2 Kɔliìŋ 11:15 - WƆŊ FƐ̀Ì EBÒ SÌÀŊ DAYÀA

¹⁵ E wèètii, e fè guùŋ è keì gbee bà sèè àŋ ɓɔìjɔ̀àuŋ nyàŋ ɓemàŋ yèè àŋ tɔɔ̀ nyiŋ bi wèè aŋ nɔ̀ŋ mààŋ anyùùŋ tɔ̀ɔ̀nyaàŋ. Ko jee e ɗìi, àŋ do nàŋ yɛ̀mɛ̀ e nɛ̀ɛŋ maŋ nyɛ̀nɛŋ nyiŋ màŋ kanaŋ lɛ̀.

2 Kɔliìŋ 11:15 ပူးပေါင်းရင်းမြစ်များ

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Luùm 2:6

Wo Dayà do wi nàŋ kìɛ̀ŋ e jìwààjɛ̀wɛ̀ e yèɛ naŋ wi tɛɛwɛ̀ wèè e tòmoɛ̀ yàwi nyɛɛ̀ŋ bà gbiŋ è naiŋ nyɛ̀nɛ̀ŋ lɛ.

Luùm 3:8

Sèè nyɛ̀iŋ nìŋ naŋ tɛɛ̀ ɓɛ̀nɛ̀ŋ wòo, kɛ̀ nàŋ ɓɛ̀nɛ̀ŋ wòo nààŋ, “Nyɛ̀nɛ̀ŋ wiìŋ e keì naanààŋ, wèè e keì kɛnɛ hnàŋ ko nɛ̀ɛ̀ŋ wiì.” Anyùùŋ nyaŋ bà nyiŋ ngèè pɛɛ àŋ wi kìɛ̀ŋ maŋ mìè ɓɛ̀ɛ̀pɔ̀ɔ esaɓù kɛ̀ nyààŋ kòò è yààìŋ wòò e kèì guùŋ nɛɛ̀. Kɛɛ wo Dayà yaà wo nyùùŋ tɔ̀ɔ̀nyaàŋ yèè wò do nyiŋ nàŋ nimilà nyiŋ pɛɛ.

1 Kɔliìŋ 9:11

E teengaà è naiŋ wòò ke miè gbìaàŋ lɛ, è yaà wa mààŋ è naiŋ nyùɔ̀ŋ maŋ nɛ̀ŋje wo Jinàaŋ sùà. Wèètii e kuwàìŋ e tɔ̀ɔ̀nyaàŋ wèè eiŋ jàà e nɛ̀ŋ gbiŋ kùàŋ dìì ko siwèiŋ wèè maŋ jewi nɛ̀ŋje kpàa màŋ?

2 Kɔliìŋ 11:13

Aŋ felaa nyiiŋ àŋ yaà aŋ kèèlà kàaɓì, àŋ yaà aŋ keela tòa, aŋ yè nyaŋ tɔɔ e nyaàiŋ dè e tòmo nyiŋ nɛ̀ yèè àŋ ɓemàŋ e kìlà àŋ tɔɔ̀ nyiŋ bi wèè aŋ nɔ̀ŋ mààŋ aŋ keela kɛnɛ wèè Jisɛ̀ Kulaì.

2 Kɔliìŋ 11:23

Àŋ yaà aŋ ɓɔ̀ìjɔ̀à Jisɛ̀ Kulaì? Mìŋ yaà gbuuyè mààŋ wo nyuùŋ zùwo, kɛɛ mìŋ yaà wo ɓɔìjɔ̀à kɛnɛ e nyiŋ nìàŋ! Mìŋ naŋ tomo nyìnga, àim gbìàŋ ko sààŋ nyìwì e teenga zimgbe sùà, àim vuwò nyìnga yèè kà gbɛ̀ɛ̀ ko nyɛ̀mgbɛ̀ fàa e teenga zimgbe sùà.

2 Kɔliìŋ 3:9

Sèè ke nyɛ̀nɛɛ̀ŋ hiàŋ e nìmìlà fàa lɛ̀ naŋ kùwìè e jòòwo, kɛ̀ ke nyɛ̀nɛɛ̀ŋ hiàŋ e jòèye lɛ̀ do nàŋ kùwìè e jòòwo gbee!

Ɛfesɔ̀ 6:12

E fèìŋ sùmiaŋ sùà màŋ kèìŋ yaà màŋ sɛ̀ìŋ, sɔɔ̀ aŋ jinàŋ naanààŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ, yèè maŋ gaàŋ gò kùwìè kò dìa nyiŋ màŋ e ɗùùnyàŋ ke nyìwì lɛɛ̀ dìì.

Fèle 3:19

Àŋ do nàŋ kɔ̀ ko jàhamaŋ, esaɓù kɛ̀ maŋ keì nyɛ̀nɛŋ nyiŋ màŋ maŋ kpùnaŋ nyiŋ màŋ sùà nàŋ yaà aŋ dayà nyiŋ nyàŋ. Àŋ joowà nyiŋ bi e sangè nyiŋ nɛ̀ sùà, nààŋ àŋ gongà nɔŋ e kèè manɛ̀ŋ maŋ e ɗuunyaŋ lɛɛ̀ sùà.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Maŋ kèì nyɛɛnɛŋ 13:14

Wo yilì kùùno dìà tìyèeɔ naŋ zùwò anyùùŋ e dììɛ diɛŋ nààŋ wo Dayà nauŋ gè nyààŋ diɛŋ wèè wò nyɛ̀nɛ̀ŋ maŋ kèè mèè ko fɛ̀ɛ̀fèìŋ wo yilì kùùno jiɛ̀jiɛ̀ɔ. Wo yilì kùùnoɔ̀ naŋ wòò anyùùŋ nyaŋ wààŋ kɛ̀, aŋ banè wo dayà joo wo yèɔ naŋ tèènè wo yilì kùùnoɔ̀ àŋ naŋ wa nyɛ̀mɛ̀ŋ, e kìlà wò yaà nɔŋ wɔŋ nyiiŋ gèeɔ̀ sùà wɔ.

Maŋ kèì nyɛɛnɛŋ 13:2

Wo yilì kùùnoɔ̀ mìŋ naŋ yɛmɛ̀ wɔ wò yaà wa mààŋ wo kɛ̀ɛ̀nɛ̀ŋɓie, wò kuwa maŋ gòlò mààŋ wo yilà, yèè wɔŋ nyaàuŋ nɔɔ̀ŋ yaà wa mààŋ wɔŋ nyààŋ nyàa. Wo kaì gbeeɔ̀ naŋ kìɛ̀ŋ wo yilì kùùnoɔ̀ e gààŋ wuŋ biɛ̀, ke kpùà kanauŋ nɛɛ̀ŋ, yèè e gaàŋ gbeeuŋ nɛ̀ gbiŋ.

Maŋ kèì nyɛɛnɛŋ 9:11

Wo kana nyiŋ nɔɔ̀ŋ nàŋ yaà wo màikàa sia e kèè wɔŋ golo zutùùɔŋ feìŋ wɔ. E deèuŋ nɛ̀ e Hiɓulù mieɛ̀ sùà nàŋ yaà Abadɔ̀ùŋ. E deèuŋ nɛ̀ e Guliì mieɛ̀ sùà nàŋ yaà wo Àponyɔ̀ŋ. E fàsàì tɛɛ̀ nàŋ yaà, “Wo Nyuùŋ Pɔ̀ɔ̀pɔ̀ɔ̀ Keì.”