2 Kɔliìŋ 1:17 - WƆŊ FƐ̀Ì EBÒ SÌÀŊ DAYÀA

¹⁷ Nìŋ naŋ gongò kɛ̀ miŋ fè dai ɓɛ̀nɛ̀ŋ bànè kè jii miɛ̀ŋ wèè è nɛ̀ɛŋ mìŋ manaŋ ka nyɛ̀nɛ̀ŋ lɛ? Ɓàà zà mìŋ yaà mààŋ wo nyuùŋ kpùnuɔ̀ŋ woà wààŋ, “Hɛ̀ɛɛ̀ŋ,” ɔ̀ɔ̀ “Kpele, kpele” wèè wo nyɛ̀nɛ̀ŋ nyùuŋ bà jiiuŋ nɛɛ̀ŋ fà?

2 Kɔliìŋ 1:17 ပူးပေါင်းရင်းမြစ်များ

Maafiù 1:19

Wo Jòòsɛ yaà wa wo nyùùŋ tɔ̀ɔ̀nyaàŋ, yèè wèè esaɓù lɛɛ̀ wo manàŋ wa wò do sìà wò Mèèle sàngè kò ɓài. Wò naŋ wa ɗewè wèè wo dangè wo Mèèle mɔ̀ɔ̀ŋ.

Maafiù 5:37

Tɔ̀ e yèɛ nìŋ woà lɛ e nɔ̀ŋ ‘Èèè’ ɔ̀ɔ̀ ‘Kpele.’ Eɓìèmàŋjɛ̀wɛ̀ tɛɛ̀, e yèɛ gbiŋ nìŋ woà naàŋ lɛ è yewe wo Sɛ̀tanàŋ sìwè, wo Nyuùŋ Kɛ̀ɛ̀nɛ̀ŋ ke Kpèè naanààaŋ.

Jɔ̀ɔŋ 8:15

Nìŋ gbaì anyùùŋ e ɗèwè guùŋ nɛ sùà màànààŋ nɔŋ anyuùŋ gbànaŋ nyàŋ gbiŋ nyɛnɛŋ lɛ̀, kɛɛ miŋ fè gbàì wò nyùùŋ gbiŋ.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 11:18

Kɛɛ nààŋ anyuùŋ zimgbe kɛɛ maŋ nyòngà maŋ kèìŋ maŋ sùà lɛ, miàŋ pɛɛ mìŋ do nàŋ nyɛ̀nɛ̀ŋ e kèì guùŋ bi bà.

Gàla 1:16

wèè woim tɔ̀ɔ̀ wo Jɔ̀àfelaauŋ nɔɔ̀ŋ, yèè ka wòò ke mìè gbìàŋ Ebò Siauŋ nɛ̀ koɓɛ̀ anyùùŋ nyaŋ fè àŋ Juùù nyaŋ. Miŋ gò wa kà koɓɛ̀ wò nyùùŋ gbiŋ wèè kè mìè gòo.

Gàla 2:2

Kɛɛ mìŋ nao kɔ̀ esaɓù kɛ̀ wo Dayà naim wa tɔɔ̀ wèè kao ka. E dèènè titi sùà yàwiiŋ nààŋ sìèfèìŋ nyuùŋ hààwe nyàŋ, mìŋ naŋ kɛ̀ɛ̀nɛ̀ŋ ke jii gbài e nyaàìŋ dè ke mìè gbìàŋ Ebò Siaàŋ mìŋ yaà wa dàànè sùà koɓɛ̀ anyùùŋ nyaŋ fè àŋ Juùù nyaŋ lɛ̀. Miŋ manàŋ wa wèè ka nyìmàŋ tɔɔɓaa kɛ̀ e tòmoɛ̀ mìŋ naŋ wa nyɛ̀nɛ̀ŋ e gɔuo sùà lɛ, yèè e tòmò ko dòmàŋfeìŋ mɛ̀ naàŋ nɔ̀ŋ è wèè foo.

1Tɛsè 2:18

È manaŋ wa wèè eiŋ kɛ̀ɛ̀ ko nɛ̀ɛ̀iŋ niìŋ. Miàim Pɔɔ̀, mìŋ naŋ fɛ̀ɛ̀ wèè ka hnàŋ ko nɛ̀ɛ̀iŋ niìŋ è nìàŋ sùà guùŋ pɛɛ, kɛɛ wo Sɛ̀tanàŋ gò nyimèè.

Jìiiŋ 5:12

Tii gbiŋ sùà, nyɛ̀iŋ nààŋ wùìyaim nyàŋ, sèè nìŋ ɓemàŋ e ɗààhiì wèè naŋ nyɛ̀nɛ̀ŋ e nɛ̀ŋ bà wèè nyùùŋ. Ɓɔ̀ nìŋ gboonò è dèè àìjɛnɛ̀ɛŋ diɛŋ ɔ̀ɔ̀ è dèè ɗuunyaàŋ diɛŋ ɔ̀ɔ̀ è dèè nɛ̀ŋ bà gbiŋ diɛŋ. Sèè nìŋ, nyimààŋ nààŋ “èèè” e nɔ̀ŋ èèè, sèè nìŋ woà nààŋ “Kpele” e nɔ̀ŋ kpele, kɛ̀ wo Dayà naìŋ gbààè è keì.