1Time 6:4 - WƆŊ FƐ̀Ì EBÒ SÌÀŊ DAYÀA

⁴ wo nyùùŋ mààŋ wii tɔɔ̀ wuŋ bi e dɛ̀ɛ̀kɛ sùà, yèè wo nyimààŋ è nɛ̀ŋ gbiŋ. Wò yaà ngèè siinyɛŋ ke jiikɛ̀ɛuŋ nɛɛ̀ŋ sùà, yèè e gòngò maŋhɛɛ gèe yaà e nyaàŋ tàaŋ e nyaàiŋ dè maŋ mìè gbòa màŋ yè maŋ hiàŋ e koo, e tɛɛ gòòno, e ɓɛ̀ɛ̀pɔ̀ɔ, yèè maŋ keì naanààŋ,

1Time 6:4 ပူးပေါင်းရင်းမြစ်များ

Nyɛ̀nɛ̀ŋ 15:2

E keì bi naŋ wa hìɛ̀ŋ e nyaàntàaŋ wo Pɔɔ̀ yèè wo Bànaŋɓà fèemàŋ. Kpeiŋ àŋ naŋ wa tà wo Pɔɔ̀ yèè wo Bànaŋɓà ɗùù e kpùlìà anyùùŋ bà e yìwìà ko Aŋtiɔ̀ wèè aŋ ka ko Jùlusɛ̀làm aŋ kiɛ̀ŋ ke jii gbài koɓɛ̀ aŋ keela nyàŋ yèè aŋ màmànkùmɛ̀ŋ anyuùŋ hààwe nyàŋ e nyaàiŋ dè e keì lɛɛ̀.

Nyɛ̀nɛ̀ŋ 18:15

Kɛɛ sèè è nɔ̀ŋ e kèì maŋhɛɛ ge e nyaàiŋ dè e nɛ̀ɛŋ wo nyùùŋ bà naŋ woò lɛ yèè maŋ dèè anyùùŋ bà, yèè e làngì maŋ sàwàiŋ màŋ, kɛ̀ nyɛ̀iŋ bi bàneìŋ niŋ sùà. Miŋ naàŋ nɔ̀ŋ wò nyuùŋ gbài wèè màŋ keì mààŋ mɛɛ̀ŋ.”

Nyɛ̀nɛ̀ŋ 8:9

Wo felaa bà heo wa joo àŋ nyaaŋ wo Saimɔ̀ŋ, wo yèɔ wèè e teenga bà wò hewa nyɛ̀nɛ̀ŋ maŋ keì gbeegbèè ekɔìɗòlò sùà e yèɛ hewa fòònò anyùùŋ nyaŋ gbiŋ ko Sàmilià. Wò naŋ wa kɛ̀ɛ̀ maŋ yòngà kɛ̀ wò yaà wo nyuùŋ kɛ̀ɛ̀nɛ̀ŋ e gaàŋ gbee,

Luùm 12:16

Nɔ̀ŋ wo nyuùŋ mɔ̀ɔ̀nɔŋ koɓɛ̀ anyùùŋ nyaŋ gbiŋ. Ɓɔ̀ mùŋ ɓemè muàŋ bi gbee yèè ɓɔ̀ mùŋ gongò kɛ̀ màŋ nyìmàŋ e nɛ̀ŋ e nìàŋ anyuùŋ gbànaŋ nyàŋ. Dèèyeè muàŋ bi koɓɛ̀ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

1 Kɔliìŋ 11:16

Yɛi nɔŋ maŋ gbòò anyuùŋ hààwe nyàŋ gbiŋ ke gbòò Dayàa sùà nyɛnɛŋ. Yèè esaɓùɛ lɛɛ̀ wo nyùùŋ bà gbiŋ ɓɔ̀ wò gè màŋhɛɛ wèè è yèɛ mìŋ naŋ woò lɛ.

1 Kɔliìŋ 11:18

E jiɛ̀jiɛ̀ɛ nàŋ yaà, àim woò kɛ̀ ke gbòò anyuùŋ hààwe nyàŋ sùà, maŋ gboò sùmìàŋ fèemàŋ màŋ yaà e dèèneiŋ nɛ̀ sùà, yèè kà haawè kɛ̀ tɛɛ̀, e bàiŋ yaà e tɔɔɓaa.

1 Kɔliìŋ 3:18

Ɓɔ̀ nìŋ zuwò nyɛ̀iŋ bi. Sèè wo nyùùŋ gbiŋ naŋ gongò kɛ̀ wò naŋ kɛ̀ɛ̀jii maŋ kèì ɗuunyaŋ mɛɛ̀ŋ sùà, kɛ̀ sɔɔ̀ maŋ nyɛ̀nɛ̀ŋ zùwo wèè maŋ kɛ̀ɛ̀nɛ̀ŋ kɛ̀ɛ̀jii.

