2 Kɔliìŋ 11:3 - WƆŊ FƐ̀Ì EBÒ SÌÀŊ DAYÀA

³ Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

2 Kɔliìŋ 11:3 ပူးပေါင်းရင်းမြစ်များ

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

Luùm 12:8

Sèè mààŋ è kuwa eiŋ kìɛ̀ŋ aŋ dàwi wi nyàŋ maŋ jii nyingè, kìɛŋ wììŋ nyiŋ maŋ jii nyingè. Sèè è mɔnɔŋ wèè eiŋ kìɛ̀ŋ aŋ dàwi wi nyàŋ, kìɛŋ wììŋ nyiŋ e mànaŋ sùà. Sèè mààŋ è yààìŋ aŋ ɓɛ̀màŋɗì anyùùŋ, nyɛ̀nɛ̀ŋ wiìŋ e tɛ̀ɛ̀tɛ̀ɛ̀ wilɛ̀ wèè e nɔ̀iŋ e tɔ̀ɔ̀nyaàŋ sùà ko nɛ̀ɛ̀ŋ nyiŋ niìŋ. Sèè è mɔnɔŋ wèè eiŋ tɔ̀ɔ̀ ke nyowo koɓɛ̀ aŋ dàwi wi nyàŋ, nyɛ̀nɛ̀ŋ wììŋ niŋ e ɓɛ̀ɛ̀jàa sùà.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

2 Kɔliìŋ 11:29

Sèè e zɔ̀kpɔ̀ nɔ̀ŋ nyùùŋ, kɛ̀ miàŋ pɛɛ e zɔ̀kpɔ̀ eim nɔ̀ŋ. Sèè wo nyùùŋ sɛɛ̀ maŋ jùumù sùà, ke jii miɛ̀ŋ mɔɔnɛ̀ŋ.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Gàla 1:6

È naim foonò wèè naŋ fè wo Dayà jɛwɛ fiò, wo yeɔ̀ naiŋ nyààŋ e yìwìà e tɛ̀ɛ̀tɛ̀ɛ̀ Jisɛ̀ Kulaìɛ sùà wɔ, yèè nìŋ naŋ jàà ebò siaŋ joo kùàŋ dìì.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

Gàla 4:11

Mìŋ yaà e jùù yèè e gòngo sùà e nyaàiŋ eiŋ dè. Tɛɛ̀ ɓɛ̀nɛ̀ŋ nɔŋ kɛ̀ e tòmo mɛ̀ gbiŋ tɛɛiŋ è nɔ̀ŋ e wèè foo?

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

Ɛfesɔ̀ 4:22

Àŋ naiŋ woò kɛ̀ maŋ ɗèwè e ɓàaɓàa màŋ nìŋ kuwa màŋ, doiŋ nàŋ pɔ̀ɔ̀pɔ̀ɔ̀ e wèètii gèeìŋ kùàŋ wɔŋ nyiiŋ gèe gɔuiŋ nɔɔ̀ŋ sùà, yàà maŋ kpèè naanààŋ wuŋ màŋ gbiŋ.

Ɛfesɔ̀ 6:24

Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ wèè anyùùŋ nyaŋ kinɛiŋ kuwa e mànaŋ gò jùà e wèè Kana wiɔ̀ Jisɛ̀ Kulaì nyaŋ.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

Kòlo 2:4

Tɔ̀ miŋ woòiŋ, ɓɔ̀ nìŋ nyimèè wèè wò nyùùŋ gbiŋ wò doiŋ zùùwò màŋ mìè gbòa ɓuuyè, miŋ gò kpɛɛ̀ŋ diè kè naŋ ɓuuyè.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

1Tɛsè 3:5

Miŋ gò niŋ ɓɛ̀nɛ̀ŋ dìì, wèètii mìŋ naŋ tùɔ̀ŋ wo Timetè. Mìŋ nauŋ tùɔ̀ŋ wèè wo nyɛ̀nɛ̀ŋ maŋ nɔnɔŋ tùaŋ e nyaàiŋ dè e hààweiŋ nɛ̀. Tɔɔɓaa tiŋ e fè ɓɛ̀nɛ̀ŋ nɔ̀ŋ kɛ̀ wo Dɛwìɔ wòiŋ gɛ̀ɛ̀ jɛ̀wɛ̀ e tòmo wilɛ̀ gbiŋ nɔ̀ŋ wèè foo.

