1Time 6:16 - WƆŊ FƐ̀Ì EBÒ SÌÀŊ DAYÀA

¹⁶ Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

1Time 6:16 ပူးပေါင်းရင်းမြစ်များ

Jɔ̀ɔŋ 1:18

Wo nyuùŋkpùuŋ bà gbiŋ kòò wò yɛ̀mɛ̀ wa wò Dayà. Wo nyùnɔ̀ɔŋ nɔŋ nauŋ yɛmɛ̀ wɔ wuŋ nàŋ yaà wo Jɔ̀àfèlàà gunɔ̀ɔŋ wo yèɔ nauŋ gbɛ̀ɛ̀ e kɔɔ fɔ̀ɔ̀ yèè wò naŋ wi tɔ̀ɔ̀ e ɗeweɛ̀ wo Dayà yaà lɛ.

Jɔ̀ɔŋ 14:9

Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’?

Jɔ̀ɔŋ 6:46

Wo nyùnɔ̀ɔŋ nɔŋ naŋ yɛ̀mɛ̀ wo Dayà wɔ nàŋ yaà wo yèɔ naŋ yìwìè ko nɛ̀ɛ̀uŋ niìŋ wɔ. Kɛɛ wo nyùùŋ bà gbiŋ kòò wò yɛ̀mɛ̀ wa wò Dèdaà.

Jɔ̀ɔŋ 8:58

Wo Jisɛ̀ naŋ nyiŋ woò wààŋ, “Mìŋ yààìŋ wòo sùà e tɔɔɓaaà kɛ̀, wèè paŋ aŋ kòmàŋ wa wo Eɓulɔhɛɛ̀ŋ, mìŋ yaào wa, yèè kòò miŋ yaà.”

Fèle 4:20

Tɔ̀ e jòòwo nɔ̀ŋ koɓɛ̀ Dayài wo Dèda wiɔ̀ wèè julɔfɔ yèè julɔfɔ! Àmiinàŋ.

Kòlo 1:15

Wo Jisɛ̀ Kulaì nàŋ yaà wo yèɔ naŋ tèènè wo Dayàa e fèiŋ yɛmɛ̀ wɔ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ, wo yèɔ kuwa gààŋ manɛ̀ŋ bànè Dayà maŋ gbiŋ diɛŋ wɔ̀.

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

Hiɓu 13:8

Wo Jisɛ̀ Kulaì fè vɔɔnɔ̀ŋ julɔfɔ. Wuŋ nàŋ yaà wo Jìsɛ̀ gunɔ̀ɔŋ jɛ̀ɛ̀, nàaŋ ɗɔɔ yɛɛ̀, yèè julɔfɔ.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

1Jɔ̀ɔŋ 1:5

Ke miè gbìaàŋ è naiŋ kòmò wo Jisɛ̀ naŋ wi woò lɛ nàŋ yaà e yèɛ è yààìŋ woo lɛ̀ kɛ̀, wo Dayà yaà e gbolòùŋ, yèè ke nyìwì bà gbiŋ fòuŋ sùà.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

1Jɔ̀ɔŋ 4:12

Nààŋ gbà wo nyùùŋ gbiŋ kòò yɛ̀mɛ̀ wa wò Dayà, kɛɛ sèè è naiŋ mɔ̀nɔ̀ŋ aŋ dàwi wi nyàŋ, wo Dayà do wi nàŋ nɔ̀ŋ maŋjɛ̀wɛ, yèè tɔɔɓaa e mànauŋ nɛ̀ yaà maŋ jii wi màŋ sùà.

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.

Maŋ kèì nyɛɛnɛŋ 1:6

e kìlà wò naŋ wi nyɛ̀nɛ̀ŋ aŋ kana, wèè eiŋ zòòlò Dayà wo Dèdauŋ nɔɔ̀ŋ mààŋ aŋ sìèfèìŋ zòòlo. E jòòwo yèè e gààŋ nɔ̀ŋ koɓɛ̀ wo Jisɛ̀ Kulaìi wèè julɔfɔ yèè julɔfɔ! Àmiinàŋ.

Maŋ kèì nyɛɛnɛŋ 1:8

Wo Kanaà Dàyà Gaàŋ Gbeeɔ̀ wààŋ, “Miàŋ nàŋ yaà wo nyuùŋ jiɛ̀jiɛ̀ɔ yèè wo dìàmaàŋ, wo yèɔ yaà wɔŋ nyiiŋ gèeɔ̀ sùà nàaŋ, e kìlà wò yaào wa gɔu, yèè wo yèɔ do nàŋ hnè wɔ.”

Maŋ kèì nyɛɛnɛŋ 21:3

Mìŋ naŋ kòmò ke mìè kpàaŋ e yìwìà koɓɛ̀ ke kpùà kanaà kè naŋ woò wààŋ, “Ke vààyà Dayàa do nàŋ nɔ̀ŋ koɓɛ̀ anyunùuŋ nyàŋ! Wò do nàŋ nɔ̀ŋ ko nɛ̀ɛ̀ŋ nyiŋ niìŋ, yèè àŋ do nàŋ nɔ̀ŋ anyunùuŋ nyàŋ. Wo Dayà wuŋ bi do nyiŋ nàŋ nɔ̀ŋ e tɛɛ, yèè wuŋ nàŋ do nàŋ nɔ̀ŋ wo Dayà nyiŋ nɔɔ̀ŋ.

Maŋ kèì nyɛɛnɛŋ 22:5

E dùùm gbiŋ nào wa nàwèè ɓɛìŋ kùwò, e kìlà aŋ naàŋ ɓɛìŋ nyɛ̀nɛ̀ŋ è wànàŋ è laumpò ɔ̀ɔ̀ è gbòlòùŋ gɔɛɛ̀, esaɓù kɛ̀ wo Kanaà Dayà nàŋ do nàŋ nɔ̀ŋ e gbolòùŋ nyiŋ nɛ̀. Wuŋ yaà wo Ɓaawaaà do nàŋ nɔ̀ŋ aŋ kana wèè julɔfɔ yèè julɔfɔ.

Maŋ kèì nyɛɛnɛŋ 4:11

“Wo Kana wiɔ̀ yèè wo Dayà wiɔ̀! Mùŋ yaà tɛ̀ɛ̀ wèè maŋ yɛ̀mɛ̀ jòòwo, e ɓɛ̀ɛ̀jàa, yèè e gààŋ. Muàŋ naŋ bànè manɛ̀ŋ maŋ gbiŋ, yèè e yìwìà e mànaŋ mɔ̀ɛ̀ sùà manɛ̀ŋ maŋ gbiŋ naŋ wa nɔ̀ŋ wɔŋ nyiiŋ gèeɔ̀ sùà.”

Maŋ kèì nyɛɛnɛŋ 7:12

Àŋ yaà wa woo nyààŋ, “Àmiinàŋ! E tɛ̀nɛŋ, e jòòwo, e jiikɛ̀ɛ, ke sɛ̀ gèe, e ɓɛ̀ɛ̀jàa, e gààŋ, yaà e gaàŋ gbee nɔ̀ŋ koɓɛ̀ wo Dayà wiɔ̀ julɔfɔ yèè julɔfɔ! Àmiinàŋ!”