2 Kɔliìŋ 10:1 - WƆŊ FƐ̀Ì EBÒ SÌÀŊ DAYÀA

¹ Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 10:1 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Maafiù 21:5

“Wòoìŋ anyùùŋ nyaŋ ko jawa gbee Zanyɔ̀ŋ nààŋ, ‘Yɛ̀mɛìŋ, wo kanaiŋ nɔɔ̀ŋ kòò wò yaà hìnìè ko nɛ̀ɛ̀iŋ niìŋ. Wò naŋ dèèyè wuŋ bi yèè wò jaa wo sòo bɔwɔ jɔa diɛŋ wo jɔ̀à ɗòsòo.’ ”

Nyɛ̀nɛ̀ŋ 8:32

Kià naŋ yaà wa koɓɛ̀i wo kenàaŋ yaà wa kpinie wɔŋ fɛ̀ì Dayàa sùà lɛ, “Wò yaà mààŋ wo ɓaawaa wo yèɔ àŋ yaà kòasùà wèè auŋ jìwà, ɔ̀ɔ̀ mààŋ wo ɓaawaa bɔwɔ gò ɓɛ̀nɛ̀ŋ gòla sèè àŋ nɔ̀ùŋ hɛ̀nɛŋ sùà maŋ duum ko fɛ̀ɛ̀fèìŋ wo nyuùŋ kɛ̀ɛ̀uŋ nɔɔ̀ŋ. Yèè wo gò wa gbòà.

Luùm 10:20

Wo wɛ̀ijìɔ Àzaayà naŋ wa gbùùyè ke jii nyingè sùà, nààŋ wò naŋ wa woò wààŋ, “Wo Kanaà Dayà wààŋ, ‘Anyùùŋ nyaŋ fèìm wa kaame nyàŋ, nyiŋ naim mɛɛ̀ŋ, Anyùùŋ nyaŋ fè wa dààwè kiim nyàŋ, nyiŋ mìŋ naŋ wa fòlò feìŋ.’ ”

Luùm 12:1

Nyɛ̀iŋ nààŋ wùìyaim nyàŋ, wo Dayà naŋ wi tɔ̀ɔ̀ ke nyowo gbee e ɗewe kii zimgbe sùà. Weètii mìŋ yààìŋ pɔɔwɔ e tɔ̀ɔ̀nyaàŋ sùà, wèè naŋ kìɛ̀ŋ maŋ kpùnaiŋ màŋ ko nɛ̀ɛ̀uŋ niìŋ e sàà gè nɛɛmaŋ yèè wɔŋ nyiiŋ gèe sùà. Sìaìŋ ke di wèè niŋ tòmo weèuŋ e kìlà e fɔɔyɛ̀uŋ jii. Tɛɛ̀ nàŋ yaà e zòòlo kɛnɛɛ̀ wèè naŋ kiɛ̀ŋ.

Luùm 15:15

Wɔŋ fɛi wɛɛ̀ŋ sùà, kà gbòà janjai yèè kà kàmè ɗewe wèè ka dè maŋ jiiŋ màŋ koɓɛ̀ maŋ keì titi bà. Mìŋ naŋ tɛɛ̀ nyɛ̀nɛ̀ŋ esàɓù e keì sìàaŋ wo Dayà naim kiɛ̀ŋ lɛ.

1 Kɔliìŋ 2:3

Kpeiŋ nààŋ mìŋ naŋ hnè ko nɛ̀ɛ̀iŋ niìŋ, e kɔɔ mɛ̀ naŋ nɔ̀ŋ sùà ɓèèlɛ̀ɛ̀ è jele kpàkpà wèè e jùù,

1 Kɔliìŋ 4:10

Esàɓù Jisɛ̀ Kulaì sùà, è yààìŋ anyuùŋ zùwo, kɛɛ nìŋ gongà kɛ̀ nìŋ naŋ kɛ̀ɛ̀jii nààŋ nìŋ yaà aŋ bàiŋbà Jisɛ̀ Kulaì sùà lɛ. È naiŋ yɔkpɔ̀, kɛɛ nìŋ gongà kɛ̀ nìŋ yaà e gààŋ. Àŋ naŋ wi kɔ̀ɔ̀yɛ̀ fɛ̀ɛ̀ sùà, kɛɛ nìŋ gongà kɛ̀ àŋ kiɛ̀ìŋ e ɓɛ̀ɛ̀jàa.

