2 Kɔliìŋ 10:4 - WƆŊ FƐ̀Ì EBÒ SÌÀŊ DAYÀA

⁴ Manɛ̀ŋ sùmiaŋ màŋ è sumìàìŋ maŋ, maŋ fè mànɛ̀ŋ sùmiaŋ è yìwìà è ɗuunyaŋ lɛɛ̀ sùà, sɔɔ̀ manɛ̀ŋ sùmìàŋ gààŋ maŋ wo Dayà kuwa màŋ, miiŋ è toomàìŋ eiŋ pɔ̀ɔ̀pɔ̀ɔ̀ ko gììyè nyììŋ aŋ joo nyàŋ. È pɔɔpɔ̀ɔ̀ìŋ maŋ hɛ̀ɛ̀ gè tòa

2 Kɔliìŋ 10:4 ပူးပေါင်းရင်းမြစ်များ

Nyɛ̀nɛ̀ŋ 7:22

Àŋ naŋ wa kàà wo Mòòze maŋ kèì nyɛ̀nɛ̀ŋ anyùùŋ Ijè nyaŋ gbiŋ, yèè maŋ mìè gbòauŋ màŋ yèè maŋ keì nyɛ̀nɛuŋ màŋ kuwa wa zùlù.

Luùm 13:12

Wɔŋ dùmɔ̀ɔŋ joo tòloò wèè wɔŋ jùà, yèè sààmɛ e nììɛ do nàŋ sìè. Hɔ̀ànè wiìŋ nyɛ̀nɛ̀ŋ maŋ keì maŋ anyùùŋ nyaŋ nyɛnɛŋ ke nyìwìɛ sùà maŋ, yèè e nɔ̀iŋ bànèbane wi wèè e nɔ̀iŋ e gbolòùŋ nɛ sùà.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

1 Kɔliìŋ 2:5

Kpeiŋ kɛ̀, e jììkɛ̀ɛ̀ nyuùŋkpùuŋ nààŋ gòiŋ nyɛ̀nɛ̀ŋ nìŋ doò hààwè Jisɛ̀ Kulaì, kɛɛ è naŋ yèwè e gààŋ Dayàa sùà.

1 Kɔliìŋ 9:7

Ɓòò nàŋ tomàŋ mààŋ wo kààlò ɗùà e yìwìà e nɛ̀ŋ mààŋ wuŋ bi lɛ̀ sùà? Ɓòò nàŋ tomàŋ wɔŋ ɓù maŋ nɛ̀ŋje wo fè jè màŋ nɛ̀ŋjèò ɓù bi bà? Ɓòò nàŋ kɛɛnɛ̀ŋ ke gbòò aŋ dìi wo fè nyiŋ gè màŋ yaà màì nyiŋ màŋ bà?

2 Kɔliìŋ 10:8

Sèè weè pɛɛ eiŋ kɛ̀ɛ̀ maŋ nyòngà e mààŋ nyààŋ tòloò e nyaàiŋ dè e gààaŋ wo Kanaà naŋ wi kiɛ̀ŋ wèè eiŋ nyɛ̀nɛ̀ŋ naŋ nyìngà sùà lɛ, e yèɛ e fè wèè eiŋ pɔɔpɔ̀ɔ̀ gbiŋ lɛ̀, e sàngè fèiŋ nyɛ̀nɛ̀ŋ.

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

2 Kɔliìŋ 3:5

E nɛ̀ŋ bà gbiŋ fè wì sùà wèè e wi gè nyààŋ diɛŋ eiŋ woò kɛ̀ èiŋ ɓɛ̀nɛ̀ŋ nyɛ̀nɛ̀ŋ tomo lɛɛ̀. E nɛ̀ɛŋ è kuwa wèè eiŋ nyɛ̀nɛ̀ŋ e tòmo lɛɛ̀ lɛ è yewe Dayà sìwè.

2 Kɔliìŋ 4:7

E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

2 Kɔliìŋ 6:7

esàɓù mìè gbìàŋ tɔ̀ɔ̀nyaàŋ wiɛ̀, yèè esàɓù e gààŋ Dayàa sùà. È kùwàìŋ e tɔ̀ɔ̀nyaàŋ tiŋ nàŋ yaà e kaì nɛ̀ŋ sùmiaŋ wilɛ̀, wèè eiŋ dàà ke gùuŋ, yèè wèè eiŋ yɛ̀mɛ̀ yàwi bi diɛŋ.

1Tɛsè 5:8

Kɛɛ yàwi nààŋ nyuùŋ hààwe nyàŋ, kuwa wèè eiŋ yɛ̀mɛ̀ yàwi bi diɛŋ mààŋ aŋ nyùùŋ nyaŋ wɔŋ niìsìaà sùà. E kìlà e hààwe wilɛ̀ yaà e mànaŋ wilɛ̀ e nɔŋ mààŋ wɔŋ kaì fàà ɓɔwɔɔɔ̀ wo kààlò ɗùàa gbuwo ke sɔɔ wo kà e ɗùà feìŋ wɔŋ. Ke jii tùliaà è kuwa kɛ̀ è doiŋ nàŋ yɛ̀mɛ̀ e jòèye lɛ̀, kè yaà mààŋ ke ɓɔ̀ɗì ɗùàa wo kààlò ɗùàa gbuwo ko ɗì wo kà e ɗùà feìŋ yɛ.

1Time 1:18

Jɔ̀à miɔ̀ŋ Timetè, mìŋ yààùm tùlia sùà ke jii wèè e gààŋ lɛɛ̀, e nyaàiŋ dè maŋ mìè gbòa màŋ wo wɛ̀ijìɔ naŋ wa gbòò e teengà gɔu sùà e nyaàiŋ eum dè lɛ. Tòòmo maŋ mìè gbòa mɛɛ̀ŋ mààŋ manɛ̀ŋ sùmìàŋ e ɗùà wèè muŋ sòmàŋ tɛ̀ɛ̀,

2Time 2:3

Kuwa e jeum keì nyìngaà, mààŋ wo kààlòòɗùà jɔ̀ɔ̀lɔ wèè wo Jisɛ̀ Kulaì.

Hiɓu 11:30

E hààwe naŋ nyɛ̀nɛ̀ŋ wɔŋ gɔ̀ɔ̀ŋ jawa gbeeɛ̀ naŋ wa kìlìè ko Jɛlekò wɔ̀ŋ naŋ sɔ̀ɔ̀, e teengaà anyùùŋ Ezɔ̀ɛ̀ nyaŋ naŋ wuŋ kààìŋ kààìŋ kɔɔ wèè maŋ ɗɔ̀ɔ̀ nɔɔnɔŋ le tìyèe.