1Time 5:22 - WƆŊ FƐ̀Ì EBÒ SÌÀŊ DAYÀA

²² Ɓɔ̀ mùŋ jèlà ke jii wèè maŋ gbùwà wɔ̀ŋ kùàŋ è zòòlo wò nyùùŋ diɛŋ, wèè wo nɔ̀ŋ e tòmò kanaà Jisɛ̀ Kulaì lɛ sùà. Ɓɔ̀ mùŋ nɔ̀ŋ wò bàumbà wèè màŋ jùùmù nyuùŋ joo, nyɛnɛ̀ŋ muàŋ bi muŋ nɔ̀ŋ sengei.

1Time 5:22 ပူးပေါင်းရင်းမြစ်များ

Nyɛ̀nɛ̀ŋ 13:3

Àŋ naŋ wa kùwò ke tɔùŋ yèè àŋ naŋ zoolò, aŋ nyiŋ gbùwà maŋ kùàŋ diɛŋ yèè àŋ naŋ nyiŋ tùɔ̀ŋ.

Nyɛ̀nɛ̀ŋ 18:6

Ko diemeì, anyùùŋ nyaŋ nauŋ gììyè maŋhɛɛ yèè àŋ nauŋ fè maŋ mìè ɓɛ̀ɛ̀pɔ̀ɔ. Kpeiŋ wo Pɔɔ̀ naŋ gbùmò e buunùuɛ̀ maŋ dèè kɔɔuŋ màŋ yèè wò naŋ nyiŋ tɔ̀ɔ̀ maŋ kùàŋ wò naŋ woò wààŋ, “Sìaìŋ nyɛ̀iŋ bi jii wèè e yèɛ gbiŋ doiŋ nàŋ kaaìŋ lɛ, e naàŋ nɔ̀ŋ è kpàŋ è kɔɔim è do nàŋ nɔ̀ŋ e kèì ɗì maŋ sɛ̀ìŋ nyɛ̀iŋ bi màŋ! Yèè niŋ naìm sìè jii. E yìwìà nàaŋ mìŋ do nàŋ nɔ̀ŋ gbùùyè ke mìè Dayàa koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 20:26

Weètii mìŋ yààìŋ nàaŋ wòo sùà ke ɗɔɔ yɛɛ̀ kɛ̀ sèè nyɛ̀iŋ nààŋ nyùùŋ maŋ sɛ̀ìŋ miàŋ bi nyɛɛ̀ŋ bà gbiŋ naŋ go naŋ fòlà ke dòmàŋ Dayàa diɛŋ, e naàŋ ɓɛìŋ nɔ̀ŋ è kpàŋ è kɔɔim.

Nyɛ̀nɛ̀ŋ 6:6

Ke gbòòɛ naŋ wa kìɛ̀ŋ anyùùŋ nyɛɛ̀ŋ koɓɛ̀ aŋ keela nyàŋ. Kpeiŋ aŋ keela nyàŋ naŋ nyiŋ zoolò yèè àŋ naŋ nyiŋ gbùwò maŋ kùàŋ diɛŋ wèè e tɔɔ̀ kɛ̀ àŋ nyiŋ tàeɗùù wèè aŋ nyɛ̀nɛ̀ŋ e tòmo lɛɛ̀.

Ɛfesɔ̀ 5:11

Ɓɔ̀ nìŋ nɔ̀ŋ àŋ bàiŋbà kòɓɛ̀ màŋ keì naanààŋ maŋ anyùùŋ nyaŋ nyɛnɛŋ màŋ, maŋ keì maŋ kaaàŋ ke nyìwìɛ sùà maŋ. Kɛɛ fùlià miŋ ko gbolòùŋ.

1Time 3:10

Aŋ kɔà nyiŋ e wɔ̀à dìì jiɛ̀, yèè kɛ̀, sèè aŋ maaŋ e wɔ̀à lɛɛ̀ dìì e yèɛ e keì gò nyiŋ jèè lɛ, kɛ̀ àŋ ɓɛ̀nɛ̀ŋ nyɛ̀nɛ̀ŋ e tòmoɛ̀.

