1Time 6:13 - WƆŊ FƐ̀Ì EBÒ SÌÀŊ DAYÀA

¹³ Ko fɛ̀ɛ̀fèìŋ Dayài, wo yèɔ kiɛ̀ŋ wɔŋ nyiiŋ gèe koɓɛ̀ manɛ̀ŋ maŋ gbiŋ wɔ̀, yèè ko fɛ̀ɛ̀fèìŋ Jisɛ̀ Kulaì, wo yeɔ̀ naŋ fè ke mìè seì janjai ko fɛ̀ɛ̀fèìŋ Pɔuŋtiɔ̀ Paalèi e nyààìŋ dè e hààweuŋ nɛ̀ wɔ, mìŋ yààùm wòò sùà

1Time 6:13 ပူးပေါင်းရင်းမြစ်များ

Maafiù 27:11

Wo Jisɛ̀ naŋ sìè wo kànà anyùùŋ ko Luùm nyaŋ ko fɛɛ̀feìŋ yèè wo Paalè nauŋ dawè wààŋ, “Muàŋ nàŋ yaà wo kànà aŋ Juùù nyaŋ?” Wo Jisɛ̀ naŋ fasàì wààŋ, “Nyɛ̀iŋ naŋ yɛi woò.”

Maafiù 27:2

Àŋ naŋ sìè wo Jisɛ̀ maŋ jɔ̀ɔɔ, auŋ koà, yèè àŋ nauŋ tùlìè wo Paalè, wo kànà anyùùŋ ko Luùm nyaŋ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Jɔ̀ɔŋ 5:26

Màànààŋ nɔŋ wo Dèdaà wuŋ bi nàŋ yaà ko tɔ̀ɔ̀tù wɔŋ nyiiŋ gèeɔ̀ lɛ, e ɗèwè guùŋ bi sùà wò naŋ nyɛ̀nɛ̀ŋ miàim wo Jɔ̀àfelaauŋ nɔɔ̀ŋ naŋ nɔ̀ŋ ko tɔ̀ɔ̀tù wɔŋ nyiiŋ gèeɔ̀.

Nyɛ̀nɛ̀ŋ 17:25

Wo kuwà è wànàŋ nɛ̀ŋ gbiŋ e yìwìà wò nyùùŋ gbiŋ sìwè. Wò nyɛnɛŋ anyùùŋ nyaŋ gbiŋ aŋ nɔ̀ŋ wɔŋ nyiiŋ gèeo sùà yèè aŋ gè nyiiŋ, wò kiɛ̀ŋ nyiìŋ manɛ̀ŋ maŋ gbiŋ àŋ manaŋ màŋ.

2 Kɔliìŋ 9:13

Esàɓù e tɔ̀ɔ̀màŋseìɛ e tòmo kiiiŋ nɛɛ̀ e tòmò Dayàa sùà è yaà hìaŋ sùà lɛ, anyuùŋ zimgbe do nàŋ kìɛ̀ŋ wo Dayà e ɓɛ̀ɛ̀jàa, yèè e tɛ̀nɛŋ, wèè e jɔ̀ɔ̀lɔiŋ nɛ̀ koɓɛ̀ ke mìè gbìàŋ Ebò Sìàŋ Jisɛ̀ Kulaìɛ, ke yèɛ nìŋ naŋ nyimèè yɛ, yèè wèè e nɛ̀ŋ gè kùàiŋ nɛ̀ nìŋ goonàŋ naŋ nyiŋ kiɛ̀ŋ ke gbòò anyuùŋ hààwe nyàŋ e kpùlìà anyuùŋ gbànaŋ nyàŋ gbiŋ lɛ.

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

1Time 1:12

Mìŋ naŋ gèe wo Kana wiɔ̀ Jisɛ̀ Kulaì ke sɛ̀, wo yèɔ naim kìɛ̀ŋ e gààŋ wèè ka nyɛ̀nɛ̀ŋ e tòmo mɛ̀ wɔ. Mìŋ nauŋ gè ke sɛ̀ wèè wò naìm jàà kùàŋ dìì wèè ka nɔ̀ŋ wo nyuùŋ hààwe, yèè wò naìm tàeɗùù wèè ka tomo e weèuŋ,

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

1Time 2:5

Wo Dayà yaà nɔŋ wo guùŋ, yèè wo nyùùŋ guùŋ nɔŋ nàŋ sia e fèèmàŋ wo Dayà yaà anyuùŋ kpùuŋ, wo nyùùŋ bi nàŋ yaà wo Jisɛ̀ Kulaì,

1Time 5:21

Ko fɛ̀ɛ̀fèìŋ Dayài yèè wo Jisɛ̀ Kulaì yaà aŋ màìkà nɛɛmaŋ tàeɗùù nyaŋ, mìŋ yààìŋ dàwe sùà wèè naŋ jɔ̀ɔ̀lɔ̀ maŋ keì wòo mɛɛ̀ŋ dìì e yèɛ fè hìàŋ è nyànge wèè è nɛ̀ɛ̀ŋ mùŋ naŋ nyɛ̀nɛ̀ŋ lɛ.

1Time 6:12

Nyììneè sùà muŋ dùàŋ e dùàŋ hààweɛ̀ sùà, wèè muŋ kɛɛnɛ̀ŋ wɔŋ nyiiŋ gèe gò jùàa, wɔŋ yèɔ wo Dayà naum wa nyààŋ wèè woum kiɛ̀ŋ nààŋ mùŋ naŋ wa fè ke mìè seì sìàŋ ko fɛ̀ɛ̀fèìŋ aŋ seì zimgbe e nyaàiŋ dè hààwe mɔ̀ɛ̀ lɛ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 21:6

Wò naŋ ɓɛìŋ woò wààŋ, “È nɔ̀ŋ nyɛ̀nɛŋ niŋ. Miàŋ nàŋ yaà jiɛ̀jiɛ̀ɔ yaà wo dìàmaàŋ, ko tɔɔtuì yèè ko jee ɗìi. Wo nyùnɔ̀ɔŋ gbiŋ ke jòòmàì yaà wɔ, mìŋ douŋ nàŋ kìɛ̀ŋ e tɔ̀ɔ̀nyaàŋ wèè wo tìà e wùìyè e yìwìà e wùìyè jɔ̀à nyiiŋ gèeɔ̀ sùà e yèɛ wo naàŋ kìɛ̀ŋ è nɛ̀ŋ gbiŋ lɛ̀.

Maŋ kèì nyɛɛnɛŋ 22:1

Wo màikàa naim tɔ̀ɔ̀ e wuiyè gbee e nyaàiŋ dè e wuiyè sengèì kùwìè nyiiŋ gèeɔ̀, e yèɛ folo ke kpùà kanaà dìì ke yèɛ wo Dayà yaà Ɓaawaaà jaà diɛŋ lɛ̀,

Maŋ kèì nyɛɛnɛŋ 3:14

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè anyuùŋ hààwe nyàŋ ko Làòdisià. “Ke miè gbìaàŋ kɛɛ̀ e yìwìà wo yèɔ àŋ nyaaŋ Àmiinàaŋ, wo nyuùŋ hààweɔ̀ yèè wo sèì tɔ̀ɔ̀nyaàaŋ, wo yèɔ yaà ko tɔɔtuì yèè saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ wɔ̀.