1Time 6:20 - WƆŊ FƐ̀Ì EBÒ SÌÀŊ DAYÀA

²⁰ Timetè, yɛ̀mɛ̀ e yèɛ gbiŋ wo Dayà naum tùlìè jii yèè wò naŋ muiŋ kiɛ̀ŋ lɛ diɛŋ. Gè kùàŋ maŋ mìè gbòà ɓɛ̀ɛ̀pɔ̀ɔ sùà, yaà maŋ nyaàŋ tàaŋ zùwo, maŋ yè maŋ anyuùŋ zimgbe e tòaà sùà àŋ nyààŋ “ke jiikɛ̀ɛ lɛ̀.”

1Time 6:20 ပူးပေါင်းရင်းမြစ်များ

Nyɛ̀nɛ̀ŋ 16:1

Wo Pɔɔ̀ yèè wo Silà naŋ kɛ̀ɛ̀ maŋjɛ̀wɛ ko Dɛɓì yèè ko Lesità. Kuŋ àŋ naŋ wa mɛ̀ɛ̀ŋ wo nyùùŋ màŋjɛ̀wɛ̀ɔ bà guùŋ àŋ nyaaŋ wo Timetè. Wo yèyeuŋ nɔɔ̀ŋ wuŋ pɛɛ yaà wa wo nyuùŋ hààwe, kɛɛ wò yaà wa wo Juùù nyuuŋ, yèè wo dèdauŋ nɔɔ̀ŋ yaà wa wo Guliì nyuuŋ.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 17:21

Eɓìèmàŋjɛ̀wɛ̀ e keì ɗewe gbiŋ, aŋ jɔ̀à kùmìàŋ ko Atɛ̀ìŋ nyaŋ yèè aŋ nyùùnèènyɛiŋ nyàŋ joào nyàŋ manaŋ e keì jɛ̀ì kòmaŋ yèè aŋ wòò kii niŋ.

Luùm 1:22

Àŋ naŋ woò nyààŋ àŋ kuwa jiikɛ̀ɛ, kɛɛ àŋ naŋ zùwò nyiŋ bi.

Luùm 3:2

È kuwa e nàfa weè wi maŋ dòmaŋ nyaaŋ zimgbe! E sìèfeìŋ jiɛ̀jiɛ̀ɛ nàŋ yaà, è do wi nàŋ nafà esaɓù kɛ̀ wo Dayà kuwa wa ke jii tùlia aŋ Juùù nyaŋ sùà yèè wò naŋ nyiŋ kìɛ̀ŋ ke miè gbìauŋ nɛɛ̀ŋ.

1 Kɔliìŋ 2:6

Yɛi nɔŋ è yaà mìŋ woà ke mìè gbìàŋ jiikɛ̀ɛ koɓɛ̀ anyùùŋ nyaŋ naŋ kamàìŋ wo Jinàaŋ sùà nyaŋ. Kɛɛ e fè è jììkɛ̀ɛ̀ ɗuunyaŋ lɛɛ̀ ɔ̀ɔ̀ anyùùŋ gbèègbèè maŋ gààŋ maŋ yaà e ɗuunyaàŋ lɛɛ̀ diɛŋ lɛ̀, aŋ yè nyaŋ do nàŋ zùmò fàa nyàŋ.

1 Kɔliìŋ 3:19

E nɛ̀ɛŋ e ɗuunyaŋ lɛɛ̀ naŋ jàà kùàŋ dìì wèè e nɔ̀ŋ e jiikɛ̀ɛ lɛ̀, è yaà e ɓàaɓàa ko fɛ̀ɛ̀fèìŋ Dayài. Nààŋ wɔŋ fɛ̀ì Dayàa naŋ woò lɛ, “Wo Dayà kuwìà wo nyuùŋ kɛ̀ɛ̀jiiɔ̀ ke gbaù e jiikɛ̀ɛ̀uŋ nɛ̀ sùà”,

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

2Tɛsè 1:4

Weètii yàwi bi è woà kiiŋ maŋ gbòò anyuùŋ hààwe nyàŋ sùà maŋ sààŋ Dayà maŋ dìì. È woà e kiiŋ e nyaàiŋ dè e ɗeweɛ̀ nìŋ yaà kɔ̀ɔ̀yɛ̀ feìŋ e kìlà nìŋ naŋ haawè jòòpɛɛ àŋ jààìŋ maŋ keì e ɗì yèè nìŋ kɔ̀à maŋ mɔ̀ɔ̀nɛŋ zimgbe bà dìì lɛ.

