2 Kɔliìŋ 11:10 - WƆŊ FƐ̀Ì EBÒ SÌÀŊ DAYÀA

¹⁰ Esàɓù e tɔ̀ɔ̀nyààŋ Jisɛ̀ Kulaìɛ yààìm sùà lɛ, kà ɓèmè e ɗààhiì kɛ̀ maŋ nyongà kɛ̀ɛim màŋ, wo nyùùŋ gbiŋ naìm kìlìè kùàŋ feìŋ wɔ̀ŋ fùɔ̀ŋ Àkaayàa sùà wèè wòò niŋ.

2 Kɔliìŋ 11:10 ပူးပေါင်းရင်းမြစ်များ

Nyɛ̀nɛ̀ŋ 18:12

Kɛɛ nààŋ anyùùŋ nyaŋ naŋ wa nyɛ̀nɛ̀ŋ wo Gàliò wo kana wèè wɔŋ fùɔ̀ŋ Àkaayàa, anyùùŋ gbèègbèè aŋ Juùù nyaŋ bà naŋ wa jàà ke gbòò yèè àŋ naŋ kùwò wo Pɔɔ̀ yèè àŋ nauŋ kɔ̀ɔ̀ ko fɛ̀ɛ̀fèìŋ wo kanaà ko sààŋ sàwài.

Nyɛ̀nɛ̀ŋ 18:27

Kpeiŋ wo Àpolò naŋ ɗewè wèè wo ka wɔŋ fùɔ̀ŋ Àkaayàa sùà. Yèè anyuùŋ hààwe nyàŋ ko Ɛfesɔ̀ nauŋ nyììnè jii, yèè àŋ naŋ sìngè wɔŋ fɛi koɓɛ̀ anyuùŋ hààwe nyàŋ ko jawa bi wèè aŋ jààuŋ kùàŋ dìì. Nààŋ wo Àpolò naŋ wa hàì ko Àkaayà, wò naŋ wa nɔ̀ŋ wo nyuùŋ kpùùmaŋ gbee koɓɛ̀ anyùùŋ nyaŋ gbiŋ naŋ wa hààwè wo Kanaà Jisɛ̀ sùà nyaŋ, esàɓù ke kpèè sìàŋ Dayàa àŋ naŋ nɔ̀ŋ anyuùŋ hààwe.

Luùm 1:9

Wo Dayà nàŋ yaà wo seì miɔ̀ŋ kɛ̀ e yèɛ mìŋ woà lɛ è yaà tɔ̀ɔ̀nyaàŋ, wo Dayàa mìŋ zoolà e yìwìà wɔŋ nyììŋ jinàŋ miɔ̀ŋ gbiŋ sùà wɔ, mìŋ woà Ebò Siauŋ nɛ̀ e teenga gbiŋ e nyaàiŋ dè wo Jɔ̀àfelaauŋ nɔɔ̀ŋ. Wo Dayà nyìmàŋ kɛ̀ mìŋ jààìŋ jii

Luùm 16:5

Mìŋ zuumàŋ ɓɛìŋ anyuùŋ hààwe nyàŋ deenàŋ ko gbòò Pikà yaà Àkuilà nyaŋ. Mìŋ zuumàŋ wo wùìya miɔ̀ŋ Ɛpanetù, wo yèɔ jiɛ̀ naŋ wa kɛ̀ɛ̀nɛ̀ŋ hààwe wo Jisɛ̀ Kulaì sùà wɔ, paŋgàà anyùùŋ nyaŋ gbiŋ wɔŋ fùɔ̀ŋ Eesìàa sùà.

Luùm 9:1

Mìŋ yaà wòò e tɔɔɓaaà kɛ̀, mìŋ yaà wo nyùùŋ màŋjɛ̀wɛ̀ wèè wo Jisɛ̀ Kulaì, miŋ fè tòà. Wo Jìnàŋ Nɛɛmaàŋ yaà wo seì wèè e gòngo mɛ̀, yèè miŋ fè tòa sùà

