2 Kɔliìŋ 10:2 - WƆŊ FƐ̀Ì EBÒ SÌÀŊ DAYÀA

² Mìŋ yààìŋ dàwe sùà wèè niŋ goim nàŋ jɛ̀ì è gbèìŋ wèè kaiŋ fè keì nyìnga sèè mìŋ hnàŋ, mìŋ kiɛ̀ŋ anyùùŋ keì nyìnga, aŋ yè nyaŋ woà nyààŋ è nyɛ̀nɛ̀ìŋ nɔŋ mààŋ anyùùŋ nyaŋ maŋ kèìŋ maŋ sùà nyaŋ.

2 Kɔliìŋ 10:2 ပူးပေါင်းရင်းမြစ်များ

Luùm 8:1

Weètii sèè è nɔ̀ŋ yɛi, e keì naàŋ jèè ànyùùŋ nyaŋ yaà àŋ bà nyiŋ bà wò Jisɛ̀ Kulaì sùà nyaŋ.

Luùm 8:4

Wo Dayà naŋ wa tɛɛ̀ nyɛ̀nɛ̀ŋ wèè kɛ̀ yàwi nààŋ yè nyaŋ yààìŋ nyiiŋ gèeɔ̀ sùà nyaŋ eiŋ jɔ̀ɔ̀lɔ̀ ke Sàwàa dìì esàɓù wo Jìnàŋ Dayàa sùà, kɛɛ e fè wèè kè nyɛ̀nɛ̀ŋ è kèìŋ nyuùŋkpùuŋ nɛ̀.

Luùm 8:5

Anyùùŋ nyaŋ nyiniàŋ maŋ nyiiŋ gèe nyiŋ màŋ e mànàŋ ke kpùnaŋ nyiŋ nɛɛ̀ŋ sùà nyaŋ, àŋ gongà nɔŋ kèè maŋ kpèè nyiŋ bi màŋ. Anyùùŋ nyaŋ wo Jìnàaŋ toomàŋ sùà nyaŋ, gongà e kèè e nɛ̀ɛŋ wo Jìnàŋ Dayàa manaŋ aŋ nyɛ̀nɛ̀ŋ lɛ.

2 Kɔliìŋ 1:17

Nìŋ naŋ gongò kɛ̀ miŋ fè dai ɓɛ̀nɛ̀ŋ bànè kè jii miɛ̀ŋ wèè è nɛ̀ɛŋ mìŋ manaŋ ka nyɛ̀nɛ̀ŋ lɛ? Ɓàà zà mìŋ yaà mààŋ wo nyuùŋ kpùnuɔ̀ŋ woà wààŋ, “Hɛ̀ɛɛ̀ŋ,” ɔ̀ɔ̀ “Kpele, kpele” wèè wo nyɛ̀nɛ̀ŋ nyùuŋ bà jiiuŋ nɛɛ̀ŋ fà?

2 Kɔliìŋ 11:21

E sàngè yààìm nyinie wèè ka woò mìàŋ è naiŋ yɔkpɔ̀ wèè eiŋ nyɛ̀nɛ̀ŋ maŋ keì mààŋ mɛɛ̀ŋ! Sèè àŋ ɓɛ̀nɛ̀ŋ kɛ̀ɛ̀ maŋ nyòngà, miàŋ pɛɛ kà ɓɛnɛ̀ŋ, kɛɛ è yaà e zùwo wèè wo nyùùŋ woiŋ nyɛ̀nɛ̀ŋ.

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

2 Kɔliìŋ 13:2

Mìŋ manaŋ ka wòò nyɛ̀iŋ nyàŋ naŋ wa nyɛ̀nɛ̀ŋ maŋ jùumù e gɔuo sùà nyaŋ, yèè anyuùŋ gbànaŋ nyàŋ gbiŋ, kàiŋ woò è guùŋ e hnàaŋ dìà è tìyèe mɛ̀ sùà ko nɛ̀ɛ̀ŋ niìŋ, kɛɛ mìŋ yààìŋ ɓɛìŋ wòo sùà nààŋ miŋ fòò yɛi le, e hnàaàŋ mìŋ do nàŋ hnè lɛ wo nyùùŋ gbiŋ naàŋ fòlò è ngàìnɓuɛ̀ dìì.