1Time 5:23 - WƆŊ FƐ̀Ì EBÒ SÌÀŊ DAYÀA

²³ Ɓɔ̀ mùŋ tìà nɔŋ màŋ màì miìŋ guùŋ, kɛɛ tìa maŋ tala muaŋ jɔa tòloò wèè e sàaàŋ yaà ko sùà muìŋ lɛ.

1Time 5:23 ပူးပေါင်းရင်းမြစ်များ

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Ɛfesɔ̀ 5:18

Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

1Time 3:8

Aŋ ɓɔìjɔ̀à nyaŋ kpùùmàŋ aŋ sìèfèìŋ anyuùŋ hààwe nyaŋ lɛ, aŋ kɛ̀ɛ̀nɛ̀ŋ ke kpèè siàŋ e kìlà aŋ nɔ̀ŋ anyùùŋ tɔ̀ɔ̀nyaàŋ. Ɓɔ̀ àŋ nɔ̀ŋ ànyuùŋ tìà màŋ tala muaŋ zimgbe, e kìlà ɓɔ̀ àŋ nyɛ̀nɛ̀ŋ e wùànàŋ nɛɛnɛŋ.

1Time 4:4

E nɛ̀ɛŋ gbiŋ wo Dayà naŋ banè lɛ è yaà tɛ̀ɛ̀, yèè ɓɔ̀ nìŋ dèmàŋ è nɛ̀ŋ gbiŋ, kɛɛ jàaiŋ niŋ kùàŋ dìì e zòòlò sɛ̀ gèe sùà.

Taitɔ̀ 1:7

Nààŋ wo sìèfèìŋ anyuùŋ hààwe nyàŋ nàŋ yaà wo ɓɔìjɔ̀à yɛ̀mɛ̀ e kèè e tòmò Dayàa dììo sùà lɛ, ɓɔ̀ wò kuwìè è tɔ̀mɛ. Ɓɔ̀ wò nɔ̀ŋ wò nyuùŋ mànàŋ tɛɛ, ɔ̀ɔ̀ wò nyuùŋ bìà jii, ɔ̀ɔ̀ wò nyuùŋ tìà màŋ mùàŋ tiwìtiwì ɔ̀ɔ̀ wò nyuùŋ dàà gbɔ̀ɔ ɔ̀ɔ̀ wò nyùùŋ wùànàŋ nɛɛnɛŋ keekèè.

Taitɔ̀ 2:3

Wòò aŋ jɔùŋ nyuùŋ kàìŋ nyaŋ nyiiŋ pɛɛ, aŋ nɔ̀ŋ mààŋ anyùùŋ nyaŋ manaŋ Kanaà àŋ nɔ̀ŋ lɛ, yèè ɓɔ̀ àŋ fiefìè ànyùùŋ. Ɓɔ̀ àŋ nɔ̀ŋ àŋ ɗo kòɓɛ̀ màŋ tala muaŋ, yèè aŋ kaà e yèɛ yaà tɛ̀ɛ̀ lɛ,