1Time 5:15 - WƆŊ FƐ̀Ì EBÒ SÌÀŊ DAYÀA

¹⁵ Aŋ jɔ̀ùnèèdàà nyaŋ bà nyiŋ àŋ naàŋ kìlà wèè aŋ dè wo Sɛ̀tanàaŋ maŋjɛ̀wɛ.

1Time 5:15 ပူးပေါင်းရင်းမြစ်များ

Maafiù 4:10

Wo Jisɛ̀ nauŋ fasàì wààŋ, “Yewà kià, Sɛ̀tanàaŋ! È yaà sìnga niŋ wɔŋ fɛ̀ì Dayàa sùà kɛ̀, ‘Muŋ zoolò nɔŋ wo Kanaà wo Dayà mɔɔ̀ŋ yèè wuŋ guùŋ kpò.’ ”

1Time 1:20

Anyùùŋ nyɛɛ̀ŋ bà nyiŋ nàŋ yaà wa wo Hèmɛnàè yaà wo Àlèzanàŋ, aŋ yè nyaŋ mìŋ naŋ wa nimilà yèè mìŋ naŋ nyiŋ kìɛ̀ŋ koɓɛ̀ e gààŋ Sɛ̀tanàaŋ nyàŋ, tɛɛ̀ do nyiŋ nàŋ kaà aŋ dàngè maŋ mìè ɓɛ̀ɛ̀pɔ̀ɔ nyiŋ màŋ.

2Time 1:15

Màŋ nyìmàŋ kɛ̀ anyùùŋ nyaŋ gbiŋ maŋ kpàlàùŋ kpàlàùŋ maŋ fùɔ̀ŋ Eesìà maŋ sùà àim gììyà kɛ̀ɛ, e kpùlìà wo Fegelù yaà Hɛmɔgììŋ.

2Time 2:18

Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

2Time 4:10

Wo Dimà naŋ wa sɛ̀ɛ̀ e mànàŋ e ɗuunyaàŋ lɛɛ̀ sùà yèè wò naim gììyè kɛ̀ɛ, wò naŋ kɔ̀ ko Tɛsèlonikà. Wo Kùlìsɛɛ̀ŋ naŋ kɔ̀ ko Gàlatìà, yèè wo Taitɔ̀ naŋ kɔ̀ ko Dàmatià.

2Pììlɛ 2:2

Anyuùŋ zimgbe do nàŋ dè maŋ kpèè naanààŋ nyiŋ màŋ maŋjɛ̀wɛ, e nɔ̀ŋ saɓù anyùùŋ kùùnò gbòà maŋ mìè ɓɛ̀ɛ̀pɔ̀ɔ nyaàiŋ dè ke dòmàŋ tɔ̀ɔ̀nyaàŋ.

2Pììlɛ 3:16

Tɛɛ̀ wò naŋ wòò maŋ fɛi sìngauŋ màŋ gbiŋ sùà, sèè wò singe e ɓɛ̀ è ɗì keì. Maŋ keì nyìnga bà yaà maŋ fɛiuŋ màŋ sùà maŋ yè maŋ anyuùŋ gò nyìmàŋ nɛ̀ŋ, yèè aŋ fè jɛ̀ì kòɓɛ̀ guùŋ e kìlà àŋ gè e nɛ̀ŋ wòòuŋ nɛ̀ dao. Màànààŋ nɔŋ àŋ nyɛnɛŋ maŋ mìè gbòa màŋ bà miŋ sùà wɔŋ fɛ̀ì Dayàa sùà lɛ. Weètii àŋ hiàŋ maŋ keì pɔ̀ɔ̀pɔ̀ɔ̀ nyiŋ bi.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.