1Time 6:21 - WƆŊ FƐ̀Ì EBÒ SÌÀŊ DAYÀA

²¹ Anyùùŋ nyaŋ bà nyiŋ woà nyààŋ àŋ kuwa jiikɛ̀ɛ yɛ̀, yèè e jìwààjɛ̀wɛ̀ɛ naŋ nɔ̀ŋ kɛ̀ àŋ naŋ fè e hààwe nyiŋ nɛ̀ jɛwɛ. Tɔ̀ wo Dayà kiɛ̀ŋ nyɛ̀iŋ gbiŋ e tɛ̀ɛ̀tɛ̀ɛ̀.

1Time 6:21 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luùm 1:7

Weètii mìŋ naŋ sìngè wɔŋ fɛi wɛɛ̀ŋ koɓɛ̀ nyɛ̀iŋ nààŋ nyùùŋ nɛɛmaŋ nyàŋ gbiŋ ko Luùm. Wo Dayà mànàìŋ e kìlà wòiŋ tàeɗùù wèè naŋ nɔ̀ŋ anyùùŋ wuŋ bi. Tɔ̀ wo Dayà Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

Luùm 16:20

Wo Dayà, wo yèɔ kiɛ̀ŋ ke jii fàa wɔ̀, do nàŋ jìwè wo Sɛ̀tanàŋ e teenga kpuu sùà, e kìlà woiŋ wuŋ hòà ko gòlòò dìì. Mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ.

Luùm 16:23

Wo Gayɔ̀, wo yèɔ naim jàà kùàŋ dìì wèè ka nɔ̀ŋ ko gboouŋ noo wɔ̀, ko yèi ke gbòò anyuùŋ hààwe nyàŋ deenàŋ wèè zòòlo lɛ̀, naiŋ tùɔ̀ŋ zùùmo. Aŋ wùìya wi nyàŋ tèènè mààŋ wo Ɛlesitù, wo nyùnɔ̀ɔŋ banàŋ e nɛɛnɛɛ̀ŋ hàa wèè ko jawa gbeeì wɔ, yèè wo Kɔatù, nyiŋ pɛɛ naiŋ tùɔ̀ŋ zùùmo.

Kòlo 4:18

Wɔŋ kùàŋ miàŋ biɔ̀ naŋ tɛɛ̀ sìngè. E zùùmo e yìwìà miàim Pɔɔ̀ sìwè. Ɓɔ̀ nìŋ nyɛɛnɛ̀ŋ kɛ̀ kòò mìŋ yaà nɔŋ maŋ jɔ̀ɔɔ ko sààŋ nyìwìi. Mìŋ zoolà wèè wo Dayà wo nɔ̀ŋ tɛ̀ɛ̀ ko nɛ̀ɛ̀iŋ niìŋ.

1Time 1:19

yèè jèèe e hààwe mɔ̀ɛ̀ sùà e kìlà muŋ kɛɛnɛ̀ŋ e gòngò siaŋ. Ànyùùŋ nyaŋ bà nyiŋ kòò àŋ kùmìè e gòngo siaŋ nyiŋ nɛ̀ yèè àŋ nyɛ̀nɛ̀ŋ maŋ hààwe nyiŋ màŋ pɔɔpɔ̀ɔ̀.

1Time 1:6

Anyùùŋ nyaŋ bà nyiŋ àŋ fè maŋ keì kɛnɛ mɛ̀ɛ̀ŋ jɛwɛ, yèè aŋ bà nyiŋ àŋ dè e keì kpàna maŋjɛ̀wɛ wèè foo.

1Time 6:10

E gùlòɛ wèè keì naanààŋ gɛ̀wɛɛ̀ zimgbe nàŋ yaà e wùànàŋ nɛɛnɛŋ keekèè. Anyùùŋ nyaŋ bà nyiŋ fɔɔnɔ̀ŋ e wùànàŋ nɛɛnɛŋ aŋ kɛ̀ɛ̀ e hààweɛ̀ maŋjɛ̀wɛ, yèè àŋ fè nyiŋ bi maŋ jii mɔ̀ɔ̀nɛ̀ŋ zimgbe.

2Time 2:18

Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

2Time 4:22

Wo Kanaà Jisɛ̀ yɛmɛ̀um diɛŋ. Tɔ̀ e tɛ̀ɛ̀tɛ̀ɛ̀ Dayàa nɔ̀ŋ nyɛ̀ìŋ gbiŋ maŋjɛ̀wɛ.

Taitɔ̀ 3:15

Anyùùŋ nyaŋ gbiŋ kùwàìm maŋjɛ̀wɛ nyàŋ naiŋ tùɔ̀ŋ zùùmo. Zùùmoò aŋ dàwi wi nyàŋ mànàŋ wì e hààweɛ̀ sùà nyaŋ. Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ nyiŋ gbiŋ diɛŋ.

Hiɓu 13:25

Mìŋ zoolà wèè wo Dayà wo nɔ̀ŋ tɛ̀ɛ̀ ko nɛ̀ɛ̀iŋ niìŋ.