1Time 1:3

Mìŋ manaŋ wèè maŋ jèè ko Ɛfesɔ̀, màànààŋ nɔŋ mìŋ naum wa dawè e teengaà mìŋ yaà wa kɔ̀ɔ̀yɛ̀ ko Mɛ̀sèdonià lɛ. Anyùùŋ kòò àŋ yaào aŋ fè kàa sùà ànyùùŋ nyaŋ è hààwe kɛnɛ, nàaà nyiŋ wèè aŋ hɔanè niŋ nyɛ̀nɛŋ.

1Time 2:14

E kìlà wo Adamàŋ nààŋ wo Sɛ̀tanàŋ gò wa zuwò, wo jɔunɔ̀ɔŋ wò naŋ wa zuwò yèè wò naŋ pɔ̀ɔ̀ ke sàwà Dayàa.

2Time 3:13

Anyùùŋ maŋ kpèè naanààŋ nyaŋ aŋ yè nyaŋ manaŋ aŋ tɔɔ̀ kɛ̀ aŋ fè ànyùùŋ mààŋ nyiiŋ nyàŋ, maŋ kpèè naanààŋ nyiŋ màŋ naŋ nìè maŋ gɔu màŋ, yèè àŋ zuwà nyiìŋ bi yaà anyuùŋ joo.

Taitɔ̀ 1:10

Anyuùŋ gò jɔɔlɔ̀ zimgbe àŋ yaào aŋ kuwà è ɓɛ̀ɛ̀jàà wèè àŋ sìèfeìŋ, yèè àŋ zuwà anyùùŋ nyaŋ bà nyiŋ maŋ mìè gbòa foofòò sùà. Tɛɛ̀ yaà e tɔɔɓaa yèè è kaaìŋ, kai kai ngèè aŋ Juùù nyaŋ yè nyaŋ kaà kɛ̀, sɔɔ̀ anyùùŋ nyaŋ fè àŋ Juùù nyaŋ aŋ nɔ̀ŋ kpùà jàa nyiŋ pangàà àŋ nɔ̀ŋ anyuùŋ hààwe.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

2Pììlɛ 3:17

Kɛɛ nyɛ̀iŋ nààŋ wùìyaim nyàŋ, nàŋ naàŋ tɛɛ̀ gbiŋ nyìmàŋ, yɛ̀mɛìŋ nyɛ̀iŋ bi diɛŋ. Wèè anyuùŋ gò nɔ̀ŋ màŋ sàwà dìì goiŋ nàŋ gè kè dòmaŋ siaŋ diɛŋ.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè

1Jɔ̀ɔŋ 2:18

Jɔ̀àim nyàŋ, e teenga dìàmaàŋ è gbɛ̀ɛ̀! Àŋ naiŋ wa woò kɛ̀ aŋ jòò Jisɛ̀ Kulaì nyaŋ yaà hinie. Aŋ jòò Jisɛ̀ Kulaì nyaŋ zimgbe nyiŋ ngèè àŋ naàŋ hnàŋ tɛ, weètii èiŋ naàŋ nyìmàŋ kɛ̀ e teenga dìàmaàŋ è gbɛ̀ɛ̀.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Maŋ kèì nyɛɛnɛŋ 12:15

Wo kaìɔ, e yìwìà ko nyaàuŋ niìŋ, wò naŋ fùùnyɛ̀ŋ e wuiyè jòwa gbee wo nìeɔ̀ maŋjɛ̀wɛ, wèè e miinyàuŋ.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 20:2

Wò naŋ kùwò wo kaì gbeeɔ̀, wo kaì gɔugɔ̀ù wii, wo Dɛwìɔ ɔ̀ɔ̀ wo Sɛ̀tanàŋ, yèè wò nauŋ sìè maŋ jɔ̀ɔ̀ɔ wèè maŋ doa tààsùùŋ guùŋ (1,000).