1 Kɔliìŋ 4:21

Kòòiŋ nìŋ manaŋ? Sèè mìŋ nɔ̀ŋ hinie miŋ hiàŋ ke sele ko diɛiŋ, ɔ̀ɔ̀ wo jìnàŋ mànaŋ yaà ke jii siaŋ?

2 Kɔliìŋ 10:10

Wo nyùuŋ bà do nàŋ woò wààŋ, “Maŋ fɛ̀ì sìngà Pɔɔ̀ maŋ màŋ yaà ke haaŋ, yèè màŋ naŋ nyìngè sùà, kɛɛ sèè e kpùnuŋ nɛ̀ wuŋ bi wò nɔ̀ŋ wì e tɛɛ, wò naŋ yɔkpɔ̀, yèè maŋ mìè gbòauŋ màŋ fè nɛ̀ŋ bà gbiŋ sùà.”

2 Kɔliìŋ 10:2

Mìŋ yààìŋ dàwe sùà wèè niŋ goim nàŋ jɛ̀ì è gbèìŋ wèè kaiŋ fè keì nyìnga sèè mìŋ hnàŋ, mìŋ kiɛ̀ŋ anyùùŋ keì nyìnga, aŋ yè nyaŋ woà nyààŋ è nyɛ̀nɛ̀ìŋ nɔŋ mààŋ anyùùŋ nyaŋ maŋ kèìŋ maŋ sùà nyaŋ.

2 Kɔliìŋ 10:7

Yɛ̀mɛìŋ maŋ keì kààŋ kii màŋ yàà wì fɛɛ̀feìŋ maŋ. Sèè wo nyùùŋ gbiŋ naŋ gongò kɛ̀ wò tùlìè wo Jisɛ̀ Kulaì jii, wo nyɛ̀nɛ̀ŋ wuŋ bi nyìmàŋ kɛ̀ nààŋ nɔŋ wò naŋ tùlìè Jisɛ̀ Kulaì ke jii, yɛi nɔŋ yàwi pɛɛ è yaà.

2 Kɔliìŋ 11:21

E sàngè yààìm nyinie wèè ka woò mìàŋ è naiŋ yɔkpɔ̀ wèè eiŋ nyɛ̀nɛ̀ŋ maŋ keì mààŋ mɛɛ̀ŋ! Sèè àŋ ɓɛ̀nɛ̀ŋ kɛ̀ɛ̀ maŋ nyòngà, miàŋ pɛɛ kà ɓɛnɛ̀ŋ, kɛɛ è yaà e zùwo wèè wo nyùùŋ woiŋ nyɛ̀nɛ̀ŋ.

2 Kɔliìŋ 11:30

Sèè mìŋ nɔ̀ŋ wo nyùùŋ wèè ka kɛ̀ɛ̀ maŋ nyòngà, mìŋ do nàŋ kɛ̀ɛ̀ maŋ nyòngà e nyaàiŋ dè maŋ keì maŋ tɔɔ̀ e ɗeweɛ̀ mìŋ yaà e zɔ̀kpɔ̀ lɛ.

2 Kɔliìŋ 12:5

E wèètii, mìŋ do nàŋ kɛ̀ɛ̀ maŋ nyòngà e wèè felaa wɛɛ̀ kɛɛ miŋ naàŋ kɛ̀ɛ̀ màŋ nyòngà è wèè miàŋ bi, sɔɔ̀ nɔŋ maŋ keì maŋ tɔɔ̀ e yɔ̀kpɔ̀ kii mɛ̀ maŋ.

