2 Kɔliìŋ 12:1 - WƆŊ FƐ̀Ì EBÒ SÌÀŊ DAYÀA

¹ Mìŋ yaà kɛ̀ɛ sùà maŋ nyòngà jòòpɛɛ e jìwà jɛ̀wɛ̀ fè miìŋ màŋjɛ̀wɛ̀. Kɛɛ mìŋ do nàŋ wòò e kèè maŋ gɔ̀à gò e jɛ̀ì yèè maŋ bò dààne màŋ wo Kanaà naim fè maŋ.

2 Kɔliìŋ 12:1 ပူးပေါင်းရင်းမြစ်များ

Jɔ̀ɔŋ 16:7

Kɛɛ mìŋ yààìŋ wòò sùà e tɔɔɓaaà, è yaà tɛ̀ɛ̀ wèè ka kà koɓɛ̀ Dèda miɔ̀ŋ, sèè mìŋ go ka, wo nyuùŋ kpùùmaàŋ, wo Jìnàŋ Nɛɛmaàŋ naàŋ hnè wèè woiŋ kpuumàŋ. Kɛɛ sèè mìŋ kɔ̀à, mìŋ do nàŋ tùɔ̀ŋ wo Jìnàŋ Nɛɛmaàŋ ko nɛ̀ɛ̀iŋ niìŋ.

Jɔ̀ɔŋ 18:14

Wo Kàìfɔ̀ guùŋ wɛɛ̀ naŋ wa wòò anyùùŋ gbèègbèè aŋ Juùù nyaŋ wààŋ, “È yaà tɛ̀ɛ̀ wèè wo nyùùŋ guùŋ wo fà wèè anyùùŋ nyaŋ, e nɛ̀ɛŋ nyɛ̀nɛ̀ŋ wɔŋ fuɔɔ̀ŋ gbiŋ wɔŋ pɔɔpɔ̀ɔ̀ lɛ.”

Nyɛ̀nɛ̀ŋ 18:9

Wɔŋ dùùm guùŋ wo Pɔɔ̀ naŋ gò e gɔa, yèè e gɔagòo bi sùà wo Kanaà nauŋ woò wààŋ, “E jùù ɓɔ̀ è nyɛ̀nɛ̀um wèè kè mìè Kanaà gbòa kòɓɛ̀ ànyùùŋ nyaŋ, yèè ɓɔ̀ mùŋ hɔnè nyiŋ gbòa.

Nyɛ̀nɛ̀ŋ 23:11

Wɔŋ dùùm wiiŋ wo Kanaà Jisɛ̀ naŋ fòlò wo Pɔɔ̀ fɛɛ̀feìŋ yèè wò nauŋ woò wààŋ, “Kɛ̀ɛ̀nɛɛ̀ŋ ke jii nyingè! Màŋ kìɛ̀ŋ ke mìè seì mɔɛ̀ŋ e nyaàiŋ eim dè ko Jùlusɛ̀làm, yèè kìɛ̀ŋ ɓɛìŋ ke mìè seì bi ko Luùm.”

1 Kɔliìŋ 10:23

“È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” tii àŋ woà. Tɛɛ̀ yaà tɔɔɓaa, kɛɛ e nɛ̀ɛŋ gbiŋ nààŋ fè tɛ̀ɛ̀. “È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” kɛɛ e nɛ̀ɛŋ gbiŋ nààŋ fè kpuumàŋ.

1 Kɔliìŋ 14:6

E wèètii nyɛ̀iŋ nààŋ wùìyaim nyàŋ, sèè mìŋ hnàŋ ko nɛ̀ɛ̀iŋ niìŋ, kiìŋ kpùùmaŋ mìŋ naiŋ ɓɛ̀nɛ̀ŋ kìɛŋ sèè mìŋ gbuuyà maŋ kaìŋ joo sùà? E kpùùmaŋ gbiŋ fè niìŋ sùà, sɔɔ̀ kaiŋ hìàŋ èbò dààne è yìwìà Dayà sìwè ɔ̀ɔ̀ e jiikɛ̀ɛ ɔ̀ɔ̀ ke miè gbìàŋ aŋ wɛ̀ijì nyaŋ ɔ̀ɔ̀ e kàa.

1 Kɔliìŋ 6:12

Wo nyùùŋ bà ɓɛ̀nɛ̀ŋ wòo wààŋ, “Wo Dayà naim gè nyààŋ diɛŋ wèè ka nyɛ̀nɛ̀ŋ nɛ̀ŋ gbiŋ.” Hɛ̀ɛɛ̀ŋ kɛɛ, e nɛ̀ɛŋ gbiŋ nààŋ fè tɛ̀ɛ̀ weèim.

2 Kɔliìŋ 12:11

Mìŋ yaà guùŋ nyinie mààŋ wo nyuùŋ zùwo, kɛɛ nyɛ̀iŋ naŋ nɔ̀ŋ saɓù wèè ka niŋ nyɛ̀nɛ̀ŋ. È yaà weè e kpàŋ è kɔɔiŋ wèè naŋ nɔ̀ŋ ko gbuuye weèim. Sèè pɛɛ miŋ gò nɔ̀ŋ è nɛ̀ŋ gbiŋ sùà, mìŋ yaà nɔ̀ŋ tɛ̀ɛ̀ mààŋ aŋ keela nyàŋ nìŋ nyaaŋ aŋ keela tàeɗùù titiiŋ nyàŋ lɛ.

