1Time 5:6 - WƆŊ FƐ̀Ì EBÒ SÌÀŊ DAYÀA

⁶ Kɛɛ wo jɔ̀ùŋèèdààa naŋ sìè wuŋ bi e gbana sùà wɔ, wò yaà e fàauŋ tɛ, jòòpɛɛ wò yaà wɔŋ nyiiŋ gèeɔ̀ sùà.

1Time 5:6 ပူးပေါင်းရင်းမြစ်များ

Maafiù 8:22

Wo Jisɛ̀ naŋ fasàì wààŋ, “Dèim maŋjɛ̀wɛ, dàngè anyùùŋ nyaŋ naŋ gàngà wèè aim dè maŋjɛ̀wɛ nyàŋ, nààŋ àŋ yaà fàa nyiŋ wo Jinàaŋ sùà nyaŋ, aŋ sìà anyuùŋ fàa nyiŋ nyàŋ.”

Luù 12:19

Kpeiŋ kɛ̀ mìŋ do nàŋ wòò koɓɛ̀ miàŋ biì mìàŋ, “Kenàŋ fùà fenɔ̀ɔŋ! Mùŋ kuwa manɛ̀ŋ siaŋ màŋ gbiŋ mùŋ manaŋ màŋ wèè maŋ doa jika. Nyɛnɛ̀ŋ ke nyɛɛkɛŋ mɔɛ̀ŋ wɔŋ nyiiŋ gèe mɔɔ̀ŋ sùà, jè, tià yèè muŋ jikà muàŋ bi.” ’

Luù 15:13

Maŋ ɗɔɔ kpàa naŋ mààŋ yèè wo jɔ̀àfelaa jɔaà naŋ mààŋ maŋ jeuŋ manɛ̀ŋ maŋ gbiŋ, wo ɓèmè e nɛɛnɛɛ̀ŋ wo yèwà ko gbooì. Wò naŋ kɔ̀ wɔŋ fuɔŋ diidìì bà sùà, kuŋ wò naŋ nyìnìè wɔŋ nyiiŋ gèeuŋ nɔɔ̀ŋ, wo pɔ̀ɔ̀pɔ̀ɔ̀ e nɛɛnɛɛ̀ŋ e gbana sùà.

Luù 15:24

Esaɓù kɛ̀ wo jɔ̀àfelaaim wɛɛ̀ naŋ wa fɔ̀, kɛɛ wò yaà naàŋ wɔŋ nyiiŋ gèeɔ̀ sùà. Wò naŋ wa go, kɛɛ kàuŋ naàŋ mɛɛ̀ŋ.’ Yèè wɔŋ ɗaaà naŋ tɔɔtù.

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 16:19

“Wo kenàŋ bàne bà yaào wa wo yèɔ hewa kpàà maŋ deè nyìngà ɓaà tèènè maŋ dèè sɛ̀ìŋ tɔɔ yèè wò yaà ke nyɛɛnkɛŋ sùà ke ɗɔɔ gbiŋ.

Luù 7:25

Kiìŋ nìŋ naŋ wa kɔ̀ wèè naŋ yɛmɛ̀? Wo nyùùŋ wo yèɔ naŋ kpàà maŋ deè nyìngà ɓaà wɔ? Kpele! Nàŋ nyìmàŋ kɛ̀ anyùùŋ nyaŋ kpaa maŋ deè nyìngà ɓaà nyaŋ, àŋ yaà anyuùŋ kɛ̀ɛ̀nɛ̀ŋ e ɓɛ̀ɛ̀jàa e kìlà àŋ joà maŋ sààŋ kana dìì.

Ɛfesɔ̀ 2:1

E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.

