1Time 5:8 - WƆŊ FƐ̀Ì EBÒ SÌÀŊ DAYÀA

⁸ Kɛɛ sèè wo nyùùŋ gbiŋ go yɛ̀mɛ̀ ke kpoouŋ nɛɛ̀ŋ diɛŋ, ɓɔɔɓɔɔ ngèè aŋ yè nyaŋ yaà ke kpòò nyiiŋ biɛ̀ sùà nyaŋ, àŋ gììyà e hààweɛ̀ maŋhɛɛ, yèè àŋ nìàŋ anyuùŋ gò kùwìè hààwe nyàŋ.

1Time 5:8 ပူးပေါင်းရင်းမြစ်များ

Maafiù 18:17

Sèè wo nyùnɔ̀ɔŋ naŋ nyɛ̀nɛ̀ŋ e keì naanààaŋ wɔ̀ gè maŋhɛɛ wèè wo nyiŋ kumiàŋ, kɛ̀ wòò niŋ koɓɛ̀ ke gbòò anyuùŋ hààwe nyàŋ. Sèè wò gè maŋhɛɛ wèè wo kùmìàŋ ke gbòò anyuùŋ hààwe nyàŋ, kɛ̀ tùwò ko nɛ̀ɛ̀uŋ niìŋ mààŋ wo nyuùŋ gò kɛ̀ɛ̀nɛŋ hààwe ɔ̀ɔ̀ mààŋ wo nyuùŋ kùwà nɛ̀ɛ̀nɛ̀ŋ fuɔŋ.

Maafiù 7:11

Jòòpɛɛ nìŋ kuwa maŋ kpèè naanààŋ, kɛɛ nàŋ nyìmàŋ e ɗèwè manɛ̀ŋ kɛnɛ kìɛ̀ŋ koɓɛ̀ aŋ jɔ̀àiŋ nyàŋ. Dièsɔa nìŋ naŋ ɓɛ̀nɛ̀ŋ gòngo kɛ̀ wo Dèdaiŋ nɔɔ̀ŋ ko àìjɛnɛ̀ŋ wo naàŋ kìɛ̀ŋ mànɛ̀ŋ kɛnɛ kòɓɛ̀ ànyùùŋ nyaŋ dawàuŋ nyaŋ?

Jɔ̀ɔŋ 15:22

Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ.

1 Kɔliìŋ 6:6

Kɛɛ wo wùìyaà bà kɔà wo wùìya ko zɛ̀mɛ̀ɛ̀ŋ keì aŋ dàngè anyuùŋ gò hààwè Dayà nyaŋ aŋ nyiŋ gbààì keì.

2 Kɔliìŋ 12:14

E dìà taaà lɛɛ̀ naàŋ mìŋ yaà e bànèbaneim wèè ka hnàŋ kaiŋ jaamè, yèè miŋ naìŋ dawè wèè è nɛ̀ŋ gbiŋ. Nyɛ̀iŋ bi mìŋ manaŋ, e fè è nɛɛnɛiŋ nɛ̀. Aŋ jɔ̀à nyaŋ nààŋ kuwà wèè aŋ kàmè è nɛ̀ŋ kìɛ̀ŋ ànyuùŋ kòmaŋ nyiŋ nyàŋ, kɛɛ anyuùŋ kòmaŋ nyàŋ nàŋ kuwa wèè aŋ kàmè e nɛ̀ŋ kìɛ̀ŋ aŋ jɔ̀à nyiŋ nyàŋ.

2 Kɔliìŋ 6:15

Dièsɔa wo Jisɛ̀ Kulaì yaà wo Sɛ̀tanàŋ naŋ ɓɛ̀nɛ̀ŋ nyìmee koɓɛ̀ guùŋ? Kiìŋ wo nyuùŋ hààwè Dayà yaà wo nyuùŋ gò hààwè Dayà kpulìà?

Gàla 6:10

Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

2Time 2:12

Sèè è naiŋ jèè kɔ̀ɔ̀yɛ̀ keì nyìnga dìì, yàwiiŋ nyiŋ doiŋ nàŋ nɔ̀ŋ e kana kɛ̀ɛ̀uŋ nɛ̀ sùà. Sèè euŋ gììyà maŋhɛɛ, wò do wi nàŋ gììyè maŋhɛɛ.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

2Pììlɛ 2:1

E gɔuo sùà aŋ wɛ̀ijì tòa naŋ wa hnè anyùùŋ nyaŋ e tɛɛ, yèè e ɗèwè guùŋ bi sùà aŋ kààmɔɔŋ tòa doiŋ nàŋ hnè e tɛɛ. Àŋ do nàŋ hìɛ̀ŋ e kàa gɔ̀àgɔ̀à keì sùà, e kàa gò kùwìè tɔ̀ɔ̀nyaàŋ, yèè àŋ do nàŋ gììyè wo Kɛ̀ɛ̀nɛŋ nyiŋ nɔɔ̀ŋ naŋ nyiŋ bilɛ̀ŋ wɔ maŋhɛɛ, kɛ̀ àŋ hìàŋ e fàa fòòno nyiŋ bi diɛ̀ŋ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Maŋ kèì nyɛɛnɛŋ 2:13

Kà nyìmàŋ kɛ̀ koɓɛ̀i mùŋ joà lɛ, kuŋ wo Sɛ̀tanàŋ kuwa ke kpùà kanauŋ nɛɛ̀ŋ. Mùŋ yaà e tɔ̀ɔ̀nyaàŋ sùà ko nɛ̀ɛ̀ŋ miìŋ, e kìlà muŋ gò gììyà è hààwe mɔ̀ɛ̀ màŋhɛɛ e deè mɛ̀ sùà, e yìwìà e teengaà pɛɛ àŋ naŋ wa jìwè wo Aŋtipà, wo sèì tɔ̀ɔ̀nyaàŋ miɔ̀ŋ, koɓɛ̀i wo Sɛ̀tanàŋ joà lɛ.

Maŋ kèì nyɛɛnɛŋ 3:8

Kà nyìmàŋ e nɛ̀ɛŋ gbiŋ nìŋ nyɛnɛŋ lɛ̀. Kà nyìmàŋ kɛ̀ nìŋ kuwa e gaàŋ jɔ̀à. Nàŋ jɔ̀ɔ̀lɔ̀ ke mìè gbòa miɛ̀ŋ dìì e kìlà nìŋ kùwàìm e hààwe sùà. Kà yìlè wɔŋ gbemgbee ko fenìiŋ, wɔŋ yèɔ wo nyùùŋ gbiŋ fè ɓɛ̀nɛ̀ŋ yìla wɔ̀ŋ.