2 Kɔliìŋ 12:5

E wèètii, mìŋ do nàŋ kɛ̀ɛ̀ maŋ nyòngà e wèè felaa wɛɛ̀ kɛɛ miŋ naàŋ kɛ̀ɛ̀ màŋ nyòngà è wèè miàŋ bi, sɔɔ̀ nɔŋ maŋ keì maŋ tɔɔ̀ e yɔ̀kpɔ̀ kii mɛ̀ maŋ.

2 Kɔliìŋ 12:7

E wèè miŋ go nàŋ ɓèmè miàŋ bi gbee zimgbe esàɓù maŋ kèì mèè gbeegbèè zimgbe màŋ mìŋ naŋ wa yɛmɛ̀ maŋ, mìŋ naŋ wa kɔ̀ e keì nyìnga dìì ke kpùnaŋ miɛ̀ŋ sùà, nààŋ wo Sɛ̀tanàaŋ naŋ wa tùɔ̀ŋ wo keelauŋ nɔɔ̀ŋ wèè woim ɓùlà, e kìlà woim nyɛ̀nɛ̀ŋ ka dèèyè miàŋ bi e kìlà ka jɔɔlɔ̀.

2 Kɔliìŋ 12:9

Kɛɛ wò naŋ fasàì wààŋ, “E kìɛŋ tɛ̀ɛ̀tɛ̀ɛ̀ mɛ̀ nɔŋ mùŋ kuwa maŋ kɛɛnɛ̀ŋ, yèè e gaàŋ mɛ̀ nàŋ yaà e gbeeɛ̀ sèè mùŋ yɔkpɔ̀.” Kpeiŋ kɛ̀ ke jii kèim fà wèè ka kɛ̀ɛ̀ maŋ nyòngà wèè e yɔ̀kpɔ mɛ̀, e wèè ka yɛ̀mɛ̀ e gààŋ Jisɛ̀ Kulaìɛ yɛmɛ̀ nyùùŋ diɛŋ lɛ̀ ko diɛim.

2 Kɔliìŋ 8:10

Kpeiŋ e keì lɛɛ̀ sùà, ke mìè gòo miɛ̀ŋ kɛɛ̀, è yaà tɛ̀ɛ̀ wèè naŋ kpɛ̀ɛ̀yɛ̀ e nɛ̀ɛŋ nìŋ naŋ tɔɔtù doa bà mɛ̀iŋ nɛ̀. Nyɛ̀iŋ nàŋ yaà mɛ̀iŋ aŋ jiɛ̀jiɛ̀ nyaŋ, e fè guùŋ nɔŋ wèè naŋ kiɛ̀ŋ, kɛɛ naŋ kùwìè e ɗèweɛ̀ wèè naiŋ nyɛ̀nɛ̀ŋ.

Gàla 1:12

Wo nyuùŋkpùuŋ nààŋ goim wa wòò Ebò Siaŋ lɛɛ̀ ɔ̀ɔ̀ wo miŋ kaà. Ke mìè gbìaŋ miɛ̀ŋ naŋ wa yìwìè wo Jisɛ̀ Kulaì wuŋ bi sìwè e teengaà wò naim fòlò feìŋ nɛ.

Gàla 2:2

Kɛɛ mìŋ nao kɔ̀ esaɓù kɛ̀ wo Dayà naim wa tɔɔ̀ wèè kao ka. E dèènè titi sùà yàwiiŋ nààŋ sìèfèìŋ nyuùŋ hààwe nyàŋ, mìŋ naŋ kɛ̀ɛ̀nɛ̀ŋ ke jii gbài e nyaàìŋ dè ke mìè gbìàŋ Ebò Siaàŋ mìŋ yaà wa dàànè sùà koɓɛ̀ anyùùŋ nyaŋ fè àŋ Juùù nyaŋ lɛ̀. Miŋ manàŋ wa wèè ka nyìmàŋ tɔɔɓaa kɛ̀ e tòmoɛ̀ mìŋ naŋ wa nyɛ̀nɛ̀ŋ e gɔuo sùà lɛ, yèè e tòmò ko dòmàŋfeìŋ mɛ̀ naàŋ nɔ̀ŋ è wèè foo.

Ɛfesɔ̀ 3:3

Wo Dayà naim tɔ̀ɔ̀ e ɗèweuŋ nɛ̀ wèè ke gbùnuuŋ nɛɛ̀ŋ. Yèè wèè esaɓù lɛɛ̀ mìŋ naŋ sìngè tòloò wèè e nyaàiŋ dè e keì bi.

1Tɛsè 4:15

E nɛ̀ɛŋ è yààìŋ naàŋ kàa sùà lɛ, e kàa le e yìwìà Kanaà sìwè, yàwi nyàŋ doiŋ nàŋ nɔ̀ŋ wɔŋ nyiiŋ gèeɔ̀ sùà wo Kanaà Jisɛ̀ wa nàwèè hnàŋ nyaŋ, e naìŋ kɔ̀ feìŋ wèè eiŋ jòà ànyuùŋ fàa gɔu nyàŋ jɛ̀wɛ̀.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.