1Time 6:6 - WƆŊ FƐ̀Ì EBÒ SÌÀŊ DAYÀA

⁶ E hààwe wilɛ̀ nyɛnɛŋ wèè eiŋ banè zimgbe, sèè ke jii fà wì wèè e yèɛ è kùwaiŋ lɛ.

1Time 6:6 ပူးပေါင်းရင်းမြစ်များ

Luù 12:15

Wo Jisɛ̀ naŋ ɓɛìŋ wòò e faaàŋ wààŋ, “Yɛ̀mɛìŋ nyiŋ bi diɛŋ wèè niŋ go nàŋ nyɛ̀nɛ̀ŋ e wànàŋ manɛ̀ŋ maŋ gbiŋ. Esaɓù kɛ̀ e bàne zimgbe kɛ̀ɛ̀nɛŋ nàŋ naàŋ jòèyè wɔ̀ŋ nyiiŋ mɔɔ̀ŋ. Miŋ gò kpɛɛ̀ŋ kɛ̀ diè mùŋ naŋ banè.”

Luù 3:14

Aŋ kààlòòɗùà nyaŋ bà nyiŋ nauŋ dawè nyààŋ, “Yàwi pɛɛ zà, kiìŋ è kuwa wèè eiŋ nyɛ̀nɛ̀ŋ?” Wo Jɔ̀ɔŋ naŋ nyiŋ woò wààŋ, “Ɓɔ̀ nìŋ gè wò nyùùŋ gbiŋ è nɛɛnɛŋ sìwè màŋ gàangàaŋ ɔ̀ɔ̀ ɓɔ̀ nìŋ gbùwà wò nyùùŋ gbiŋ è keì ɓòù è ɗì. Ke jii fàiŋ wèè e yèɛ àŋ paawàìŋ lɛ.”

Luùm 8:28

Wo Dayà tomàŋ wèè e tɛ̀ɛ̀tɛ̀ɛ̀ anyùùŋ nyaŋ mànauŋ nyaŋ. Nyiŋ nàŋ yaà anyùùŋ nyaŋ wo Dayà naŋ nyààŋ wèè aŋ nyɛ̀nɛ̀ŋ e yèɛ wò manaŋ lɛ̀.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

Fèle 1:21

Kiìŋ nàŋ yaà wɔŋ nyiiŋ gèe? Sèè è nɔ̀ŋ wèè miàŋ, wo Jisɛ̀ Kulaì nàŋ yaà wɔŋ nyiiŋ gèeɔ̀. Yèè sèè ka fà, mìŋ do ngèè nàŋ yɛ̀mɛ̀ e tɛ̀ɛ̀tɛ̀ɛ̀ zimgbe.

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.

1Time 6:8

Kpeiŋ sèè è naiŋ kɛ̀ɛ̀nɛ̀ŋ e nɛ̀ŋje yaà maŋ dèè, tii e nɔ̀ŋ tɛ̀ɛ̀ e weè wi.

Hiɓu 13:5

Ɓɔ̀ nìŋ nɔ̀ŋ ànyuùŋ mànàŋ nɛɛnɛŋ zimgbe. Kɛ̀ɛ̀nɛìŋ ke jii fàa wèè e yèɛ nìŋ kuwa lɛ̀. Wo Dayà naŋ woò wààŋ, “Miŋ naàum wa nàwèè jòò, e kìlà miŋ naàum wa nàwèè gììyè kɛ̀ɛ.”