1Time 5:5 - WƆŊ FƐ̀Ì EBÒ SÌÀŊ DAYÀA

⁵ Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.

1Time 5:5 ပူးပေါင်းရင်းမြစ်များ

Luù 18:1

Wo Jisɛ̀ naŋ gììyè anyùùŋ màŋjɛ̀wɛ̀uŋ nyàŋ ke kàɓanè kɛ̀ aŋ zoolò e teenga gbiŋ e kìlà e bɔ̀mɔ̀ŋ ɓɔ̀ è wùìyà nyiŋ julɔfɔ.

Luù 18:7

Weètii niŋ gò gongò kɛ̀ wò Dayà do nàŋ gbàì e tɔ̀ɔ̀nyaàŋ sùà wèè àŋ yè nyaŋ wò naŋ tàeɗùù yèè àŋ zoolàuŋ dùùm yèè maŋ gɔɛɛ nyàŋ? Wò do nàŋ dɔɔnɔ̀ŋ wèè wo nyiŋ kpuumàŋ?

Luù 2:37

Kɛɛ wò yaà wa naàŋ maŋ doa kpɛ̀ùŋ tiinàŋ jɛ̀wɛ̀ tiinàŋ. E dùùm yèè maŋ gɔɛɛ wò hewa jòò ko Saaŋ Zòòlò Dayài wò yaà zòòlò Dayà wò kuwo ke tɔùŋ.

Nyɛ̀nɛ̀ŋ 26:7

Maŋ zìì ɗì zììyà jɛ̀wɛ̀ tìyèe wi màŋ zoolà maŋ e dùùm yèè maŋ gɔɛɛ ke jii tùlia sùà wèè aŋ yɛmɛ̀ kɛ̀ e ɗààhiìɛ wo Dayà naŋ wa jɔ̀ɔ̀ lɛ e hɛɛnɛ̀ŋ, e kìlà wèè ke jìì tùlìà guùŋ yɛɛ̀, Kanaà Àgulepɔ̀, aŋ Juùù nyaŋ naim gbùwò maŋ keì ɗì.

Nyɛ̀nɛ̀ŋ 6:1

Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

Nyɛ̀nɛ̀ŋ 9:39

Ko fɛɛ̀feìŋ, wo Pììlɛ naŋ yèwè dìì yèè àŋ naŋ kɔ̀. Aŋ felaa nyàŋ naŋ kɔ̀ɔ̀ wo Pììlɛ ko sààŋ fùùiŋ yèè wò nao haì. Aŋ jɔ̀ùnèèdàà zimgbe yaào wa ko gulie. Àŋ nauŋ tɔ̀ɔ̀ maŋ kotì maŋ yaà maŋ dèè kɔɔ gbànaŋ màŋ wo Dɔkà naŋ wa banè maŋ e teengaà wò yaà wɔŋ nyiiŋ gèeɔ̀ sùà lɛ.

Nyɛ̀nɛ̀ŋ 9:41

Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

Luùm 1:12

E yèɛ mìŋ yaà woo lɛ̀ nàŋ yaà wèè kɛ̀ yàwi nààŋ gbiŋ eiŋ kpùùmàŋ aŋ dàwi e tèèngà guùŋ nɛ, e yìwìà e hààwe wilɛ̀ sùà.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

1 Kɔliìŋ 7:32

Mìŋ manaŋ wèè nyɛ̀iŋ nààŋ gbiŋ maŋ jiiiŋ màŋ ɓɔ̀ màŋ sɛɛɛ̀. Wo felaa gò kùwìè jɔunɔ̀ɔŋ wò yaà maŋ hòwò wèè e tòmò Kanaà, esaɓù kɛ̀ wò yaà fɛ̀ɛ sùà wèè wo nyɛ̀nɛ̀ŋ wo Kanaà ke jiiuŋ nɛɛ̀ŋ ke fà.

1 Kɔliìŋ 7:34

Kɛ̀ e kèì jiiuŋ nɛ̀ è gòònò sùà. Wo jɔùŋ gò kùwìè felaaà ɔ̀ɔ̀ wo jɔ̀ùŋ jɔ̀à bɛ̀ɛ̀ɔ wò yaà maŋ hòwò wèè e tòmò Kanaà, e kìlà wèè wo nɔ̀ŋ e nɛɛmaŋ ke kpùnauŋ nɛɛ̀ŋ sùà yèè wo jinàaŋ sùà, kɛɛ wo jɔ̀ùŋ felaaà wò yaà maŋ hòwò wèè maŋ kèì ɗuunyaŋ màŋ, esaɓù kɛ̀ wò manaŋ wo nyɛ̀nɛ̀ŋ wo faniuŋ nɔɔ̀ŋ ke jiiuŋ nɛɛ̀ŋ ke fà.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

1Time 2:1

E jiɛ̀jiɛ̀ nàŋ yaà, mìŋ yààìŋ dàwe sùà wèè naŋ zoolò wèè anyùùŋ nyaŋ gbiŋ. Dàweìŋ Dayà, yèè niŋ kiɛ̀ŋ ke sɛ̀ gèe wèè anyùùŋ Dayà nyaŋ gbiŋ.

1Time 5:16

Kɛɛ sèè wo jɔùŋ kɛ̀ɛ̀nɛ̀ŋ hààweɔ̀ ke gbòò anyuùŋ hààwe nyàŋ sùà naŋ kɛ̀ɛ̀nɛ̀ŋ aŋ jɔ̀ùnèèdàà ke kpoouŋ nɛɛ̀ŋ sùà, wo yɛmɛ̀ nyiŋ diɛŋ yèè ɓɔ̀ wò jàà kii nyiŋ nɛ̀ ànyuùŋ hààwe nyàŋ ɗì, wèè aŋ yɛmɛ̀ jɔ̀ùnèèdàà nyaŋ yaà wèè nyiìŋ bi nyàŋ diɛŋ.

1Time 5:3

Tɔ̀ɔ̀ e ɓɛ̀ɛ̀jàa koɓɛ̀ aŋ jɔ̀ùnèèdàà nyaŋ yaà kùàŋ nyiìŋ bi nyàŋ.

2Time 1:3

Mìŋ naŋ gè wo Dayà ke sɛ̀, wo yèɔ mìŋ zoolà e gòngo sengèì sùà wɔ, màànààŋ aŋ nèwàènèweim nyàŋ naŋ wa nyɛ̀nɛ̀ŋ lɛ. Mìŋ nauŋ gè sɛ̀ màànààŋ nɔŋ mìŋ naum jàà jii e teenga gbiŋ e zoolo mɛ̀ sùà e dùùm yaà maŋ gɔɛ lɛ̀.

1Pììlɛ 3:5

Aŋ jɔ̀ùŋ nɛɛmaŋ nyàŋ wa e gɔuɛ̀ sùà àŋ kuwa wa ke jii tùlia wo Dayà sùà. Àŋ hewa nyɛ̀nɛ̀ŋ nyiŋ bi siàŋ sìàŋ koɓɛ̀ aŋ faiŋ nyiŋ nyàŋ esàɓù kɛ̀, àŋ jɔɔlɔ̀ wa aŋ faiŋ nyiŋ nyàŋ dìì.