2 Kɔliìŋ 10:13 - WƆŊ FƐ̀Ì EBÒ SÌÀŊ DAYÀA

¹³ E wèè yàwi, e ɗewe gbiŋ, maŋ nyongà kɛ̀ɛ wi màŋ fè gɛ̀ɛ̀ kò dìa titi miŋ niìŋ, màŋ do nàŋ dìè koɓɛ̀ e tòmo wilɛ̀ wo Dayà naŋ wi kiɛ̀ŋ lɛ, yèè e tòmo bi naŋ kpùlìè e tòmo wilɛ̀ e tɛɛiŋ.

2 Kɔliìŋ 10:13 ပူးပေါင်းရင်းမြစ်များ

Maafiù 25:15

Wò naŋ wa kìɛ̀ŋ wo bà guùŋ gbiŋ e nɛɛnɛŋ jika, nààŋ wò naŋ wa nyìmè e ɗèwè e nɛ̀ŋ nyɛ̀nɛŋ kiiuŋ nɛ̀ lɛ. Wò naŋ kìɛ̀ŋ wò guùŋ e pàtaà tààsùùŋ nɔɔnɔŋ (5,000), wò naŋ ɓɛìŋ kìɛ̀ŋ wò guùŋ e pàtaà tààsùùŋ tìyèe (2,000), yèè wò naŋ kìɛ̀ŋ wò guùŋ e pàtaà tààsùùŋ guùŋ (1,000). Kpeiŋ wò naŋ kɔ̀ wɔŋ fuɔŋ joo bà sùà.

Luùm 10:18

Kɛɛ tɔ̀ miŋ dawè weè, è ɓɛ̀nɛ̀ŋ nɔ̀ŋ tɔɔɓaa kɛ̀, anyùùŋ Ezɔ̀ɛ̀ nyaŋ kòò àŋ kòmò wa kè miè gbìaàŋ? Tɔɔɓaa àŋ nyiŋ wa kòmàŋ. Wɔŋ fɛ̀ì Dayàa naŋ woò wààŋ, “Ke miè gbìaàŋ naŋ wa nɔ̀ŋ wòo nyiŋ koɓɛ̀ anyùùŋ fuɔŋ nyàŋ gbiŋ e ɗuunyaàŋ diɛŋ. Maŋ mìè gbòa nyiŋ màŋ naŋ wa hàì ko dìà e dììɛ gbiŋ e ɗuunyaàŋ.”

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

Luùm 12:6

Wo Dayà naŋ ɓɛìŋ kìɛ̀ŋ yàwi nààŋ bà guùŋ gbiŋ maŋ kìɛŋ gbàgbà, wèè eiŋ miŋ toomò. Sèè mààŋ e kìɛŋ mɔ̀ɛ̀ nàŋ yaà wèè maŋ gbòà ke mìè Dayàa, è kuwa eiŋ niŋ nyɛ̀nɛ̀ŋ màànààŋ e hààwe wilɛ̀ yaà lɛ.

Luùm 15:20

E ɗèwe mɛ̀ nàŋ yaà e teenga gbiŋ, wèè ka wòò Ebò Siaàŋ koɓɛ̀i yèi anyùùŋ kòò àŋ kòmò wa è kèè Jisɛ̀ Kulaì lɛ. Mìŋ yaà mààŋ wo nyuùŋ nyɛ̀lɛ, wo yèɔ manàŋ wèè wo nyɛ̀lɛ̀ è sààŋ mìì nyùùŋ bà diɛŋ.

1 Kɔliìŋ 12:11

Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

Ɛfesɔ̀ 4:7

Wo Jisɛ̀ Kulaì naŋ gòònò maŋ keì sìàŋ titiuŋ màŋ ko nɛ̀ɛ̀ŋ wiì.

1Pììlɛ 4:10

Wo ɓɔìjɔ̀àa yɛ̀mɛ̀ manɛ̀ŋ kìɛ̀ŋ Dayà maŋ diɛŋ wɔ̀, maŋ kìɛŋ titi maŋ wò naŋ gè Dayà sìwè maŋ sɔɔ̀ wo miŋ toomò wèè e tɛ̀ɛ̀tɛ̀ɛ̀ koɓɛ̀ anyuùŋ hààwe dàwiuŋ nyàŋ.