2 Kɔliìŋ 11:9 - WƆŊ FƐ̀Ì EBÒ SÌÀŊ DAYÀA

⁹ E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!

2 Kɔliìŋ 11:9 ပူးပေါင်းရင်းမြစ်များ

Nyɛ̀nɛ̀ŋ 18:3

Wo Àkuilà yaà wa wo nyuùŋ nyɛ̀lɛ̀ maŋ vààyà, yèè wo Pɔɔ̀ naŋ nɔ̀ŋ ko nɛ̀ɛ̀ŋ nyiŋ niìŋ, yèè yaà nyiŋ naŋ tòòmò koɓɛ̀ guùŋ.

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Nyɛ̀nɛ̀ŋ 20:33

Ke ɗɔ̀ɔ̀ guùŋ miŋ gò nyɛ̀nɛ̀ŋ wànàŋ è kaiŋ fua, è gòoò ɔ̀ɔ̀ màŋ dèè e yìwìà wò nyùùŋ gbiŋ sìwè.

Luùm 15:26

Maŋ gbòò anyuùŋ hààwe nyàŋ ko Mɛ̀sèdonià yèè ko Àkaayà naŋ gbònògbònò e nɛɛnɛŋ, wèè ka niŋ kòà koɓɛ̀ anyùùŋ nɛɛmaŋ nyàŋ ko Jùlusɛ̀làm, wèè e nɔ̀ŋ e kpùùmaŋ koɓɛ̀ anyuùŋ pɔ̀ɔ nyàŋ.

1 Kɔliìŋ 16:17

Mìŋ naŋ gè zɔlɔ̀ wèè e hnàŋ Sìfanà yaà wo Fɔtùnatɔ̀, yèè wo Àkiiliɔ̀. E teengaà muŋ fè kià lɛ, nyiŋ naŋ dè e bɛ̀um,

2 Kɔliìŋ 6:4

Kɛɛ, e nɛ̀ŋ gbiŋ è naŋ nyɛ̀nɛ̀ŋ, è tɔɔ̀ kɛ̀ è yààìŋ aŋ ɓɔ̀ìjɔ̀à Dayà esàɓù maŋ keì nyìnga kà dìì ke jii jùa diɛŋ, maŋ mɔ̀ɔ̀nɛŋ, yèè maŋ nimilà.

2 Kɔliìŋ 9:12

E ɗeweɛ̀ nìŋ yaà ko nyìnìè e tòmo lɛɛ̀ e tòmò Dayàa sùà lɛ, e fè nɔŋ kɛ̀ nìŋ yaà yɛ̀ɛ̀mɛ̀ è kèè màŋ kpɛ̀ɛ̀ŋ kɔ̀ɔ̀ ànyùùŋ nɛɛmaŋ nyàŋ dììò sùà, kɛɛ è yaà hìàŋ sùà maŋ sɛ̀ gèe zimgbe koɓɛ̀ Dayài.

Fèle 2:25

Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.

1Tɛsè 2:6

E gòiŋ fɛ̀ɛ̀ wèè eiŋ yɛ̀mɛ̀ è jòòwo wo nyùùŋ gbiŋ sìwè, e pɛɛ nɔ̀ŋ nyɛ̀iŋ bi ɔ̀ɔ̀ anyùùŋ bà,

1Tɛsè 2:9

Tɔ̀ɔ̀nyaàŋ wùìyaim nyàŋ, nàŋ jàà jii e tòmo nyìngaà è naiŋ kɔ̀ dìì lɛ! È naiŋ tomo e dùùm yaà maŋ gɔɛ wèè e goiŋ nàŋ hìɛ̀ŋ è keì nyìnga gbiŋ kò diɛŋ è teengaà è yààìŋ wòo sùà Èbò Siaàŋ naŋ yèwè Dayà sìwè lɛ.

Hiɓu 11:37

Àŋ naŋ nyiŋ wa hɔ̀wɔ̀ le dùò, aŋ nyiŋ sɛ̀ɛ̀sɛ̀ɛ̀ maŋ fàà tìyèe. Anyuùŋ hààwe nyàŋ bà nyiŋ kuwà mànɛ̀ŋ kpàa, àŋ naŋ wa kpàà maŋ fɛ̀ì yilì mààŋ maŋ fɛ̀ì ɓaawaa ɔ̀ɔ̀ maŋ fɛ̀ì diì sùà. Àŋ yaà wa anyuùŋ kòmàŋ enuùŋ, yèè àŋ naŋ nyiŋ gbùwò maŋ keì ɗì e kìlà aŋ nyiŋ kùwìà siwè nanàŋ.