Ɛfesɔ̀ 2:5

E teengaà è yààìŋ wa aŋ fà wi wo jinàaŋ sùà esàɓù maŋ keì naanààŋ wi màŋ lɛ, wò naŋ wi kɛ̀lɛ̀ɛ̀ wɔŋ nyiiŋ gèeɔ̀ sùà yàwi nààŋ Jisɛ̀ Kulaì. È naiŋ yɛ̀mɛ̀ e jòèye esàɓù e tɛ̀ɛ̀tɛ̀ɛ̀ Dayàa sùà.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Kòlo 2:13

E tèèngà guùŋ bà è yaà mààŋ nìŋ naŋ fɔ̀ wo jinàaŋ sùà ko fɛ̀ɛ̀fèìŋ Dayài esàɓù maŋ keì naanààiŋ màŋ, yèè aŋ gòiŋ wa jàà kpùa e kìlà niŋ fè wa ànyùùŋ Dayà aŋ yè nyaŋ kuwà màŋ sàwà maŋ nyàŋ. Kɛɛ wo Dayà wòiŋ naàŋ hìàŋ koɓɛ̀ wɔŋ nyiiŋ gèe wo Jisɛ̀ Kulaì sùà, nààŋ wò naŋ wi jùùyè hakɛ̀ wèè maŋ jùumù wi màŋ gbiŋ.

2Time 3:6

Aŋ bà nyiŋ kɔ̀à maŋ sààŋ anyuùŋ joo dìì, wèè aŋ kùwie e gààŋ aŋ jɔ̀ùŋ kɛ̀ɛ̀nɛ̀ŋ zɔ̀kpɔ̀ nyaŋ diɛŋ wèè aŋ nyiŋ kàà e kàà kàaɓì nyiŋ nɛ̀ aŋ yè nyaŋ yaà aŋ ɗo maŋ jùùmù nyiŋ màŋ dìì yèè maŋ jùùmù bi nàŋ toomàŋ nyiìŋ wèè aŋ nyɛ̀nɛ̀ŋ maŋ keì naanààŋ zimgbe maŋ kpùnaŋ nyiŋ màŋ sùà.

Jìiiŋ 5:5

E nɔ̀iŋ nɛ̀ e ɗuunyaàŋ diɛŋ nìŋ naŋ jìkà maŋ nɛ̀ŋje siaŋ, e kìlà naŋ gè gbana. Nàŋ nyɛ̀nɛ̀ŋ maŋ jiiiŋ màŋ dɛɛdɛ̀ɛ̀ nàŋ kùwìè maŋ kèìŋ wèè ke ɗɔ̀ɔ̀ jìwaiŋ nɛɛ̀ŋ diɛŋ.

Maŋ kèì nyɛɛnɛŋ 18:7

Kìɛnùuŋ maŋ keì nyìnga zimgbe yaà ke jii mɔ̀ɔ̀nɛŋ, màànààŋ nɔŋ wò naŋ wa kìɛ̀ŋ wuŋ bi e jòòwo yèè wò naŋ jìkà e tɛ̀ɛ̀tɛ̀ɛ̀ ɗuunyaàŋ lɛ, esaɓù wò woà wuŋ bi ke jiiuŋ nɛɛ̀ŋ sùà wààŋ, ‘Kià mìŋ jaa, miàŋ nàŋ yaà wo jɔùŋ kana gbeeɔ̀! Miŋ fè wò jɔ̀ùnèèdàà, julɔfɔ miŋ naàŋ wa nàwèè kɛ̀ɛ̀nɛ̀ŋ kè jii mɔ̀ɔ̀nɛŋ!’

Maŋ kèì nyɛɛnɛŋ 3:1

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Saɗì. “Ke miè gbìaàŋ kɛɛ̀ e yìwìà wo yèɔ kuwa aŋ jìnàŋ nɔɔnɔŋ le tìyèe nyàŋ wèè Dayà yaà maŋ ɗù nɔɔnɔŋ le tìyèe màŋ wɔ. Kà nyìmàŋ e nɛ̀ɛŋ nìŋ yaà nyinie lɛ̀. Kà nyìmàŋ kɛ̀ nìŋ yaà mààŋ wo nyùùŋ nàŋ yaà wɔŋ nyiiŋ gèeɔ̀ sùà, jòòpɛɛ nàŋ fà!