2Tɛsè 2:15

E wèètii nyɛ̀iŋ nààŋ wùìya wi nyàŋ, nyìngaìŋ sùà niŋ kùwìè e tɔ̀ɔ̀nyaàŋ è naiŋ woò ke mìè Dayà gbòa wiɛ̀ sùà yèè è naŋ niŋ ɓɛìŋ sìngè wɔŋ fɛi wiɔ̀ sùà lɛ.

1Time 1:11

Ebò Siaàŋ àŋ naim wa kaà yèè àŋ naim sìè ke jii tùlia yèè e zɔlɔ̀ sùà wèè ka woò lɛ, Ebò Siaŋ bi naŋ yèwè e jòòwo yèè e tɛ̀ɛ̀tɛ̀ɛ̀ wo Dàyà gaàŋ gbeeɔ̀ sìwè.

1Time 1:2

Mìàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàŋ Timetèi, wo jɔ̀àfelaa kɛnɛ miɔ̀ŋ, e hààweɛ̀ sùà. Tɔ̀ wo Dayà wo Dèda wiɔ̀ yaà Kanaà Jisɛ̀ Kulaì wo Kana wiɔ̀, kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

1Time 1:4

Wòò nyiŋ aŋ hɔanè pɔ̀ɔ̀ e teenga nyiŋ nɛ̀ maŋ kàɓanè gò kùwìè jiikɛ̀ɛ màŋjɛ̀wɛ, e kìlà aŋ dangè maŋ dèè aŋ nèwàènèwe gò kɛ̀ɛ̀nɛ̀ŋ dìa nyiŋ màŋ sìnga, maŋ yè maŋ hiàŋ e nyaàŋ kpàànè kpaane anyùùŋ e fèemàŋ. Maŋ fè tòòmò è ɗèwè Dayàa, è yèɛ nyaàiŋ naŋ dè è hààwe lɛ̀.

1Time 1:6

Anyùùŋ nyaŋ bà nyiŋ àŋ fè maŋ keì kɛnɛ mɛ̀ɛ̀ŋ jɛwɛ, yèè aŋ bà nyiŋ àŋ dè e keì kpàna maŋjɛ̀wɛ wèè foo.

1Time 1:9

Nyìmaìŋ tɔɔɓaa kɛ̀, maŋ sàwà gò wa nɔ̀ŋ bàne miŋ wèè ànyùùŋ tɔ̀ɔ̀nyaàŋ nyaŋ, kɛɛ màŋ yaà wa wèè anyuùŋ gò nɔ̀ŋ màŋ sàwà dìì nyaŋ, yèè anyuùŋ nyɛ̀nɛ̀ŋ maŋ kpèè naanààŋ nyaŋ, e kpùlìà anyuùŋ gò nyìmàŋ Dayà nyaŋ, yaà anyùùŋ maŋ jùumù nyaŋ. Màŋ yaà wa wèè anyùùŋ nyaŋ gboo maŋ mìè gbòà ɓɛ̀ɛ̀pɔ̀ɔ nyàŋ, yèè anyuùŋ jìwà nyùùŋ, aŋ yè nyaŋ kàìŋ nyaŋ pɛɛ àŋ jiwe aŋ dèda nyiŋ nyaŋ yaà aŋ yèye nyiŋ nyaŋ lɛ,

