1Time 5:19 - WƆŊ FƐ̀Ì EBÒ SÌÀŊ DAYÀA

¹⁹ Ɓɔ̀ mùŋ kumiàŋ è keìɛ àŋ naŋ wòò wo màmàŋkùmɛɔ̀ŋ dèè lɛ, sɔɔ̀ e yèɛ aŋ sèì tìyèe ɔ̀ɔ̀ aŋ yɛi nìàŋ àŋ hiàŋ lɛ.

1Time 5:19 ပူးပေါင်းရင်းမြစ်များ

Maafiù 18:16

Kɛɛ sèè wò gè maŋhɛɛ wèè woum kumiàŋ, ɓèmè wo sèì guùŋ ɔ̀ɔ̀ àŋ tìyèe niŋ ka ko nɛ̀ɛ̀uŋ niìŋ. Wɔŋ fɛ̀ì Dayàa naŋ woò wààŋ anyùùŋ tìyèe ɔ̀ɔ̀ aŋ nìàŋ yɛi e keì wòo gbiŋ sùà, kɛ̀ è tɔ̀ɔ̀ e tɔ̀ɔ̀nyaàaŋ janjai.

Jɔ̀ɔŋ 18:29

Kpeiŋ wo Paalè naŋ fòlò ko jɔɔlèe ko nɛ̀ɛ̀ŋ nyiŋ niìŋ, yèè wò naŋ nyiŋ dawè wààŋ, “Kiìŋ kè sàwà wo kenàŋ wɛɛ̀ naŋ pɔɔ̀?”

Jɔ̀ɔŋ 8:17

Wɔŋ fɛ̀ì maŋ Sàwàiŋ nɔɔ̀ŋ naŋ woò wààŋ sèè anyùùŋ tìyèe àŋ kìɛ̀ŋ ke mìè seì e kìlà aŋ gbùùyà e kèì guùŋ nɛ diɛŋ, kɛ̀ e tɔ̀ɔ̀nyaàŋ è yàà niìŋ ko sùà.

Nyɛ̀nɛ̀ŋ 11:30

Kpeiŋ àŋ naŋ wa tà wo Bànaŋɓà yèè wo Sɔɔ̀ ɗùù wèè aŋ koà e nɛɛnɛɛ̀ŋ koɓɛ̀ aŋ màmànkùmɛ̀ŋ anyuùŋ hààwe nyàŋ ko Jùlusɛ̀làm.

Nyɛ̀nɛ̀ŋ 25:16

Kɛɛ mìŋ naŋ nyiŋ woò mìàŋ tɛɛ̀ nàŋ fè è làŋgì ànyùùŋ fùɔ̀ŋ Luùm nyaŋ wèè aŋ kìlà wò nyùùŋ keì kòɓɛ̀ ànyùùŋ nyaŋ nauŋ gbùwò maŋ keì ɗì nyaŋ.

2 Kɔliìŋ 13:1

E teenga dìà è taaà lɛɛ̀ mìŋ yaà hìnìè kaiŋ jaamè. Wɔŋ fɛ̀ì Dayàa naŋ woò wààŋ, “Wo nyùùŋ gbiŋ naŋ kùwìè e keì wòo, wo kuwìè aŋ sèì tìyèe ɔ̀ɔ̀ taai.”

1Time 4:14

Ɓɔ̀ mùŋ giiyà è kìɛ̀ŋ Jìnàŋ Nɛɛmaàŋ yààùm sùà lɛ è kɛ̀ɛ, wo yèɔ wo Dayà naùŋ wa kiɛ̀ŋ e teengaà aŋ wɛ̀ijì nyàŋ naŋ wa gbòò yèè ke gbòò aŋ màmàŋkùmɛŋ nyàŋ naùm wa gbùwò maŋ kùàŋ diɛŋ àŋ naùm zoolò lɛ.

1Time 5:17

Aŋ màmàŋkùmɛŋ nyàŋ tomàŋ tɛ̀ɛ̀ mààŋ aŋ sìèfeìŋ nyaŋ, jàaìŋ nyiŋ kùàŋ dìì e dɛ̀ɛ̀kɛ sùà wèè aŋ yɛmɛ̀ e jìwààjɛ̀wɛ̀ gbee, ɓɔɔɓɔɔ ngèè aŋ yè nyàŋ tomàŋ nyìnga ko gbùùyè ke mìè Dayàa yèè àŋ kaà nyìŋ nyaŋ.

Taitɔ̀ 1:6

Wo màmàŋkùmɛŋ ɓɔ̀ wò kuwìè è tɔ̀mɛ, wo nɔ̀ŋ wo fèlàà jɔ̀ùŋ guùŋ kpò, yèè aŋ jɔ̀àuŋ nyàŋ aŋ nɔ̀ŋ anyuùŋ kùwìè hààwe, ɓɔ̀ àŋ nɔ̀ŋ ànyuùŋ kuwìè ebò waasu ɔ̀ɔ̀ ànyuùŋ gò jɔɔlɔ̀.

Hiɓu 10:28

Wo nyùnɔ̀ɔŋ gbiŋ naŋ gììyè maŋ Sàwà maŋ wo Dayà naŋ kìɛ̀ŋ wo Mòòze màŋ maŋhɛɛ wɔ̀, anyùùŋ gbèègbèè fuɔŋ nyàŋ naùŋ yɛ̀mɛ̀ kè nyowo, àŋ douŋ nàŋ jìwè, sèè anyùùŋ tìyèe ɔ̀ɔ̀ àŋ nie yɛi aŋ fòlà aŋ kìɛ̀ŋ ke mìè seì, e teengaà àŋ nauŋ gbaì lɛ.