1Time 6:1 - WƆŊ FƐ̀Ì EBÒ SÌÀŊ DAYÀA

¹ Aŋ yè nyaŋ yaà dìkia nyiŋ e ɗo dìì nyaŋ, aŋ dɛɛkɛ̀ aŋ kana nyiŋ nyàŋ e ɓɛ̀ɛ̀jàa ɗewe gbiŋ sùà, e wèè wo nyùùŋ bà go nàŋ wòò e keì naanààŋ è dèè Dayàa diɛŋ yaà e kàa kii wilɛ̀.

1Time 6:1 ပူးပေါင်းရင်းမြစ်များ

Maafiù 11:30

Wɔŋ nɛ̀ŋfoo mùŋgaà mìŋ doiŋ nàŋ kiɛ̀ŋ wɔŋ gò nyìngà kòa, yèè wɔŋ nɛ̀ŋfooɔ̀ mìŋ doiŋ nàŋ jàà ɗì wɔŋ, wɔŋ fè mùŋgà.”

Maafiù 11:9

Wòo nìim, kiìŋ nìŋ naŋ wa kaikpɔ kɔ̀ wèè naŋ yɛmɛ? Wo wɛ̀ijì? Tɔɔɓaa wo wɛ̀ijì wo wa. Kɛɛ tɔ̀ miŋ woòiŋ kɛ̀ wò naŋ wa nìè wo wɛ̀ijì.

Luù 17:1

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Manɛ̀ŋ maŋ nyɛnɛŋ anyùùŋ aŋ sɛ̀ɛ̀ e jùumù sùà maŋ, màŋ kuwa maŋ kaaìŋ. Kɛɛ e keì nyìnga do nàŋ nɔ̀ŋ koɓɛ̀ wo nyùnɔ̀ɔŋ do nàŋ nyɛ̀nɛ̀ŋ wo nyùùŋ màŋjɛ̀wɛ̀ miɔ̀ŋ bà guùŋ wo sɛ̀ɛ̀ e jùumù sùà wɔ.

Nyɛ̀nɛ̀ŋ 10:22

Aŋ felaa nyàŋ naŋ fasàì yèè àŋ naŋ kìɛ̀ŋ mìè seì nyààŋ, “Wo nyùùŋ gbèè aŋ kààlòòɗùà nyaŋ, wo Kɔ̀nilìɔ̀ naŋ wi tùɔ̀ŋ. Wò yaà wo nyùùŋ tɔ̀ɔ̀nyaàŋ yèè wò duɔŋ Dayà. Anyùùŋ nyaŋ gbiŋ wɔŋ fùɔ̀ŋ aŋ Juùù nyaŋ sùà mànaùŋ yèè àŋ kuwa ɓɛ̀ɛ̀jàa weèuŋ. Wo màìkà Dayàa nauŋ woò kɛ̀ wo tùàŋ weèum muŋ ka ko gboouŋ noo wèè wo kòmàŋ e yèɛ mùŋ kuwa mauŋ woò lɛ.”

Nyɛ̀nɛ̀ŋ 10:7

Yèè wo màikàa naŋ kɔ̀ nààŋ wò nauŋ kpɛ̀ɛ̀yɛ̀ kɔɔ gbòa. Wo Kɔ̀nilìɔ̀ naŋ nyààŋ aŋ ɓɔìjɔ̀à tòmouŋ nyàŋ àŋ tìyèe yèè wo kààlòòɗùàuŋ nɔɔ̀ŋ bà guùŋ, wo yèɔ hewa zòòlò Dayà wɔ.

Nyɛ̀nɛ̀ŋ 15:10

Kpeiŋ, wèè kiɛ̀ŋ nìŋ manaŋ naŋ nyɛ̀nɛ̀ŋ wo Dayà wo tuù esàɓù wɔŋ nɛ̀ŋfoo mùŋgaà nìŋ yaà jàà sùà anyuùŋ hààwe nyɛɛ̀ŋ ɗì lɛ, wɔŋ yèɔ aŋ nèwàènèwe wi nyàŋ ɔ̀ɔ̀ yàwi bi fèiŋ ɓɛ̀nɛ̀ŋ kòa wɔ̀ŋ, esaɓù kɛ̀ e kuwàìŋ è gààaŋ wèè eiŋ wuŋ koà?

Luùm 2:24

Wɔŋ fɛ̀ì Dayàa naŋ woò wààŋ, “Esàɓù nyɛ̀iŋ nààŋ Juùù nyaŋ sùà, anyùùŋ nyaŋ fè àŋ Juùù nyaŋ gboo maŋ mìè ɓɛ̀ɛ̀pɔ̀ɔ koɓɛ̀ Dayài.”

1 Kɔliìŋ 10:32

Ɓɔ̀ mùŋ nyɛ̀nɛ̀ŋ wèè àŋ Juùù nyaŋ ɔ̀ɔ̀ ànyùùŋ nyaŋ fè àŋ Juùù nyaŋ ɔ̀ɔ̀ wò nyùùŋ gbiŋ kè gbòò ànyuùŋ hààwe nyàŋ sùà wèè aŋ sɛ̀ɛ̀ màŋ jùumù sùà.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

Taitɔ̀ 2:5

e kìlà aŋ nyìmàŋ e ɗèwè nyiŋ bi yɛ̀mɛ̀ diɛŋ yèè aŋ zɛ̀nɛ̀ŋ. Aŋ nɔ̀ŋ aŋ jɔ̀ùŋ maŋ kpèè siaŋ maŋ gboo nyiŋ màŋ sùà aŋ yè nyaŋ jɔɔlɔ̀ aŋ faiŋ nyiŋ nyàŋ dìì wèè wo nyùùŋ gbiŋ go nàŋ wòò keì naanààŋ è nyaàiŋ dè kè miè gbìaàŋ yewe Dayà sìwè yɛ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.