2 Kɔliìŋ 1:15 - WƆŊ FƐ̀Ì EBÒ SÌÀŊ DAYÀA

¹⁵ Tɛɛ̀ mìŋ naŋ tùlìè jii kpeiŋ yèè e ɗèwe jiɛ̀jiɛ̀ mɛ̀ naŋ nɔ̀ŋ wèè kaiŋ hìàŋ a jààme, wèè niŋ yɛmɛ̀ e kèì sìàŋ sùà tìyèe.

2 Kɔliìŋ 1:15 ပူးပေါင်းရင်းမြစ်များ

Maafiù 1:19

Wo Jòòsɛ yaà wa wo nyùùŋ tɔ̀ɔ̀nyaàŋ, yèè wèè esaɓù lɛɛ̀ wo manàŋ wa wò do sìà wò Mèèle sàngè kò ɓài. Wò naŋ wa ɗewè wèè wo dangè wo Mèèle mɔ̀ɔ̀ŋ.

Luùm 1:11

Mìŋ yaà e wùànàŋ sùà wèè kaiŋ yɛmɛ̀ e kìlà wèè kaiŋ kìɛ̀ŋ e kìɛɛ̀ŋ wo Jìnàŋ Dayàa naim kiɛ̀ŋ lɛ, wèè e hààweiŋ nɛ̀ e nyìngàà sùà.

Luùm 15:29

Sèè mìŋ haì ko nɛ̀ɛ̀iŋ niìŋ ko Luùm, kà nyìmàŋ mìŋ doiŋ nàŋ hìɛ̀ŋ e kpùùmaàŋ gbiŋ e yìwìà Kulaì sìwè.

1 Kɔliìŋ 11:34

Sèè e jìè nɔ̀ŋ nyùùŋ gbiŋ jènɛ̀ŋ ko gboo moo, wèè wo Dayà goiŋ nàŋ gbaì nààŋ nìŋ deenàŋ kòɓɛ̀ guùŋ lɛ. Wèè maŋ keì gbànaŋ màŋ, mìŋ do miŋ nàŋ banebànè sèè mìŋ hnàŋ.

1 Kɔliìŋ 16:7

Mìŋ manaŋ wèè kaiŋ yɛmɛ̀ e nìàŋ wèè kaiŋ nɔŋ yɛmɛ̀ vàò nɔŋ ka mààŋ. Mìŋ yaà yɛ̀ɛ̀mɛ̀ ko dòmàŋ feìŋ wèè ka nɔ̀ŋ ko nɛ̀ɛ̀ŋ niìŋ wèè e teenga bà, sèè wo Kanaà nyimààŋ.

1 Kɔliìŋ 4:19

Sèè wo Dayà nyimààŋ, ɗewe gbiŋ, mìŋ do nàŋ zùmò hnàaŋ ko nɛ̀ɛ̀iŋ niìŋ kpeiŋ ka nyɛ̀nɛ̀ŋ maŋ nɔnɔŋ tùaŋ wèè miàŋ bi, nyaàiŋ dè e gààaŋ anyuùŋ maŋ nyòngà nyɛɛ̀ŋ kuwa lɛ̀, e fè nɔŋ è nɛ̀ɛŋ àŋ woà lɛ.

2 Kɔliìŋ 12:14

E dìà taaà lɛɛ̀ naàŋ mìŋ yaà e bànèbaneim wèè ka hnàŋ kaiŋ jaamè, yèè miŋ naìŋ dawè wèè è nɛ̀ŋ gbiŋ. Nyɛ̀iŋ bi mìŋ manaŋ, e fè è nɛɛnɛiŋ nɛ̀. Aŋ jɔ̀à nyaŋ nààŋ kuwà wèè aŋ kàmè è nɛ̀ŋ kìɛ̀ŋ ànyuùŋ kòmaŋ nyiŋ nyàŋ, kɛɛ anyuùŋ kòmaŋ nyàŋ nàŋ kuwa wèè aŋ kàmè e nɛ̀ŋ kìɛ̀ŋ aŋ jɔ̀à nyiŋ nyàŋ.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.