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

2 Kɔliìŋ 7:4

Mìŋ kùwàìŋ ke jii tùlia gbee sùà, yèè mìŋ kuwa e ɓɛ̀ɛ̀jàa gbee weèiŋ. E kìlà ke di naim diè, yèè kpùlìà maŋ keì nyìnga wi màŋ gbiŋ sùà, mìŋ naŋ dìè, ke jii nyingè yèè e zɔlɔ̀ zimgbe yaà jii miɛ̀ŋ.

Gàla 4:13

Nìŋ naŋ jàà jii nààŋ mìŋ naŋ wa dàànè ke mìè gbìàŋ Ebò Sìàaŋ ko nɛ̀ɛ̀ŋ niìŋ e teenga jiɛ̀jiɛ̀ɛ lɛ̀, esaɓù nàŋ yaà kɛ̀ mìŋ yaà wa siinyɛŋ e kɔɔ mɛ̀ sùà.

Gàla 5:2

Jàaìŋ maŋ nùŋ dìì! Miàim Pɔɔ̀, mìŋ yààìŋ wòò sùà kɛ̀ sèè nyɛiŋ bi naŋ nyimèè wèè aiŋ jàà kpùa, è do nàŋ tɔɔ̀ kɛ̀ wo Jisɛ̀ Kulaì fè è nɛ̀ŋ kɛnɛ bà gbiŋ kò nɛ̀ɛ̀iŋ niìŋ.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Fèle 4:5

Tɔ̀ɔ̀ ke kpèè ɓɛ̀ɛ̀jàa koɓɛ̀ anyùùŋ nyaŋ e teenga gbiŋ. Wo Kanaà kòò wò yaà hinie e teenga kpuu sùà.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

2Tɛsè 3:17

Wɔŋ kùàŋ miàŋ biɔ̀ naŋ tɛɛ̀ sìngè. E zùùmo e yìwìà miàim Pɔɔ̀ sìwè, e ɗeweɛ̀ lɛɛ̀ mìŋ tie wɔŋ fɛi gbiŋ kùàŋ jɛwɛ, yɛi mìŋ singe.

Felemɔ̀ŋ - PHM 1:19

E yìwìà wɔŋ kùàŋ miàŋ biɔ̀ mìŋ yaà tɛɛ̀ singie ko nɛ̀ɛ̀iŋ niìŋ kɛ̀, miàim Pɔɔ̀, mìŋ do niŋ nàŋ paawà ko nɛ̀ɛ̀ŋ muìŋ. Kɛɛ mùŋ kùwàìm e kpàŋ wɔŋ nyiiŋ gèe jɛi mɔɔ̀ŋ esàɓù wo Jisɛ̀ Kulaì sùà.

Felemɔ̀ŋ - PHM 1:9

Kɛɛ mìŋ yààùm dàwe sùà wèè maŋ niŋ nyɛ̀nɛ̀ŋ esàɓù e mànaŋ. Hɛ̀ɛɛ̀ŋ, jòòpɛɛ miàŋ nàŋ yaà Pɔɔ̀ wo nyuùŋ kɔ̀à ke miè gbìàaŋ e kìlà mìŋ yaà wo nyùùŋ màŋ keì wèè wo Jisɛ̀ Kulaì.

1Pììlɛ 2:11

Nyɛ̀iŋ nààŋ dàwiim nyàŋ, nààŋ nìŋ yaà anyùùŋ fuɔŋ joo yèè aŋ nyùnèènyɛiŋ e ɗuunyaŋ lɛɛ̀ sùà lɛ, mìŋ yààìŋ pɔ̀wɔ sùà, ɓɔ̀ nìŋ gbɛ̀ɛ̀ mànɛ̀ŋ mànàŋ màŋ kèìŋ maŋ yè maŋ kuwìà wɔŋ nyììŋ jinàiŋ nɔɔ̀ŋ kè gùuŋ e teenga gbiŋ sùà lɛ.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.