1 Kɔliìŋ 3:3

esaɓù kɛ̀ kòò nìŋ yaà nɔŋ maŋ kpèè anyùùŋ ɗuunyaŋ nyàŋ màŋ maŋjɛ̀wɛ. Sèè e koo gèe yèè e nyaàŋ tàaŋ nɔ̀ìŋ e fèemàŋ, tɛɛ̀ fè tɔɔ̀ kɛ̀ kòò nìŋ yaà nɔŋ è tɔ̀ɔ̀màŋsèì anyùùŋ ɗuunyaŋ nyàŋ maŋ màŋjɛ̀wɛ?

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

Gàla 5:15

Kɛɛ sèè naŋ nɔ̀ŋ sùmiaŋ sùà e fèemàŋ mààŋ aŋ yìlì ɓìè, sɔɔ̀ naŋ yɛ̀mɛ̀ nyɛiŋ bi diɛŋ, sèè è go yɛi nɔ̀ŋ, nìŋ do nàŋ pɔ̀ɔ̀pɔ̀ɔ̀ nyɛ̀iŋ bi.

Gàla 5:26

Ɓɔ̀ è nɔ̀ìŋ ànyuùŋ ɓììne, ɔ̀ɔ̀ eiŋ nɔ̀ŋ gììyà sùà anyuùŋ joo e koo sèè è nɔ̀ìŋ wòò sùà wìàà è yààìŋ tɛ̀ɛ̀ e nyiŋ nìàŋ.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

Fèle 1:15

Anyùùŋ nyaŋ bà nyiŋ yaà gbùùyè ke mìè Dayàa e nyaàiŋ dè wo Jisɛ̀ Kulaì, esaɓù kɛ̀ àŋ giiyà wì koo yèè àŋ nyinìàŋ wì nyaàtàaŋ. Aŋ bà nyiŋ gboo ke mìè Dayàa esaɓù kɛ̀ àŋ manaŋ aŋ kìɛ̀ŋ kpùùmaŋ.

Fèle 2:14

Ɓɔ̀ nìŋ gulià ɗìòsùà ɔ̀ɔ̀ nàŋ kpàànè kpàànè è fèemàŋ wèè è yèɛ gbiŋ nìŋ do nàŋ nyɛ̀nɛ̀ŋ lɛ,

Fèle 2:3

Ɓɔ̀ nìŋ gè lè koo ɔ̀ɔ̀ naŋ ɓèmè nyɛ̀iŋ bi gbee. Dèèyeìŋ nyɛ̀iŋ bi yèè niŋ ɓemè aŋ wùìyaiŋ nyàŋ aŋ nɔ̀ŋ anyùùŋ sɛmɛmaŋ e nìàŋ nyɛ̀iŋ bi.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

2Tɛsè 2:4

Wò do nàŋ gììyè manɛ̀ŋ maŋ gbiŋ àŋ naŋ nyààŋ dayà ɔ̀ɔ̀ manɛ̀ŋ maŋ gbiŋ àŋ naŋ zoolà maŋ maŋhɛɛ, wò do nàŋ nyɛ̀nɛ̀ŋ mààŋ wò kuwa e gààŋ maŋ gbiŋ diɛŋ. Wò do ngèè pɛɛ nàŋ kɔ̀ ko Saaŋ Zòòlò Dayài wo woò wààŋ wuŋ nàŋ yaà wo Dayà.

1Time 1:4

Wòò nyiŋ aŋ hɔanè pɔ̀ɔ̀ e teenga nyiŋ nɛ̀ maŋ kàɓanè gò kùwìè jiikɛ̀ɛ màŋjɛ̀wɛ, e kìlà aŋ dangè maŋ dèè aŋ nèwàènèwe gò kɛ̀ɛ̀nɛ̀ŋ dìa nyiŋ màŋ sìnga, maŋ yè maŋ hiàŋ e nyaàŋ kpàànè kpaane anyùùŋ e fèemàŋ. Maŋ fè tòòmò è ɗèwè Dayàa, è yèɛ nyaàiŋ naŋ dè è hààwe lɛ̀.

1Time 1:7

Àŋ manaŋ wèè aŋ nɔ̀ŋ aŋ kààmɔɔŋ wèè ke sàwà Dayàa. Kɛɛ aŋ fè jàà màŋ mìè gbòa nyiiŋ bi màŋ jii, ɔ̀ɔ̀ maŋ keì maŋ àŋ woà maŋ, jòòpɛɛ àŋ gongà kɛ̀ àŋ yaà wòò maŋ keì bi.

1Time 3:6

Wo sìèfeìŋ wo nɔ̀ŋ wo nyuùŋ kàmaiŋ e hààweɛ̀ sùà, e kìlà ɓɔ̀ wò kɛɛnɛ̀ŋ kè jii gbee, yèè e keì ɓɔ̀ è jeèuŋ è gbài sùà, màànààŋ wo Dɛwìɔ yaà wa lɛ̀.

