2 Kɔliìŋ 1:18 - WƆŊ FƐ̀Ì EBÒ SÌÀŊ DAYÀA

¹⁸ Màànààŋ nɔŋ wo Dayà gbaì tɔ̀ɔ̀nyaàŋ lɛ, e ɗààhiì mɛ̀ ko nɛ̀ɛ̀iŋ niìŋ fè wa kè “Hɛ̀ɛɛ̀ŋ” yèè kè “Kpele.”

2 Kɔliìŋ 1:18 ပူးပေါင်းရင်းမြစ်များ

Jɔ̀ɔŋ 7:28

Nààŋ wo Jisɛ̀ yaà wa kàà sùà anyùùŋ nyaŋ ko Saaŋ Zòòlò Dayài, wò naŋ gbòò ke miè gbee sùà yèè wò naŋ woò wààŋ, “Nàŋ gongò kɛ̀ nàim kaikpɔ nyìmàŋ yèè nàŋ nyìmàŋ kɛ̀ kòò mìŋ yewe? Miŋ gò hnàŋ è gààŋ miàŋ biɛ̀ sùà! Wo nyùnɔ̀ɔŋ naim tùɔ̀ŋ wɔ wò yaà wo nyùùŋ tɔ̀ɔ̀nyaàŋ, yèè niŋ nyimààuŋ.

Jɔ̀ɔŋ 8:26

Mìŋ kuwa e zimgbe niŋ wèè ka weè woò wèè kaiŋ jèè e keì, kɛɛ miŋ naàŋ tii woò. Nààŋ wo yèɔ naim tùɔ̀ŋ wɔ wò yaà e tɔ̀ɔ̀nyaàŋ, yèè mìŋ woàìŋ nyɛ̀iŋ nààŋ anyùùŋ nyaŋ e ɗuunyaŋ lɛɛ̀ e yèɛ mìŋ naŋ kòmò lɛ e yìwìà wo yèɔ naim tùɔ̀ŋ wɔ sìwè.”

1 Kɔliìŋ 1:9

Wo Dayà yaà wo nyuùŋ tùlìà jii, wo Dayàa naiŋ nyààŋ wèè naŋ nɔ̀ŋ ke gbòò anyuùŋ hààwe nyàŋ sùà nyɛ̀iŋ nààŋ Jɔ̀àuŋ nɔɔ̀ŋ Jisɛ̀ Kulaì wo Kana wiɔ̀ wɔ.

2 Kɔliìŋ 1:23

Wo Dayà nàŋ yaà seì miɔ̀ŋ, wò nyìmàŋ ke jii miɛ̀ŋ! Mìŋ naŋ ɗewè wèè ɓɔ̀ mìŋ ka kò Kɔliìŋ esaɓù kɛ̀ mìŋ manaŋ wèè kaiŋ gè fɛ̀ɛ̀ diɛŋ.

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 6:8

Àŋ joowà wì, e kìlà aŋ wi pɔ̀ɔ̀ɓɛ̀ɛ. Àŋ diɛ̀ŋ wì e kìlà aŋ wi tɛnɛ̀ŋ. Àŋ nyɛ̀nɛ̀ŋ wì mààŋ anyuùŋ tòa, kɛɛ è gbaì tɔ̀ɔ̀nyaàŋ.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.

Maŋ kèì nyɛɛnɛŋ 3:14

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè anyuùŋ hààwe nyàŋ ko Làòdisià. “Ke miè gbìaàŋ kɛɛ̀ e yìwìà wo yèɔ àŋ nyaaŋ Àmiinàaŋ, wo nyuùŋ hààweɔ̀ yèè wo sèì tɔ̀ɔ̀nyaàaŋ, wo yèɔ yaà ko tɔɔtuì yèè saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ wɔ̀.

Maŋ kèì nyɛɛnɛŋ 3:7

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Fèlèdɛfià. “Ke miè gbìaàŋ kɛɛ̀ e yìwìà wo yèɔ yaà nɛɛmaŋ yèè e tɔ̀ɔ̀nyaàŋ sùà wɔ. Wuŋ nàŋ kuwa e jììŋ Kanaà Dèèweɛ̀, yèè sèè wò yilà wɔŋ gbemgbee, wo nyùùŋ gbiŋ fè wuŋ yìlà, yèè sèè wò yìlè wuùŋ, wo nyùùŋ gbiŋ fè wuŋ ɓɛ̀nɛ̀ŋ yìle.