1Time 3:2

Wo sìèfèìŋ anyuùŋ hààwe nyàŋ, kuwa wo nɔ̀ŋ wo nyùnɔ̀ɔ̀ŋ kuwà è tɔ̀mɛ wɔ̀. Wo nɔ̀ŋ nyuùŋ kɛ̀ɛ̀nɛ̀ŋ wo jɔ̀ùŋ guùŋ, ɓɔ̀ wò nɔ̀ŋ wò nyuùŋ tìà mùàŋ, wo yɛmɛ̀ wuŋ bi diɛŋ, yèè wo nɔ̀ŋ ke jii fàa sùà. Wo nɔ̀ŋ nyuùŋ jàà aŋ nyùnèènyɛiŋ kùàŋ dìì ko gboouŋ noo, e kìlà wo nyìmàŋ e ɗèwè kàa.

1Time 3:6

Wo sìèfeìŋ wo nɔ̀ŋ wo nyuùŋ kàmaiŋ e hààweɛ̀ sùà, e kìlà ɓɔ̀ wò kɛɛnɛ̀ŋ kè jii gbee, yèè e keì ɓɔ̀ è jeèuŋ è gbài sùà, màànààŋ wo Dɛwìɔ yaà wa lɛ̀.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

1Time 4:14

Ɓɔ̀ mùŋ giiyà è kìɛ̀ŋ Jìnàŋ Nɛɛmaàŋ yààùm sùà lɛ è kɛ̀ɛ, wo yèɔ wo Dayà naùŋ wa kiɛ̀ŋ e teengaà aŋ wɛ̀ijì nyàŋ naŋ wa gbòò yèè ke gbòò aŋ màmàŋkùmɛŋ nyàŋ naùm wa gbùwò maŋ kùàŋ diɛŋ àŋ naùm zoolò lɛ.

2Time 1:6

Wèè esaɓù lɛɛ̀, mìŋ yaào dè sùà ke jii mɔɛ̀ŋ, wèè maŋ tòòmò e kìɛɛ̀ŋ wo Dayà naum kiɛ̀ŋ nààŋ mìŋ naum wa gbùwò wɔŋ kùàŋ zòòlo miɔ̀ŋ diɛŋ lɛ̀.

2Time 2:2

E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

Hiɓu 6:2

Ɓɔ̀ è kaàiŋ nɔŋ è ɗèwè ànyuùŋ gùa, yaà è làngì anyuùŋ gbùwà màŋ kùàŋ wèè eiŋ nyiŋ zòòlò diɛŋ. E kìlà, ɓɔ̀ è kaàiŋ ɓɛìŋ nɔŋ è kèè è tɔ̀ɔ̀nyaàaŋ kɛ̀, anyùùŋ nyaŋ do nàŋ yèwè e fàaà dìì wɔŋ nyiiŋ gèeo sùà. E kàa wilɛ̀ ɓɔ̀ è nɔ̀ŋ ɓɛìŋ nɔŋ wèè è ɗeweɛ̀ wo Dayà do nàŋ gbàì anyùùŋ lɛ, yèè e ɗeweɛ̀ e kitiuŋ nɛ̀ doo nàŋ jeè e kìlà wo nìmìlà anyùùŋ wèè julɔfɔ lɛ̀.

2Jɔ̀ɔŋ 1:11

Wo nyùùŋ gbiŋ naŋ jàà anyùùŋ mààŋ nyɛɛ̀ŋ kùàŋ dìì wɔ, wò nɔ̀ŋ wo bà nyiŋ bà wèè maŋ kpèè naanààŋ maŋ àŋ nyɛ̀nɛŋ màŋ.

Maŋ kèì nyɛɛnɛŋ 18:4

Mìŋ naŋ ɓɛìŋ kòmò ke miè joo e yìwìà ko àìjɛnɛ̀ŋ kè naŋ woò wààŋ, “Fòlaìŋ, nyɛ̀iŋ nààŋ nyunùim nyàŋ! Fòlaìŋ wo nìe wɛɛ̀ ko sùà! Ɓɔ̀ nìŋ nɔ̀ŋ àŋ bàiŋbà wèè màŋ jùumùuŋ màŋ. Ɓɔ̀ nìŋ nɔ̀ŋ àŋ bàiŋbà wèè è nimilàa wò do nàŋ kɔ̀ dìì lɛ!