1 Kɔliìŋ 16:15

Nàŋ nyìmàŋ e kèè Sìfanà yaà ke kpoouŋ nɛɛ̀ŋ, nyiŋ nàŋ yaà aŋ wùìya jiɛ̀jiɛ̀ nyaŋ e hààweɛ̀ sùà ko Àkaayà yèè àŋ naŋ fè nyiŋ bi wèè tòòmo koɓɛ̀ anyùùŋ nɛɛmaŋ nyàŋ. Mìŋ yààìŋ pɔ̀wɔ sùà, nyɛ̀iŋ nààŋ wùìyaim nyàŋ,

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

2 Kɔliìŋ 1:23

Wo Dayà nàŋ yaà seì miɔ̀ŋ, wò nyìmàŋ ke jii miɛ̀ŋ! Mìŋ naŋ ɗewè wèè ɓɔ̀ mìŋ ka kò Kɔliìŋ esaɓù kɛ̀ mìŋ manaŋ wèè kaiŋ gè fɛ̀ɛ̀ diɛŋ.

2 Kɔliìŋ 10:15

E wèètii e fèiŋ kɛ̀ɛ̀ màŋ nyòngà wèè è tòmoɛ̀ è yèɛ anyùuŋ bà naŋ nyɛ̀nɛ̀ŋ è naŋ gɛ̀ɛ̀ kò dìaì wo Dayà naŋ tɔɔ̀ weè wilɛ̀. Kɛɛ è kuwa jii tùlia kɛ̀ e hààweiŋ nɛ̀ do nàŋ dɛɛ̀, wèè eiŋ ɓɛ̀nɛ̀ŋ nyɛ̀nɛ̀ŋ e tòmo gbee e tɛɛiŋ, e teenga gbiŋ eiŋ tòòmò ko dìa wiì wo Dayà naŋ tɔɔ̀ lɛ.

2 Kɔliìŋ 11:12

Mìŋ do nàŋ nɔ̀ŋ ko nyìnìè e nɛ̀ɛŋ mìŋ yaà naàŋ ko nyinie lɛ̀, e wèè kɛ̀ aŋ yè nyaŋ àŋ nyaaŋ aŋ keela tàeɗùù titi nyàŋ lɛ go nàŋ kùwìè è ɗewe wèè aŋ kɛ̀ɛ̀ màŋ nyòngà kɛ̀ àŋ yaà toomo e ɗèwè guùŋ nɛ nɔŋ è yaà toomo lɛ̀.

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

2 Kɔliìŋ 9:2

Kà nyìmàŋ kɛ̀ è yààìŋ jii wèè naŋ kpuumàŋ, yèè kà kɛ̀ɛ̀ maŋ nyòngà koɓɛ̀ anyùùŋ Mɛsèdonìà nyaŋ e nyaàiŋ eiŋ dè kɛ̀, “Anyuùŋ hààwe nyàŋ ko Àkaayà, àŋ wa banebànè wèè aŋ kpuumàŋ e yìwìà doa bà mɛ̀iŋ.” E wùànàŋ kpùùmaiŋ nɛ̀, è sìà aŋ zimgbe nyiŋ ke di.

Gàla 1:20

E yèɛ mìŋ naŋ sìngè lɛ è yaà e tɔ̀ɔ̀nyaàŋ. Wo Dayà nyìmàŋ kɛ̀ miŋ fè tòa sùà!

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

1Tɛsè 2:10

Nìŋ yaà aŋ sèì weè wi e kìlà wo Dayà yaà seì kɛ̀ maŋ kpèè wi màŋ ko nɛ̀ɛ̀iŋ niìŋ nyɛ̀iŋ nyàŋ naŋ haawè nyaŋ, màŋ naŋ zɛ̀nɛ̀ŋ, yèè màŋ naŋ nɔ̀ŋ e tɔ̀ɔ̀nyaàŋ e kìlà e tɔ̀mɛ gò miŋ nɔ̀ŋ.

1Tɛsè 2:5

Nàŋ nyìmàŋ fo kɛ̀ maŋ mìè gbòà nyuùŋ tɛ̀nɛŋ nààŋ e gò hìàŋ kò nɛ̀ɛ̀ŋ niìŋ, ɔ̀ɔ̀ eiŋ tòòmò màŋ mìè wèè eiŋ nyɛ̀ɛ̀nɛ̀ŋ è kèò nyààŋ nyɛ̀nɛŋ, wo Dayà nàŋ yaà wo seì wiɔ̀!

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.