ̀ Dayài, yèè wò nauŋ hèè ke kpùà kanauŋ nɛɛ̀ŋ diɛŋ.

Maŋ kèì nyɛɛnɛŋ 4:2

Ko fɛɛ̀feìŋ wo Jìnàŋ Nɛɛmaàŋ naim dèyè diɛŋ, yèè mìŋ naŋ yɛ̀mɛ̀ ke kpùà kana kuii ko àìjɛnɛ̀ŋ wo nyùùŋ bà jàà nyiìŋ diɛŋ.