2 Kɔliìŋ 11:23 - WƆŊ FƐ̀Ì EBÒ SÌÀŊ DAYÀA

²³ Àŋ yaà aŋ ɓɔ̀ìjɔ̀à Jisɛ̀ Kulaì? Mìŋ yaà gbuuyè mààŋ wo nyuùŋ zùwo, kɛɛ mìŋ yaà wo ɓɔìjɔ̀à kɛnɛ e nyiŋ nìàŋ! Mìŋ naŋ tomo nyìnga, àim gbìàŋ ko sààŋ nyìwì e teenga zimgbe sùà, àim vuwò nyìnga yèè kà gbɛ̀ɛ̀ ko nyɛ̀mgbɛ̀ fàa e teenga zimgbe sùà.

2 Kɔliìŋ 11:23 ပူးပေါင်းရင်းမြစ်များ

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 20:23

Ko jawa gbee gbiŋ mìŋ kɔ̀à, wo Jìnàŋ Nɛɛmaàŋ kiɛ̀ìm e gòo kɛ̀ àŋ doim nàŋ gbìɛ̀ŋ ko sààŋ nyiwì yèè mìŋ do nàŋ nɔ̀ŋ e keì nyìnga dìì ko Jùlusɛ̀làm.

Nyɛ̀nɛ̀ŋ 21:11

Wo wɛ̀ijìɔ naŋ ɓèmè e tɛkìɛ wo Pɔɔ̀ dikìà wa e tɛɛ lɛ̀, yèè wò naŋ niŋ dìkìè wuŋ bi maŋ gòlò yèè maŋ kùàŋ. Yèè wò naŋ woò wààŋ, “Tɛɛ̀ wo Jìnàŋ Nɛɛmaàŋ naŋ woò, kɛ̀ anyùùŋ gbèègbèè aŋ Juùù nyaŋ bà ko Jùlusɛ̀làm do nàŋ dèkè wo nyùnɔ̀ɔŋ kanaŋ e tɛkì lɛɛ̀ wɔ, yèè àŋ douŋ nàŋ kìlè koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 25:14

Àŋ naŋ nɔ̀ŋ ko Sesèlià wèè maŋ ɗɔɔ kpàa bà, yèè wo Fɛtɔ̀ naŋ gbàì wo kanaà jii e nyaàiŋ dè maŋ keì maŋ àŋ naŋ gbùwò wo Pɔɔ̀ e ɗì maŋ. Wò naŋ woò wààŋ, “Wo Filɛ̀ naŋ kià jòòwo felaa bà ko sààŋ nyìwì,

Nyɛ̀nɛ̀ŋ 27:1

Nààŋ wo Fɛtɔ̀ yaà anyunùuŋ nyàŋ naŋ wa ɗewè wèè àŋ sɛɛ̀ wɔŋ meeɔ̀ sùà aŋ ka ko Luùm, àŋ naŋ wa kìlè wo Pɔɔ̀ yaà aŋ pèesìnàŋ gbànaŋ nyàŋ koɓɛ̀ wo kànà aŋ kààlòòɗùà titi nyàŋ, e deèuŋ nɛ̀ nàŋ yaà wa wo Juliɔ̀, wo Kànà Gbèè wɔŋ fùɔ̀ŋ anyùùŋ Luùm nyaŋ wèè wo yɛmɛ̀ nyiŋ diɛŋ.

Nyɛ̀nɛ̀ŋ 28:16

Nààŋ è naiŋ hàì ko Luùm, àŋ naŋ wa gè wo Pɔɔ̀ nyààŋ diɛŋ wèè wo nɔ̀ŋ wɔŋ kùàŋ wuŋ bi yaà wo kààlòòɗùàa yàùŋ wa yɛ̀ɛ̀mɛ̀ diɛŋ wɔ̀.

Nyɛ̀nɛ̀ŋ 28:30

Wèè maŋ dòà tìyèe wo Pɔɔ̀ naŋ wa nɔ̀ŋ wɔŋ kùàŋ wuŋ bi, yèè wò naŋ ɓèmè ke saaŋ ke yèɛ wò hewa paawà weè nyiŋ wuŋ bi. Yèè wò hewa jàà wo nyùnɔ̀ɔŋ gbiŋ hnàŋ wa ko nɛ̀ɛ̀uŋ niìŋ wɔ kùàŋ dìì.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Luùm 8:36

Wɔŋ fɛ̀ì Dayàa naŋ woò wààŋ, “Wèè esaɓù mɔ̀ɛ̀ è yààìŋ e kèì nyìngà e fàa fɛɛ̀feìŋ ke ɗɔɔ gbiŋ. È yààìŋ mààŋ aŋ ɓaawaa àŋ yaà kòasùà wèè aŋ nyiŋ jìwà.”

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

1 Kɔliìŋ 4:11

Sààngɛ lɛɛ̀ pɛɛ, è yààìŋ kùwìè e jìyè yèè ke jòòmàì yàà wì, è yààìŋ maŋ deè bila sùà, àŋ yàà wì ɓùla sùà, è yààìŋ maŋ gòlò diɛŋ e fèiŋ jɛ̀ì koɓɛ̀ guùŋ,

1 Kɔliìŋ 4:9

È yaà guùŋ ko nɛ̀ɛ̀ŋ miìŋ mààŋ yàwi nààŋ keela tàeɗùù nyaŋ, wo Dayà naŋ sèèlè ko sìè ɓɛ̀ɛ̀pɔ̀ɔ mààŋ anyùùŋ wo Dayà naŋ kìlìè e kìtì fàa diɛŋ wèè e ɗùùnyàŋ aŋ màikà nyaŋ, yaà anyuùŋ kpùuŋ nyàŋ aŋ wi yɛmɛ̀.

