2 Kɔliìŋ 12:15 - WƆŊ FƐ̀Ì EBÒ SÌÀŊ DAYÀA

¹⁵ Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

2 Kɔliìŋ 12:15 ပူးပေါင်းရင်းမြစ်များ

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

2 Kɔliìŋ 1:6

Sèè è mɔɔnɛ̀ìŋ, è yaà wèè e kpùùmaiŋ nɛ̀, yèè e jòèyeiŋ nɛ̀, sèè eiŋ yɛmɛ̀ìŋ e kpùùmaŋ, kɛ̀ nyɛ̀iŋ pɛɛ nàŋ yɛ̀mɛ̀ kpùùmaŋ, yèè e gààŋ wèè naŋ kɔ̀ɛ̀ maŋ kèì nyìngà guùŋ maŋ ke jii nyingè diɛŋ màànààŋ è naŋ miŋ kɔ̀ dìì yàwi pɛɛ lɛ̀.

2 Kɔliìŋ 11:11

Mìŋ yaà tɛɛ̀ woo esaɓù kɛ̀ miŋ kuwà è mànaŋ weèiŋ? Wo Dayà nyìmàŋ kɛ̀ mìŋ mànàìŋ!

2 Kɔliìŋ 12:14

E dìà taaà lɛɛ̀ naàŋ mìŋ yaà e bànèbaneim wèè ka hnàŋ kaiŋ jaamè, yèè miŋ naìŋ dawè wèè è nɛ̀ŋ gbiŋ. Nyɛ̀iŋ bi mìŋ manaŋ, e fè è nɛɛnɛiŋ nɛ̀. Aŋ jɔ̀à nyaŋ nààŋ kuwà wèè aŋ kàmè è nɛ̀ŋ kìɛ̀ŋ ànyuùŋ kòmaŋ nyiŋ nyàŋ, kɛɛ anyuùŋ kòmaŋ nyàŋ nàŋ kuwa wèè aŋ kàmè e nɛ̀ŋ kìɛ̀ŋ aŋ jɔ̀à nyiŋ nyàŋ.

2 Kɔliìŋ 12:9

Kɛɛ wò naŋ fasàì wààŋ, “E kìɛŋ tɛ̀ɛ̀tɛ̀ɛ̀ mɛ̀ nɔŋ mùŋ kuwa maŋ kɛɛnɛ̀ŋ, yèè e gaàŋ mɛ̀ nàŋ yaà e gbeeɛ̀ sèè mùŋ yɔkpɔ̀.” Kpeiŋ kɛ̀ ke jii kèim fà wèè ka kɛ̀ɛ̀ maŋ nyòngà wèè e yɔ̀kpɔ mɛ̀, e wèè ka yɛ̀mɛ̀ e gààŋ Jisɛ̀ Kulaìɛ yɛmɛ̀ nyùùŋ diɛŋ lɛ̀ ko diɛim.

2 Kɔliìŋ 2:3

Wèètii mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ. Miŋ gò mànàŋ wèè ka hnàŋ kò nɛ̀ɛ̀ŋ niìŋ wèè kè jii miɛ̀ŋ ke mɔɔnɛ̀ŋ è yìwìà ànyùùŋ guùŋ nyaŋ mìŋ naŋ tùlìè jii wèè aŋ nyɛ̀nɛ̀ŋ jii miɛ̀ŋ ke fà nyaŋ. Kà nyìmàŋ kɛ̀ sèè mìŋ nɔ̀ŋ ke jii fàa sùà, kɛ̀ nyɛ̀ìŋ nààŋ gbiŋ nìŋ yaà ke jii fàa sùà nyɛ̀iŋ pɛɛ.

2 Kɔliìŋ 4:12

Tɛɛ̀ naŋ tɔɔ̀ kɛ̀ e fàa yaà wì sùà è yaà toomo, kɛɛ wɔŋ nyiiŋ yààìŋ sùà wɔ̀ŋ yaà toomo.

2 Kɔliìŋ 7:2

Kàmeìŋ ko nɔ̀ŋ wi maŋ jiiiŋ màŋ sùà. E gòiŋ kààɓì nyùùŋ gbiŋ, e gòiŋ pɔ̀ɔ̀pɔ̀ɔ̀ è nɛ̀ŋ nyùùŋ gbiŋ sùà, ɔ̀ɔ̀ wèè eiŋ fɛ̀ɛ̀ wèè eiŋ nììngè wò nyùùŋ gbiŋ fɛ̀ɛ̀.

2 Kɔliìŋ 7:3

Miŋ gò tɛɛ̀ woò wèè kaiŋ jèè keì, màànààŋ nɔŋ mìŋ naŋ woò lɛ, nìŋ yaà maŋ jii wi màŋ diɛŋ è doiŋ nàŋ nɔ̀ŋ wɔŋ nyiiŋ gèeɔ̀ sùà koɓɛ̀ guùŋ, yèè eiŋ fɔ̀ɔ̀yɛ̀ koɓɛ̀ guùŋ.

Gàla 4:10

Nìŋ giiyà maŋ ɗɔɔ, maŋ wàà, maŋ teenga titi wɔŋ doaà sùà, yèè maŋ doa zimgbe e zɔlɔ̀.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

1Tɛsè 2:8

Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.