1Time 4:7

Kɛɛ ke nyɛ̀nɛŋ mɔɛ̀ŋ ɓɔ̀ kè nɔ̀ŋ màŋ mìè gbòa gò kɛ̀ɛ̀nɛ̀ŋ ɓɛ̀ɛ̀jàa koɓɛ̀ Dayài yaà màŋ kàɓanè gò kùwìè jiikɛ̀ɛ, maŋ yè maŋ gò tɛ̀ɛ̀wɛ̀ wòo màŋ. Kɛɛ ke nyɛ̀nɛɛ̀ŋ wɔŋ nyiiŋ gèe mɔɔ̀ŋ sùà ke nɔŋ ke yèɛ fɔɔyɛ̀ wo Dayà jii yɛ̀.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

1Time 6:14

wèè naŋ jɔ̀ɔ̀lɔ̀ maŋ mìè gbòa mɛɛ̀ŋ dìì, yèè maŋ miŋ sìà e hààwe zɛ̀nɛŋ gò kɛ̀ɛ̀nɛ̀ŋ è tɔ̀mɛ sùà, e jèèsùà ke Ɗɔɔɛ̀ wo kana wiɔ̀ Jisɛ̀ Kulaì do nàŋ hnè yɛ.

2Time 2:1

Muàŋ, jɔ̀àfelaa miɔ̀ŋ Timetè, nyìngà sùà e yìwìà e tɛ̀ɛ̀tɛ̀ɛ̀ è kànàìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 2:16

Gè kùàŋ maŋ mìè gbòà ɓɛ̀ɛ̀pɔ̀ɔ, yèè maŋ dì ɓùlà ɓàaɓàa sùà, maŋ yè maŋ nyɛnɛŋ anyùùŋ fè gbɛ̀ɛ̀ Dayà lɛ.

Taitɔ̀ 1:14

yèè ɓɔ̀ nìŋ jàà màŋ kàɓànè fòò àŋ Juùù nyaŋ yaà màŋ sàwà nyuùŋkpùuŋ kùàŋ dìì. Maŋ keì bi yewe anyùùŋ nyaŋ naŋ gè e tɔ̀ɔ̀nyaàaŋ kùàŋ dìì nyaŋ sìwè.

Taitɔ̀ 1:4

Mìŋ yaà sìngìè ko nɛ̀ɛ̀ŋ muìŋ, Taitɔ̀, wo jɔ̀à tɔ̀ɔ̀nyaàŋ miɔ̀ŋ è kuwa e hààwè guùŋ wɔ̀. Tɔ̀ wo Dayà yaà wo Jisɛ̀ Kulaì wo Nyuùŋ Jòèye wiɔ̀ kiɛ̀iŋ ke jii fàa yaà e tɛ̀ɛ̀tɛ̀ɛ̀.

Taitɔ̀ 1:9

Wo kùwà ke mìè gbìàŋ tɔ̀ɔ̀nyaàŋ wò naŋ gbeè yɛ kpaŋ, ke yèɛ ke jii tùlia yaà sùà lɛ. Wèè e kàà kii siaŋ sìàuŋ nɛ̀ e fè anyùùŋ jii nyingè, e kìlà e dè anyùùŋ nyaŋ gbiŋ giiyà ke mìè gbìaàŋ maŋhɛɛ nyàŋ ke dòmaŋ diɛŋ.

Taitɔ̀ 3:9

Ɓɔ̀ mùŋ gbìàŋ kùàŋ màŋ hɛ̀ɛ̀ gè zùwo sùà è nyaàiŋ dè àŋ nèwàènèwe nyàŋ, yèè ɓɔ̀ mùŋ gbɛ̀ɛ̀ màŋhɛ̀ɛ̀ gè nyaàtàaŋ wèè màŋ Sàwà Mòòze màŋ è kɔɔ. Maŋhɛɛ gèe mààŋ miiŋ, màŋ yaà maŋhɛɛ gèe foofòò e jiikɛ̀ɛ fè miìŋ sùà.

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.