2Time 2:14

Dè maŋ jìì anyunùum nyàŋ koɓɛ̀ e keì wòo lɛɛ̀, yèè muŋ kiɛ̀ŋ nyiŋ e gòo nyìngàà sùà ko fɛ̀ɛ̀fèìŋ Dayài, wèè ɓɔ̀ àŋ sumiàŋ màŋ mìè gbòa. E nàfa bà gbiŋ fè miìŋ sùà, sɔɔ̀ nɔŋ maŋ pɔ̀ɔ̀pɔ̀ɔ̀ anyùùŋ nyaŋ kumiàŋ miìŋ nyaŋ.

2Time 2:23

Kɛɛ gè kùàŋ maŋhɛɛ gèe zùwo gò kùwìè jiikɛ̀ɛ maŋ kùàŋ sùà. Màŋ nyìmàŋ kɛ̀ ko jèè ɗì miŋ niìŋ è yaà e nyaàŋ tàaŋ.

2Time 3:4

Àŋ do nàŋ nɔ̀ŋ anyùùŋ kàaɓì, anyuùŋ gììyà keì kɛ̀ɛ̀ɛ, yèè aŋ ɓèmè nyiŋ bi gbee, e kìlà àŋ do nàŋ kɛ̀ɛ̀nɛ̀ŋ e mànàŋ gbana e nìàŋ e mànàŋ Dayàa.

Taitɔ̀ 3:9

Ɓɔ̀ mùŋ gbìàŋ kùàŋ màŋ hɛ̀ɛ̀ gè zùwo sùà è nyaàiŋ dè àŋ nèwàènèwe nyàŋ, yèè ɓɔ̀ mùŋ gbɛ̀ɛ̀ màŋhɛ̀ɛ̀ gè nyaàtàaŋ wèè màŋ Sàwà Mòòze màŋ è kɔɔ. Maŋhɛɛ gèe mààŋ miiŋ, màŋ yaà maŋhɛɛ gèe foofòò e jiikɛ̀ɛ fè miìŋ sùà.

Jìiiŋ 1:19

Nyɛ̀iŋ nààŋ wùìya mànaim nyàŋ, nyìmaìŋ tɛɛ̀! Tɔ̀ wo nyùùŋ gbiŋ nɔ̀ŋ fiò wèè wo kòmàŋ maŋ kàìŋ, kɛɛ ɓɔ̀ wò gbòà fiò. Ɓɔ̀ wò tuù fiò.

2Pììlɛ 2:12

Aŋ kààmɔ̀ɔ̀ŋ tòa nyɛɛ̀ŋ yaà mààŋ aŋ yìlì ɓie gò kùwìè jiikɛ̀ɛ. Aŋ fè jàà keì jii. Àŋ kòmò nyiìŋ nɔ̀ŋ wèè anyuùŋ kpùuŋ aŋ nyiŋ jìwà. Àŋ fè maŋ mìè ɓɛ̀ɛ̀pɔ̀ɔ koɓɛ̀ e keì gbiŋ e yèɛ aŋ nyimààŋ keì bà wèè nyaàiŋ dè keì bi lɛ̀. Kɛɛ maŋ kpèè nàànààŋ nyiŋ bi màŋ do nyiŋ nàŋ jìwè.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

Juù 1:10

Kɛɛ anyùùŋ nyɛɛ̀ŋ àŋ diɛ̀ŋ e nɛ̀ŋ gbiŋ e yèɛ fè nyiŋ dìkà jiikɛ̀ɛ lɛ̀, e kpùlìà manɛ̀ŋ maŋ àŋ kuwa jiikɛ̀ɛ weè miŋ màŋ, àŋ yaà mààŋ aŋ yìlì, yèè manɛ̀ŋ guùŋ miiŋ nàŋ jìwè nyiìŋ.

Juù 1:16

Anyùùŋ nyɛɛ̀ŋ gboo naanààŋ wèè nyùùŋ yèè àŋ sie nyùùŋ jii, àŋ kuwa nɔŋ e gòngò nàànààŋ nyiŋ bi lɛ̀ maŋjɛ̀wɛ, àŋ kɛɛ maŋ nyòngà nyaàiŋ dè nyiŋ bi, àŋ nyaaŋ nyààŋ aŋ bà wèè kàìsa aŋ yɛmɛ̀ ke dòmàŋ e wùmaŋ nyiŋ.

Maŋ kèì nyɛɛnɛŋ 3:17

Mùŋ woà mààŋ, ‘Mìŋ naŋ banè yèè mìŋ yaà tɛ̀ɛ̀, mìŋ kuwa e nɛ̀ɛŋ gbiŋ mìŋ naŋ kpɛɛ̀ŋ weè niŋ lɛ̀.’ Kɛɛ muŋ nyimààŋ è ɗeweɛ̀ ke jii mɔ̀ɔ̀nɛŋ naum wòòyè fùùŋ e kìlà mùŋ naŋ tɛɛwɛ̀ wèè aum tɔ̀ɔ̀ ke nyowo lɛ̀. Mùŋ yaà wo nyuùŋ kɛ̀ɛ̀o sìwè, ke kpanja, yèè wo nyuùŋ zììlè fɛ̀ɛ̀.