2 Kɔliìŋ 1:8 - WƆŊ FƐ̀Ì EBÒ SÌÀŊ DAYÀA

⁸ Nyɛ̀iŋ nààŋ wùìya wi nyàŋ, è manaŋ wèè e dè maŋ jiiiŋ màŋ, koɓɛ̀ e keì nyìngaà è naŋ kùwò maŋ kpàlàùŋ kpàlàùŋ Eesìà maŋ sùà lɛ. E keì nyìngaà naŋ wi hnè diɛŋ lɛ̀, è naŋ dɛɛ̀ yèè è naŋ wi mùŋgò diɛŋ e jèèsùà e bɔ̀mɔ̀ŋ nyiiŋ gèe e wi wùìyà.

2 Kɔliìŋ 1:8 ပူးပေါင်းရင်းမြစ်များ

Nyɛ̀nɛ̀ŋ 16:6

Wo Pɔɔ̀ yèè aŋ dàwiuŋ nyàŋ naŋ kɔ̀ɛ̀ maŋ kpàlàùŋ kpàlàùŋ Fɛgìà maŋ yèè Gàlatìà maŋ sùà, nààŋ wo Jìnàŋ Nɛɛmaàŋ gò wa nyimèè wèè aŋ gbòà kè mìè Dayàa wɔ̀ŋ fùɔ̀ŋ Eesìàa sùà.

Nyɛ̀nɛ̀ŋ 19:41

Nààŋ wò naŋ tɛɛ̀ kpɛ̀ɛ̀yɛ̀ wòo, wò naŋ wòò anyùùŋ nyaŋ wèè aŋ ka.

Nyɛ̀nɛ̀ŋ 2:9

Tiŋ zà yàwi nààŋ bà nyiŋ è yààìŋ anyùùŋ wɔŋ fùɔ̀ŋ Paatìàa, wɔŋ fùɔ̀ŋ Miɗiàa, wɔŋ fùɔ̀ŋ Ilamɔ̀ɔŋ, wɔŋ fùɔ̀ŋ Mɛsèpòtamiɔ̀ɔ, wɔŋ fùɔ̀ŋ Jùdiàa, wɔŋ fùɔ̀ŋ Kàpàdosìàa, wɔŋ fùɔ̀ŋ Pɔuŋtɔ̀ɔ yèè wɔŋ fùɔ̀ŋ Eesìàa,

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

1 Kɔliìŋ 15:32

Kiìŋ nàŋ yaà e jìwà jɛ̀wɛ̀ mɛ̀ wèè anyìlì ɓie sùmiaŋ ko Ɛfesɔ̀? Kɛ sèè wo Dayà gò wa weè gè ànyuùŋ fàa nyàŋ è fàa dìì, kɛ̀ màànààŋ nɔŋ àŋ woà lɛ, “Tɔ̀ e jèiŋ nɛ̀ŋ, yèè e tìàiŋ nɛ̀ŋ saɓù kɛ̀ nàwèè è doiŋ nàŋ fɔ̀.”

1 Kɔliìŋ 16:9

Wɔŋ gbèmgbèè e tòmo gbee kià yilè, e yèɛ yaà tɛ̀ɛ̀ wèè ka nyɛ̀nɛ̀ŋ lɛ, jòòpɛɛ aŋ jooim nyàŋ naŋ gàŋ.

1 Kɔliìŋ 4:8

Kò nìŋ kuwa naàŋ e nɛ̀ɛŋ gbiŋ nìŋ manaŋ lɛ̀? Nàŋ naàŋ banè tɛ? Nàŋ naàŋ nɔ̀ŋ aŋ kana, jòòpɛɛ yàwi kòò è nɔ̀ìŋ yɛi? E ɗewe gbiŋ, è manaŋ weè nɔŋ naŋ nɔ̀ŋ aŋ kana wèè kɛ̀ yàwi pɛɛ eiŋ nɔ̀ŋ aŋ kana yàwi nààŋ gbiŋ koɓɛ̀ guùŋ.

2 Kɔliìŋ 1:9

È naŋ wa naàŋ nɔŋ gongò kɛ̀ àŋ wi naàŋ kpɛ̀ɛ̀yɛ̀ gè nyààŋ diɛŋ wèè e fà. Kɛɛ tɛɛ̀ naŋ kaaìŋ wèè e go nàŋ tùlìè yàwi bi jii, sɔɔ̀ Dayà wo yèɔ gè e fàaà dìì wɔ.

2 Kɔliìŋ 6:9

Mààŋ anyùùŋ nyimààŋ wì, kɛɛ anyùùŋ nyaŋ gbiŋ àŋ wi nyìmàŋ. È yaà mààŋ èiŋ fà, kɛɛ nààŋ nìŋ yɛmɛ̀ lɛ è yààìŋ wɔŋ nyiiŋ gèeɔ̀ sùà. Jòòpɛɛ àŋ ngainɓù wì, kɛɛ aŋ fè wi jìwà.