2 Kɔliìŋ 10:7

Yɛ̀mɛìŋ maŋ keì kààŋ kii màŋ yàà wì fɛɛ̀feìŋ maŋ. Sèè wo nyùùŋ gbiŋ naŋ gongò kɛ̀ wò tùlìè wo Jisɛ̀ Kulaì jii, wo nyɛ̀nɛ̀ŋ wuŋ bi nyìmàŋ kɛ̀ nààŋ nɔŋ wò naŋ tùlìè Jisɛ̀ Kulaì ke jii, yɛi nɔŋ yàwi pɛɛ è yaà.

2 Kɔliìŋ 11:5

Mìŋ naŋ gongò kɛ̀ mìŋ yaà nɔŋ wo keela tàeɗùù siaàŋ bà guùŋ mààŋ àŋ keela gbànàŋ nyàŋ àŋ nyaaŋ aŋ keela tàeɗùù titi nyàŋ lɛ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 4:11

Wɔŋ nyiiŋ gè wiɔ̀ gbiŋ sùà è sìàìŋ e kèì nyìngà fàa fɛɛ̀feìŋ esàɓù Jisɛ̀ɛ sùà e wèè kɛ̀ aŋ yɛmɛ̀ wɔŋ nyiiuŋ nɔɔ̀ŋ maŋ kpùnaŋ wi màŋ sùà.

2 Kɔliìŋ 6:9

Mààŋ anyùùŋ nyimààŋ wì, kɛɛ anyùùŋ nyaŋ gbiŋ àŋ wi nyìmàŋ. È yaà mààŋ èiŋ fà, kɛɛ nààŋ nìŋ yɛmɛ̀ lɛ è yààìŋ wɔŋ nyiiŋ gèeɔ̀ sùà. Jòòpɛɛ àŋ ngainɓù wì, kɛɛ aŋ fè wi jìwà.

Gàla 6:17

Ko dìèmè maŋ kei wòo mɛɛ̀ŋ nàŋ yaà, wo nyùùŋ bà gbiŋ ɓɔ̀ wò kiɛ̀im ɓɛìŋ è kei nyìnga, esaɓù nàŋ yaà kɛ̀ e feeɛ̀ yaà wɔŋ kɔɔ miɔ̀ŋ lɛ naŋ tɔɔ̀ kɛ̀ mìŋ yaà wèè wo Jisɛ̀ kulaì.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Ɛfesɔ̀ 6:20

Wo Dayà naim tùɔ̀ŋ wèè ka nyɛ̀nɛ̀ŋ e tòmo lɛɛ̀, yèè e wèè esaɓù lɛɛ̀, àŋ naim sìè maŋ jɔ̀ɔ̀ɔ ko sààŋ nyìwìi. E wèètii zòòloìŋ wèè miŋ kuwìè ke jii miŋ gbòà màànààŋ è kanaŋ lɛ̀.

Fèle 1:13

esàɓù tɛɛ̀, anyuùŋ tùnìàŋ ke sààŋ gbèè kanaà yaà anyuùŋ gbànaŋ nyàŋ gbiŋ, naŋ nyìmè kɛ̀ mìŋ yaà kià ko sààŋ nyìwì, esaɓù kɛ̀ mìŋ yaà wo ɓɔìjɔ̀à wèè wo Jisɛ̀ Kulaì.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

Kòlo 1:29

Wèè ka nyɛ̀nɛ̀ŋ tɛɛ̀ e hɛɛnɛ̀ŋ, mìŋ naŋ tomo nyìnga, yèè mìŋ naŋ tòòmò e gaàŋ gbeeɛ̀ wo Jisɛ̀ Kulaì naim kiɛ̀ŋ è toomàìm ko sùà lɛ.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,

1Time 4:6

Sèè maŋ kàà maŋ keì wòo mɛɛ̀ŋ koɓɛ̀ anyuùŋ hààwe nyàŋ, mùŋ do nàŋ nɔ̀ŋ wo ɓɔìjɔ̀à tòmo siaŋ wèè wo Jisɛ̀ Kulaì, mùŋ do naŋ dììyè muàŋ bi e nɛɛmaŋ e yìwìà ke mìè hààweɛ̀ yèè e kàà tɔ̀ɔ̀nyaàaŋ e yèɛ mùŋ naŋ dè maŋjɛ̀wɛ lɛ̀.

2Time 1:16

Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

2Time 3:11

Màŋ nyìmàŋ maŋ keì nyìnga màŋ yaà e mɔ̀ɔ̀nɛɛ̀ŋ gbiŋ mìŋ naŋ kɔ̀ dìì ko Aŋtiɔ̀, ko Ìkɔniɔ̀ŋ, yaà ko Lesità maŋ, yèè maŋ keì mèè nyìnga màŋ naim kaaìŋ maŋ. Kɛɛ wo Kanaà naim joeyè woim gè màŋ gbiŋ sùà.

Felemɔ̀ŋ - PHM 1:9

Kɛɛ mìŋ yààùm dàwe sùà wèè maŋ niŋ nyɛ̀nɛ̀ŋ esàɓù e mànaŋ. Hɛ̀ɛɛ̀ŋ, jòòpɛɛ miàŋ nàŋ yaà Pɔɔ̀ wo nyuùŋ kɔ̀à ke miè gbìàaŋ e kìlà mìŋ yaà wo nyùùŋ màŋ keì wèè wo Jisɛ̀ Kulaì.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.